Mika 7:14 - Amazwi Yakwe Leza 2013

¹⁴ We Yawe sungala wacema antu yako uku nsonzo yakuyakumbilizya, utungulule ufyo wa mfwele zyako zino waisolwela. Ndakai zitenzi zyonga mu mutengo, mu mpanga yamulemvwe yakucemelamo ivunde. Lelo zitini ziye zikalye mu mpanga yamulemvwe, yakucemelamo yaku Basyani nu ku Gileadi, ndi vino cali mu manda ampiti.

Mika 7:14 ပူးပေါင်းရင်းမြစ်များ

Masamu 100:3

Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Masamu 143:5

Nkwiusya amanda yampiti, nkwelenganya ivicitwa vyako vyonsi, nga nu kwiusya umulimo wa minwe yako.

Masamu 28:9

Tuula antu yako, polelela umutundu wako. Uwa yatungulula nu kuyasunsa pa maye lyonsi.

Masamu 95:7

Pano wene ali Leza witu, nupya sweswe yacemwa yakwe, uufyo uno akatungulula. Ilelo mule muvwe ukwi zwi lyakwe!

Kufuma 33:16

Ndi cakuti wewe wapita naswe, ali wensi amamanya ukuti ukazangila mu antu yako pamwi nani. Cii cilalanga ukuti twaiyela ku antu amu nsi, ndi wewe wapita naswe.”

Lwimbo lwakwe Solomoni 4:1

Iyee, vino wayemba we mukundwe wane! Endi, silola vino wayemba! Mu cikuwalo cako wemo ukuzyongola amanso wa cipeele. Inyele zyako zikupungaila wa ufyo wa mbuzi zino zikutantamuka Mwamba wa Gileadi.

Ezaya 27:13

Mu wanda ulya intandala ilalila, iyakwama aina Izlaeli yonsi yano yikala mu mpanga ya uzya, mu mpanga ya Asilya nu mpanga ya Eguputo. Yalawela nu kwiza pepela Yawe mu Yelusalemu, pa mwamba wakwe wamuzilo.

Ezaya 35:2

Ulwanga lulimbila inyimbo nu kutololoka ni nsansa. Impanga iyali iyononeke ilayemba wa mwamba waku Lebanoni. Ilaya nu muvundo wa vyalo vyaku Kalimeli nu ku Syaloni. Antu yonsi yalalola ululumbi lwakwe Yawe, ukucindama kwakwe Leza. Yene yalalola ukulu na maka yakwe vino vyaya.

Ezaya 37:24

Wemo watutuma aomvi yako uku kwiza uku kunsaalula, nu kuitutumula wemo ukuitutumula, We Senakelibu waya namaceleta yako nyanya. Waya wacimvya imyamba itali sana, ukwikapo na pantonje ya mwamba waku Lebanoni. Watemola imiti imikelide ni miolivi, ilya kwene izipisye.

Ezaya 40:11

Amasunganga imfwele zyakwe wakwe kacema. Amakolonganikanga utwana twa mfwele, nu kutupakatila apa minwe yakwe. Amatungululanga na yanyina mfwele ningo sana, nu kuyatwala ukwa kupuzila.

Ezaya 49:10

Yatalatala yuvwe inzala nanti ulusala nupya, nanti ukucula nupya ku cipuki na kasanya. Pano wiyo wino akayatezela alayatungulula ku tufukoka twa manzi.

Ezaya 65:10

Yene yalampepa, yalacema imfwele zyao ni ng'ombe zyao umu nyika yaku Syaloni, yayela lwaku uwondaka alino nu mu cifoloma ca Akoli, lwaku ufumondaka.

Yelemiya 49:31

Katukini mukalwisye umutundu utakwata isakamiko, uno wikala ku matwi cele. Uno utakwata impongolo nanti imikolongelo, wikala sile pwanku onga mpo. Ivyalanda ne Yawe.

Nyimbo zya ndosya 1:7

Yano yali umu Yelusalemu mpiti yakwiusya vino umusumba wao wacindime mpiti. Lino kwali ukucimba ku anisi, kutali nanti wenga uwakuyatuula foo. Anisi yao yayasowekanga nu kuyawela apakulola kuno yaciimba.

