Mika 5:8 - Amazwi Yakwe Leza 2013

⁸ Antu yakwe Yakobo asyala yonsi yalalulumba umu antu amu nko zyuze, pakasi ka antu aingi, wakwe cisama wino akulunga cakuti angalya. Yalaya wa mwana wakwe cisama, pakasi ka ufyo wa mfwele, wino ndi wazingilila, azivwantukila nu kuzilepola. Nga lelo kusi umwi wakuzipususya.

Mika 5:8 ပူးပေါင်းရင်းမြစ်များ

Utandiko 49:9

Yuda akoline na cisama, wino akakoma inyama atwala ku ninga, Yuda akoline na cisama akalambalala pansi ainyunza. Wene akoline na cisama, nga kusi umwi angapama ukumuzyula.

Masamu 104:20

Imfinzi awewe ukaileta nga kuya usiku, ni nyama zya mpanga nazyo izitandika ukukatuka.

Masamu 44:5

Uku maka yako, akuno tukacimvizya anisi itu. Nupya apamulandu wakuti waya naswe ali cino twacimvizyanga na wensi wiyo uwatukatukilanga.

Masamu 50:22

Mwemuno mwansula, ne Leza, cenjelini! Pano limwi mungazana ukuti namusantola ukwaula nu wakuti amutasye.

Mapinda 30:30

cisama uwakwatisya amaka ukuluta inyama zyonsi, wiyo asioopa icintu icili consi.

Ezaya 5:29

Asilika yayo yakung'anza wakwe yacisama ati yalema inyama nu kuzitakanya, apakuti kutaya nanti umwi uwakuzipokolola.

Ezekelo 39:10

Yalata ukutiya inkwi umu mpanga nu kuta ukutema imiti umu mitengo pamulandu wakuti yalapemba ivyanzo. Yalapokolola ivyuma kuli yano yayapasile, na kuli yano yayapokololwile ivyuma vyao.” Ivyalanda Yawe Simwandalali.

Oseya 5:14

Ndazanza antu yakwe Efulemu wakwe vino cisama akazanza, ndayalepola mu tumpimfya ndi vino cisama wamaka akacita. Nemwisikulu ndayasantola nu kuyasya. Lino ndayakululula, kusi nanti umwi alaya na maka akuyatuula.

Mika 2:12

“Lelo mwe amu mupanda wakwe Yakobo, ndamukonganika pamwi mwensi. Mwensi mwe ina Izlaeli asyala ndamukonganika pamwi ungati mfwele mu citata, ungati ufyo umu ncende ya uko iyakucemelamo. Nupya kwene antu yalazuula wakwe cimwi mu mpanga inu.

Mika 4:13

Yawe akuti, “Mwe antu amu Zioni, katukini muye mukalwisye anisi inu! Ndamucita ukuya antu amaka ungati a masaye uwa mpembe zya cela, ni nkamba zya mukuwa. Ulavungola antu amu mitundu ivule, “nu kutuula kuli ne Yawe ivintu vino yalonsile umu ukakasi. Ni cuma cao ulacipeela ku Mwene wa nsi yonsi.”

Mika 4:7

Ivilema vivyo ndaleka viye antu yane asyalapo, yayo azinzilwe kumwao yalaya uluko lwa maka. Nene ne Yawe ndaya umwene wao apa mwamba wa Zioni, ukutandikila sile apa nsita kwene iyo mpaka umuyayaya.”

Mika 5:3

Caleka Yawe alatazyela Izlaeli, mpaka ukufika na pa nsita ilya, lino mangu wilya wino ali pipi nu kupapa alalela umwana. Lyene asyala amu mutundu wakwe yalaswilila ku ina Izlaeli yauze.

Mika 7:18

Uzye a Leza cii akoline nawe, wino angelela amaifyo, nu kwelela amaifyo ya antu yakwe asyala? Wemo usisoka mpaka umuyayaya, lelo ukaya nu kutemwa kwa muntaputuka.

Zakaliya 10:5

Ayuda yalacimvya wa vita ivikulyatola pa anisi yaviko mu matipa yamu miseo. Ayuda yalalwa inkondo pano ne Yawe naya nayo, yene yalacimvya na anisi kwene akapitila pa mfwalasi.

Zakaliya 11:6

Yawe wavwanga wati, “Lyene nemo ntalatala ntezele aikala nsi. Antu yonsi wenga wenga nemo ndaleka intunguluzi zyao nanti yamwene yao ayano yakayateeke uku kalili. Intunguluzi zizyo zilonona impanga, nani ntalayapususya kuno yali, awe.”

Zakaliya 12:3

Pa wanda kwene ulya umusumba wa Yelusalemu ndaucita wa ciliwe cinyome wakwe cimwi ku mitundu yonsi ya antu. Na antu yonsi alezya kucikatusya imisana yao ilavunika. Mitundu yonsi ya antu ya panonsi yaluminkana kuti yezye ukuwililila umusumba wa Yelusalemu.

Zakaliya 14:18

Umutundu wa ina Eguputo ndi waca wakana ukwiza zevya Cimulo ca Nsakwe, ulaponelwa ni mpungo ino Yawe alaponyezya imitundu ilakana kuzevya Cimulo ca Nsakwe.

Zakaliya 9:15

Yawe Wamaka yonsi alacingilila antu yakwe, nayo yalakomola anisi yao. Mu nkondo antu yakwe yalapunda wa antu ati yakoleka uwengwa, yalazwisya uwazi wa anisi yao, uno ulaazwa kwati uwazi wa mpolelwa uno yitulwila mu lweso pa kavuwa ka mpolelwa.

Malaki 4:3

Pa wanda ulya lino ndacita cimwi, mwemo mulacimvya yakaifya nayo yalaya wi twi uku ngazo zinu. Ne Yawe Wamaka yonsi navwanga.

Mpendwa 24:9

Yene yakateyamila wakwe cisama wakalume nanti wakaci. Nga aweni angezya ukumuvulumula? Ali cino fwandi amakupolelelanga, apolelelwe nawe kwene, Na wensi amakutipwilanga, atipwilwe nawe kwene.”

Mateo 10:14

Umuntu ali wensi wino atalamuzengela, nanti kuvwa mazwi inu, muce mufume mu ng'anda nanti mu musumba uo, nu kukunta ulukungu lwaku ngazo zinu.

Milimo 18:6

Lino yamukana nu kulanda viipe pali aliwe, wene akunta lukungu ku vizwalo vyakwe kuti ayalange vino wapaluka kunoyali, nga ayanena ati, “Ndi mwalowa, ale umulandu winu mweisikulu! Usi mulandu wane. Ukufuma ndakai namaya ku Akulukuwa.”

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?

Ayebulai 2:3

Uzye lyene tungatuulwa uli ndi tusyakwika mano ku ufyusi wakula musango uu? Mwene umwisikulu uwatandike kulanda pa ufyusi uu, na yao auvwileko mazwi yaa yasininkizye kunotuli ukuti avino cili.