Mika 5:2 - Amazwi Yakwe Leza 2013

² Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Mika 5:2 ပူးပေါင်းရင်းမြစ်များ

Utandiko 35:16

Yafuma ku Betele na lino yacili akatalamukila kufika ku Efulata, insita ifika yakwe Lakeli kuti avyale, lelo wakweti intazi ikulu ya kuvyala.

Utandiko 35:19

Lyene Lakeli afwa, nga yamuzika mumbali ya museo uwaku Efulata (kuli kuti, Betelemu).

Utandiko 48:7

Nacita ci pamulandu wakuti nkwelenganya vyacitikile nyoko Lakeli. Nasosile pano Lakeli wafwilile mu mpanga ya Kenani mupipi nu musumba wa Efulata, ala nkuswilila kumwitu ukufuma ku Mesopotamya. Imuzika mu mbali ya museo uwaya ku Efulata.” (Musumba wa Efulata ndakai ukaamwa ukuti Betelemu.)

Utandiko 49:10

Intuwa ya wene ilikala mu makasa yakwe Yuda amanda pe, nga na amu mupanda wakwe yalateeka amanda pe. Inko zilaleta vya mawila kunoli. Nga yalamuvwila nu kumufukamila.

1 Milandu 2:54

Amu mupanda wakwe Salima a Betelemu, Netofa, Atiloti Beti Yoabu, na citika wa ina Manaati.

1 Milandu 4:4

Penueli uwasokwile umusumba wa Gedoli. Ezeli nawe uwasokwile umusumba wa Husya. Yakwene yali amu mupanda wakwe Huli, iyeli lyakwe Efulata isi wakwe Betelemu.

1 Milandu 5:2

Lelo umutundu wakwe Yuda wizile iuya uwamaka wakwe cimwi nga umwafumile uwakuteeka imitundu yonsi.

Masamu 132:6

Uku Efulata tuvwile ulwa kululumba kwa Mbokosi ya Upangano.” Twaizanyile umu vyalo vyaku Yaali, ituvwanga tuti,

Masamu 90:2

Lino imyamba itacili ipangwe ni nsi yonsi itacili iyeko, wemo we Leza akuno wali, nupya ulayelelela.

Kufuma 18:21

Lelo kulunda pali vii, ulinzile kusola aonsi yamwi ampomvu nu kuyasonta kuti yaye wa ntunguluzi zya antu. Mu musango uu, intunguluzi zya antu mazimbi, na yamwi antu imyanda, na yamwi antu amakumi yasano, na yamwi antu ikumi. Yalinzile ukuya antu akaopa Leza. Yalinzile ukuya atailwe nupya atangazumilizya mafukakanwa.

Kufuma 18:25

Alino asolola antu ampomvu mu ina Izlaeli nu kuyasonta kuti yaye intunguluzi zya antu. Mu musango uu, intunguluzi zya antu mazimbi, na zimwi zya antu imyanda, na zimwi zya antu amakumi yasano, na zimwi zya antu ikumi.

Ezaya 11:1

Ululembelya lulatumba apa cisiki cakwe Yese, na pamisisi yakwe palamela umusambo.

Ezaya 53:2

Ala Yawe umweneco aliwe walanzile ukuti umuomvi wakwe akulile pa cinso cakwe wa muti uwalemwa apume ndi, pano imisisi ikulepola umusili apakutamba pansi. Atalolekanga umucindame nanti umuyembe, cakuti swemo tumwikeko amano. Atakweti usuma uwakuti swemo twalondelela kweneko.

Ezaya 55:4

Lola ninkucita kambone wa mitundu, intunguluzi na kateeka wa mitundu.

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Yelemiya 30:21

Intunguluzi yao ilaya iya mutundu wao. Uwa kuyateeka alafuma pakasi kao. Ndaleka ukuti aize kunondi nu kumpalamila, pano kutanga kuye angaitemelwa ukumpalamila.” Ivyalanda Yawe.

Oseya 6:3

Lekini twezye ukumanya Yawe. Lekini tutukusye ukumumanya. Cumi kwene aliza kunotuli wa kutunka kwi lanzi, aliza kunotuli wa mvula ya macesya, ni yapa mooko ino ikatontekela umusili.”

Amosi 9:11

Yawe akuti, “Mu wanda ulya ndawezezyapo uwene wakwe Davidi, uno ukoline wa citalang'anda, nu kuzifya iviumba vyakweo, mpaka uye vino wali. Ndaukuululula nu kuuwezezya mu mwata uno wayelile mwenemo.

Mika 4:10

Mwalu kwaseela nu kunyunguluka, mwe antu aku Yelusalemu, wa mwanaci wino ali pipi nu kulela. Pano ndakai mulinzile ukufuma mu musumba uo, kuti mukikale mu mitanda. Mulasendwa nu kuya ku Babiloni. Lelo kuku kwene Yawe alamukulula ku anisi inu.

Zakaliya 13:7

Yawe Wamaka yonsi wavwanga wati, “Ale we lupanga lwane, zanza kacema wane, zanza umuntu akambombela. Ukome kacema pakuti imfwele zisalangane. Nani namazanzapo utwana twa mfwele.”

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Mateo 2:1

Pacisila lino Yesu wavyalwa mu musumba wa Betelemu mu Yudeya, mu manda yalya lino Helodi wali umwene, antu yamano amanyanga vintu mu kusambilila pa ntanda yafuma ku ufumondaka, iiza ku Yelusalemu.