Nyimbo zya ndosya 5:21

Ungala utuwezezye kunuli, we Mwene! Tuwezye! Tuwezezye ululumbi lwitu ulwa mpiti.

Ezekelo 36:11

Nemo ndavuzya antu, ndavuzya ni viteekwa kwene. Mulavulilako ukuluta vino mwali mpiti, nupya mulakwata na ana avule. Ndaleka muce mwaikala ndi vino mwikalanga mpiti, nupya ndaleka mukaye ni cituku vino citatazile ciye kuno muli apa mpiti. Lyene ali lino mulamanya ukuti nene indi Yawe.

Aina Levi 27:32

Yonga pa nyama zyamu viteekwa ikumi iyakwe Yawe. Lino inyama zizyo zikupendwa, cila nyama yalenga ikumi iyakwe Yawe.

Amosi 9:11

Yawe akuti, “Mu wanda ulya ndawezezyapo uwene wakwe Davidi, uno ukoline wa citalang'anda, nu kuzifya iviumba vyakweo, mpaka uye vino wali. Ndaukuululula nu kuuwezezya mu mwata uno wayelile mwenemo.

Obadiya 1:19

“Ayuda aku Negebu yalikala mu myamba yakwe Esau, nga aku uwondaka yalikala mu mpanga ya ina Filisti. Aku katutu yene yalikala mu mpanga yakwe Efulemu alino nu mu musumba ukalamba wa Samaliya. Aina Benjamini yalikala mu mpanga yaku kayeya ka Gileadi.

Mika 5:4

Lino aliza, wene alaposya nupya alacema imfwele zyakwe mu maka yakwe Yawe, nu mu ucindami wi zina lyakwe Yawe Leza wakwe. Alino yene yalikala mu mutende, pano ukulu wakwe ulafika nu kumpela ya nsi kwene.

Zefaniya 3:13

Aina Izlaeli alasyalapo yatalifya ku muntu awe. Yene yatalatumpoka awe, nanti ukulanda ivyaucenjezi, foo. Yalaya nu longo nu kuikalila uku matwi cele, ukwaula nanti aumwi uwakuyasonsomba.”

Zakaliya 10:10

Ndayafumya mu mpanga yaku Eguputo nu mu Asilya, ndayawezezya na kuno ukumwao. Ndayateeka mu mpanga ya Gileadi nu mu mpanga ya Lebanoni kwene, nu mu mpanga ilya yonsi mulasuka muzuule antu.

Zakaliya 11:7

Fwandi yayo akalanga imfwele nu kuzikazya, nemo ne Zakaliya yandemvile incito, nani ali pakuyacemela imfwele zizyo zino yali nu kukoma. Nakweti intuwa ziili, yonga nayamanga inti “Cikuku” ni yuze inti “Kulemana”. Awe nani ali pakuwaka imfwele zizyo.

Malaki 3:4

Lyene amawila ya antu amu Yuda nu mu Yelusalemu yano yakaleta yalazanzya Yawe, ndi vino yamuzanzyanga uku mpiti.

Mpendwa 23:9

Kwene nga nafindamila mu lwema ulutali nkuyalola. Nkuyalola ukufuma pa myamba papela. Yene uluko luno lwikala longa ntalwentalwe. Yene yamanyile vino yapolelelwa ukuluta inko zyuze izyasyala.

Mpendwa 32:1

Amu mutundu wakwe Lubeni na wakwe Gadi yakweti iviteekwa ivivule cuze, ing'ombe ni mfwele. Lyene ilola ukuti impanga zya ina Yazeli na ina Gileadi iziyalinga ukucemelako iviteekwa ivikalamba.

Mpendwa 32:4

twalola ukuti isuma cuze ukucemelako iviteekwa.

Mateo 2:6

‘Nawe Betelemu, mu mpanga yakwe Yuda, Usi munono muli yakateeka yakwe Yuda. Pano munuli mulafuma intunguluzi, ino ilaya akateeka wa antu yane aina Izlaeli.’ ”

Yoane 17:16

Ndi vino nsi wa antu amu nsi, nao kwene yasi wa antu amu nsi.

Malango 33:28

Acino amu mupanda wakwe Yakobo yakaikala mu mutende, yikala zii mu mpanga muno ingano na waini vyavulisya cuze, mumo muno tuswelelele ukufuma umwiyulu tukatonya pa musili.