Mika 6:12 - Amazwi Yakwe Leza 2013

¹² Antu akama yakaliila auze pa mutwe. Antu yonsi antumpu, yikalila sile ukusomba.

Mika 6:12 ပူးပေါင်းရင်းမြစ်များ

Masamu 120:2

Imvwanga inti, “Untuule, we Yawe, uku antu yaufi nu ku antu asomvi.”

Masamu 35:20

Imvwango zyao uku antu atemwa umutende, izya vyongo vyongo sile, nu kulondelezya sile inzila zyonsi umwa kuyatumpwila.

Masamu 78:36

Lelo kwene amazwi yao yali aufi sile, ni mivwangile yao yali iya ndimi ziili.

Ezaya 1:23

Intunguluzi zyako zyatizitalama, iziya a yacuza ya ivi. Lyene yakazumilizya utwawila na mafukakanwa. Yatangeyezye lyene ukuvwangila ana yasyale mu cilye nanti ukuvwa ku ntazi zyakwe yamukamfwilwa.

Ezaya 3:8

Ala umu cumi, Yelusalemu alaongoloka, Yuda alawa, pano imivwangile yao, ni vicitwa vyao vikacuzya Yawe, yakamutukola apaswe.

Ezaya 5:7

Aina Izlaeli ali calo ca matingi cakwe Yawe Wamaka yonsi, nga Ayuda nayo ali matingi kwene yano wene walima. Wene walolelanga kuti alole ndi cakuti yamacita ivilungame. Lelo yene yatandika ukukomola antu! Walolelanga kuti alole kuno yamacita ivilungame. Lelo wene uvwanga sile impoma zya antu yauze yano yafyengelekezyanga!

Yelemiya 9:8

Indimi zyao zyakolana wa nceto izyaulembe, pasi pakulanda ivya ucenjezi. Apakulanda ku ance yakalanda wakwe yacuza, lelo mukasi ka myenzo yao ala yatiyateyanya vyakuyafutukila.

Oseya 7:1

Lilyo lyonsi lino nkulonda kuwezya antu yane apasuma, lino nkasi kupeela aina Izlaeli ulongo, amaifyo yao yakaloleka apaswe. Imilimo iipe ya antu aku Samaliya ikasokololwa. Yene yakacita vyaucenjezi, yakatama amang'anda ya antu nu kwiya, yakazanza nu kuyiila antu umu miseo.

Oseya 7:13

Kalanda kuno yali pano yene yansya. Si yale yononeke pamulandu wakuti yansangukila. Nemo nkalondesya ukuyatuula, lelo yakalukulanda sile vyaufi pali nene.

Amosi 2:4

Yawe wavwanga wati, “Pamulandu wakuti antu aku Yuda yakutwalilila ukwifya, nemo ntalaposiwa ukuyavunuka. Yene yakapepusya amasunde yane ne Yawe, acino yasinguvwila muli vyonsi vino nkayasunda, nga na Tuleza twaufi utwa vikolwe vyao twayaponzya.

Amosi 6:4

Kalanda kuno muli mwemuno mukalala pa misanzi inu iyembe, ino yapangilwa ku mino ya nzomvu, mwemuno mukasalala pa mipando inu, nu kuipakizya iminyefu ya ana ya mfwele asuma na ana ya ng'ombe anone.

Zefaniya 1:9

Pa wanda kwene ulya indavunuka yayo yonsi akapepa wa inamasi, yayo akaiya, akakoma auze, kuti yazuzye ivisampwe umu ng'anda ya kaluwi kaleza kao.”

Zefaniya 3:3

Yacilolo yako yakung'anza wakwe yacisama, ni ntunguluzi zyako zikoline wa mimbulu, ino isyasya nanti cimwi kuti cifike nu mukatondo.

Milimo 24:9

Ayuda yazumilizya, yalanda ukuti vii vyonsi ivya cumi.

Loma 3:13

Milomo yao yakolana wi lindi lili casi. Indimi zyao zikavwanga ivyaufi pa milomo yao pakafuma ulembe ngati uwakwe cipili.