Mateo 2:6

‘Nawe Betelemu, mu mpanga yakwe Yuda, Usi munono muli yakateeka yakwe Yuda. Pano munuli mulafuma intunguluzi, ino ilaya akateeka wa antu yane aina Izlaeli.’ ”

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Luka 23:2

Alino yatandika kumulongwela, yati, “Twazana ukuti umuntu wii akutunkola antu amu luko lwitu kuti yatasonka musonko kuli Kesa nu kuilanda vino wene ali Katuula uwalavilwe.”

Luka 23:38

Na papela panoli palemvilwe mazwi yaa akuti, “Wii, ali Mwene wa Ayuda.”

Yoane 7:42

Uzye malembelo yatati Katuula alafuma mu mupanda wakwe Davidi, mu Betelemu, musumba muno Davidi wikalanga?”

Malango 1:15

Acino natoozile intunguluzi zyamano zilamoke zino mwasolwile ukufuma mu mitundu inu, nga nzipeela uwangalizi kuti zyamwangalila. Zimwi zyangalilanga antu izimbi, zimwi zyangalilanga antu umwanda, zimwi zyangalilanga antu amakumi yasano, na zimwi zyangalilanga antu ikumi. Nasolwile na yacilolo yauze mu mitundu yonsi.

Kolose 1:17

Klistu akuno wali lino vyonsi vitali viyeko, nupya muli aliwe cintu consi cakwata cifulo caciko.

Ayebulai 13:8

Vino Yesu wali apa mutondo avino ali ni lelo, nupya avino amayanga manda pe.

Ayebulai 7:14

Camanyikwa ningo ndi vino wene wavilwe mu mutundu wakwe Yuda. Lelo Mose atalanzile mutundu uu lino wavwanzile ivya pali yasimapepo.

1 Yoane 1:1

Twamulembela pali wiyo akaamwa ukuti Izwi likapela umi, wiyo uwaliko kufuma ku utandiko, wino tuvwile, nupya wino twaweni na manso itu. Endi twamulolekisye, nupya twamukumizye ni minwe itu.

Umbwilo 19:16

Pa mwingila wakwe na pa lupamba lwakwe palemvilwe zina lino likati, “Kateeka wakwe yakateeka nu Mwene wakwe yamwene.”

Umbwilo 2:8

“Lemba ku ntunguluzi yakwi uvi ku Similina uti, “Lii ilandwe kufuma kuli wino uwakutandika nupya uwakusyalikizya. Wene wafwile nupya ali nu umi.

Umbwilo 21:6

Lyene avwanga ati, “Cati cicitwa! Nene Alufa na Omega, kuli kuti uwakutandika nu wakusyalikizya. Wensi ali nu lusala ndamupeela nsambu ya kumwa uwila mu kafukoka ka manzi yano akapeela umi.

Yakapingula 17:7

Kwali kweneko umulumendo umwi umwina Levi uwamu mutundu wakwe Yuda. Wene wafumile ku Betelemu mu mpanga yakwe Yuda.

Luti 1:1

Pa nsita imwi lino aina Izlaeli yatekwangwa na yakapingula, mu mpanga ilya mwaponyile cipowe. Acino umuntu umwi uwaku Betelemu umu mpanga yakwe Yuda, pali pamwi nu muci na ana yakwe yaili aonsi, aya mu kwikala umu mpanga ya Moabu pa nsita imwi pamwi nu muci wakwe na ana yakwe yaili aonsi.

Luti 4:11

Inkombe zizi pamwi na antu yonsi ali pa mpongolo ilya yavwanga yati, “Ee, icacumi sweswe yakambone. Si Yawe umwisikulu angaleka umwanaci wino akwiza ukwako aye ivyali Lakeli na Leya, antu yaili asandulwile ang'anda yakwe Izlaeli. Sungala ucite icampomvu mu Efulata pa kusunga izina lyakwe mu Betelemu kuti litalowa.

1 Samueli 10:19

Lelo mwemo mwatimukana Leza winu, wino akamutuula ku ntazi zinu zyonsi na kuli vyonsi vino vikamusakamika. Mwemo mwavwanga mwati, ‘Awe! Tupele sile umwene uwakuti atuteeka.’ Acino fwandi yangini mutantame pa manso yakwe Yawe umu mitundu inu ni miiko inu.”

1 Samueli 17:12

Davidi wali umwana wa mwina Efulata wino yamanga iyati a Yese, ukufuma mu musumba wa Betelemu umu mpanga yakwe Yuda. Yese wakweti ana aonsi cinani, nga pa nsita ya wene wakwe Saulo umuntu wiyo ale wakota akukongoza sile.

1 Samueli 17:18

Alino senda nu lwambu luu ulwi ziya, umu ntungo ikumi utwalile musika mukalamba uwa vita. Yanga kalole anyonko ndi yali umutende uce undetele ni cisininkizyo ukufuma kunoyali.

1 Samueli 23:23

Londelezini incende zyonsi zino akafisama mwenemo nga muweluluke kunondi mwize munene. Lyene ndapita kweneko pamwi namwe, nga ndi cakuti acili mu ncende iyo, indamuzana, nanti angala indalondalonda umu mwiko wakwe Yuda onsi.”

1 Samueli 8:12

Yamwi nayo alayalasika ukuya yamusika akalamba ampuka ya vita amazimbi na ampuka amakumi yasano, nga na yamwi alayapeela umulimo wa kulima ivyalo nu kuzombola ivyakulya vyakwe. Nga nayauze alayapeela umulimo wakupanga ivyanzo nga ni viombelo vya maceleta yakwe.