Mika 7:11 - Amazwi Yakwe Leza 2013

¹¹ Mwe antu aku Yelusalemu, insita iliza ya kukuula amalinga inu, insita ino yanande inu yalavungululwa.

Mika 7:11 ပူးပေါင်းရင်းမြစ်များ

Neemiya 2:17

Lelo nayanenyile inti, “Mwe yayame, silolini intazi ino tukweti pamulandu wakuti musumba wa Yelusalemu usile amatongwa. Impongolo zyakweo zyonsi nazyo izyononeke! Silekini tumane akapi, tukuule cipya cipya ilinga lya mawe, nga tumasisya umuzewanya pakasi kitu.”

Neemiya 2:8

Alino na kalata wakuyapeela Asafu, kasunga wa mutengo wa mwene apakuti ace aka mpeele imiti iyakulepula imbao izya kuti ince mpangile impongolo zya Ng'anda ikulu yakwe Leza, ni zi linga lya musumba alino ni zya ng'anda yane kwene. Fwandi vyonsi vivyo umwene wanzumilizye apakuzana ukuti uluse lwakwe Leza lwali nani.

Neemiya 4:3

Nga alino Tobiya umwina Amoni, wino wali umupipi nawe, avwanga ati, “Lekini yakuule, tuyalozye! Pano kwene ndi cakuti nkusa wimilile api linga lino yakukuula, lingaongoloka sile!”

Neemiya 4:6

Lyene naswe ali vino twatwalilile ukukuula ilinga cipya cipya, nalyo lisuka lifika icimo ca muntu apakasi, apamulandu wakuti antu yalemine nu kwika umwenzo uku mulimo.

Ezaya 54:11

We mulanda we wemuno ukuyungana ni vinkunka, wemuno usimyalalikwa, lelo lyene ndakuulila amawe yako pa mawe yauze amutengo yakwe daimondi. Alino nu mufula wako pa mawe amutengo yakwe safilo.

Ezaya 54:2

Vungulula incende yi taalu lyako muno ukaikala. Konzolola insalu zi taalu kutali, utalimfye ni myando yako. Pampamila ni mpopo zyako ningo.

Ezaya 58:12

Mulatutulula amatongwa yampiti, nu kukuula mu mifula yampiti. Yalaamwama ukuti mwemwe yakalungisya ya viumba ivyononeke, yakakuululula ya vitotela.”

Ezaya 61:4

Yamakuululula cipya cipya ivitotela vya myaka ntanenwa nu kututulula apali ponsi pano pononike, kumwi ni misumba yonsi iyaongolwike, nga ni vitalang'anda vya myaka ni myaka.

Danieli 9:25

“We Danieli umanye nu kwiluka cii: Ukutandika apa nsita ino ilamulo lyapilwe ilya kukuula Yelusalemu cipya cipya mpaka ukufika nalino Musololwe Wilya aliza, palapita imyaka cinimbali amaila cinimbali. Umusumba wa Yelusalemu ulakuulwa cipya cipya nupya ulaya ni miseo nga namalinga akome, apa myaka cinimbali amaila amakumi mutanda na iili. Lelo insita iyo ilaya insita ya ntazi.