Mika 6:13 - Amazwi Yakwe Leza 2013

¹³ Caleka natintandika ukonona mwemwe, ukutanganya mwemwe pamulandu wa maifyo inu.

Mika 6:13 ပူးပေါင်းရင်းမြစ်များ

Ezaya 6:11

Alino nani namuzya nati, “Ale lyene fwandi we Mwene, icintu cii cilapelela pi?” Nga nawe angasuka ati, “Ukufika sile na pano imisumba ilononeka isyale amatongwa. Ukufika sile na pano amang'anda yalononekela yasyale sile ivipompa. Alino nupya ukufika sile na pano impanga ilasyalila amapooli.

Yelemiya 14:18

Akula naya umu mpanga, ivyala vitupu avino nkuzana vya antu atiyakomwa umu nkondo. Nanti ndi naya umu misumba nkuzana antu yano yakusikila pamulandu ni cipowe. Yakasema na yasimapepo yakutwalilila kuomba imilimo yao. Lelo yatamanyile cino yakucita.”

Nyimbo zya ndosya 1:13

“Wene watamponyezya umoto ukufuma umupela, nga nao wiza umansolokota umu mafupa. Wene wanteya ulukose nga nalo lwamvwampwila ukunzi. Nga lyene wansya vivyo kwene, nasyala nkucula uwaca nu wila.

Nyimbo zya ndosya 3:11

Watanzinganya nu kumfumizya ukunzi mu museo, waya wansanyola nga ansya na vivyo kwene pambiliwili.

Nyimbo zya ndosya 5:16

Kutacili nanti cimwi cino tungakwatilapo icilumba. Kalanda kunotuli, pano twifya!

Oseya 13:16

Samaliya alinzile kuvunukwa, pamulandu wakuti yasangukila Leza wao. Aikazi ya mwenemo yalasendwa umu nkondo, ana yanono yalapololwa apa musili, na anaci asenda indilwa yalatumbulwa.”

Oseya 5:9

Efulemu alasanguka icitumba apa wanda wa kuvunukwa. Mwe ina Izlaeli cumi kwene nkumunena ukuti cii cilacitika.

Aina Levi 26:16

ndalenga kuti muvunukwe. Nkaalenga kuti uzanzo upone panomuli ni ndwala zyaula kupoziwa, ni ndwala zyakulenga kuti mupafule nga nu kulenga kuti umi winu ucepe. Mukaalima nu kukomela imbezu zinu. Lelo musizombola nanti cimwi, pamulandu wakuti anisi inu yakaamucimvya nu kulya ivyakulya vinu.

Mika 1:9

Pano ivilonda vyakwe Samaliya vitangapoziwa awe, nga Yuda nawe wasya acule mu musango uli umwi kwene. Uononesi watiufika pa mpongolo ya musumba wa antu yane, wafika mpaka nu ku Yelusalemu kwene.”

Mika 6:16

Mwemo mwalondela ivicitwa viipe vyakwe Omuli ni vicitwa vyonsi vya ang'anda yakwe Aabu. Mukasunga ni ntambi zyao zyonsi. Caleka ndamulovya, na antu yonsi yalamusuula, nga na antu amu nko zyuze yalamusoweka.”

Mika 7:13

Insi ilasanguka iye ulwanga pamulandu wa vicitwa viipe vya aikazi ya mwenemo.

Milimo 12:23

Lilyo kwene mungeli wa Mwene alwalika Helodi pano atapile lulumbi kuli Leza. Helodi ingonyo zimulya, afwa.