Mika 7:1 - Amazwi Yakwe Leza 2013

¹ Ala ncule mwe! Nemo indi wa muntu ali ni nzala wino afumile akusokota amatingi umu calo lelo ukwaula kuzana nanti cimwi cakulya. Nupya kutasile nanti amasamvu yano watemilwe.

Mika 7:1 ပူးပေါင်းရင်းမြစ်များ

Masamu 120:5

Kalanda kunondi, pano nkaikala apakasi ka ikazi aku Mesyeki nanti aikazi aku Kedali.

Mapinda 20:6

Antu avule yakaitanka apa luse lwao. Uzye aweni angazana umuntu umufuma cumi?

Ezaya 17:6

Mulasyala sile antu ampendwa yano alapusuka. Impanga ya Izlaeli ilasyala sile wa muti umuolivi, uno yatiyapukunya kweneko iviseekwa vyonsi, nu kusya sile iviseekwa viili nanti vitatu apa ntonje apapela. Nanti iviseekwa vini nanti visano ivisile ku misambo.” Kuu kuli kulanda kwakwe Yawe, Leza wa ina Izlaeli.

Ezaya 24:13

Eee, icacumi, avino cilaponela imitundu ya antu ya pano nsi yonsi. Cilaya ndi vino cikaya apa kuzombola. Lino yakapukunya nu kukunta iviseekwa vya miolivi vyonsi. Nanti vino yakakuntola utuseekwa twaku matingi utwakusyalikizya.

Ezaya 24:16

Tulauvwa inyimbo ukufuma umu nsi yonsi muno yapelela, nazyo zizyo zilaya izyakulumbanya Umulungami. Lelo kwene nemo ne Ezaya, insyakutaila akantu akali konsi! Ala nemo lwati lunsilila! Yacisanguka yacili yakuomba umulimo wao na maunsenunsenu yawo yakulu kukulilako sile.

Ezaya 28:4

Ukucindama kwa ntunguluzi zya vilumba kukuya kukusililikila wa masamvu yano yakatandikilapo ukuca umu mwaka. Yano antu yakatandikilapo ukulya nu kusila yasila zuwazuwa.

Ezaya 6:5

Nga alino nani ne Ezaya imvwanga inti, “Kalanda kunondi! Awe icumi ilelo lyene ali mpela yane! Pano kwene amazwi yonsi yano nkalanda yangaya aipe, nupya nikala na antu ya mazwi akanyengula umwenzo. Ilelo lyene casila nafwa, pano lyene nailolela na manso yane Yawe Wamaka yonsi.”

Yelemiya 15:10

Kalanda kunondi! Uzye icani cino mayo wamvyalile? Nemo nkulemanila nu kupazyana nu muntu wensi mu mpanga ii. Nsiazimisya nanti ukwazima impiya. Lelo antu yonsi yakantipwila.

Yelemiya 24:2

Umuse onga wali na masamvu asuma sana, ungati ayano yatandikile penepo ukuca. Umuse uze nao wali na masamvu aipisye sana, atange yalikwe.

Yelemiya 4:31

Nuvwile inkuuta kwati izya mwanaci wino ali pipi nu kulela ukuilizyanya kwati a wiyo akwelepa umwana wiyeli. Kwali kuli kulila kwakwe Yelusalemu, wino akwasela sile wataanza na makasa ala akuti, Owe mwe! Nazanzwa! Yene yakwiza ku kunkoma!

Yelemiya 45:3

‘Wemuno ukailizyanya uti, kalanda kasikolo ala nsyame mwe! Nemo Yawe akandundila sile ucuzi apa macuzi yane. Nintonta sana muno nkuteta, nsikukasula nu utulo!’ ”

Yelemiya 5:1

“Mwe antu amu Yelusalemu, simulini mu miseo inu! Mucelecensye nu kuilolela! Mulondelezye umu misolo yonsi iyaya mwenemo, tulole ndi cakuti mumazanamo umwi wino akacita visuma nu kwezya ukuya wacumi kuli Leza. Ndi kungaloleka umuntu umwi, wino angaya wacumi kuli Leza, ale lyene ndelela umusumba uu wa Yelusalemu.

Oseya 9:10

Yawe akuti, “Inkolelo lino nazanyile Izlaeli cali wakuzana amatingi amutengo. Ivikolwe vyakwe vivi navitemilwe ungati ukulola iviseekwa vya nkolelo vya misamvu. Lelo lino yizile ku Baali Peoli, yatandike ukupepa Baali nga yasanguka yaya camuselu wa unkolanya kwene wao uwa, uno yatemilwe.

Mpendwa 18:13

Vyonsi sile awewe Aaloni nakupeela. Nu muntu wensi uwamu ng'anda yako ndi cakuti musanguluke angalya kweneko.