Mika 5:14 - Amazwi Yakwe Leza 2013

¹⁴ Ndawisya amaunkolanya inu yakwe Asyela umu mpanga inu, nu konona imisumba inu.

Mika 5:14 ပူးပေါင်းရင်းမြစ်များ

2 Yamwene 17:10

Apapela ya milundu yonsi nu mwisika lya vimiti ivikulu ivya matesi, monsi iyakuula utuvuwa twa mawe nu unkolanya wakwe kaleza kanaci ka Asyela.

Masamu 149:7

Ali pakuti yakailandwile aeneco uku inamasi, nu kuvunuka antu ya mitundu yuze.

Masamu 149:9

Ali pakuyavunuka ndi muno Leza wapelile ilamulo. Kuko ali kucindama kuno Leza wacitila antu yakwe! Lumbanyini Yawe!

Kufuma 34:13

Mwawisya tuvuwa twao, monone amawe yao amuzilo yano iimika, nupya muwisye incesi zyakwe Asyela.

Ezaya 17:8

Yatalatala yaswilizye ukutaila mu tuvuwa, nanti ukusakamala amaunkolanya yakwe Asyela nga nu tuvuwa twakocelapo ubani, tuno yaikuulila aeneco na makasa yao.

Ezaya 27:9

Uyi wa ina Izlaeli, ana yakwe Yakobo, utalelelwa foo. Suka sile manye lino yalamala ukutamola amawe yano yakuulila utuvuwa twa antu atamanya Leza. Vilaya ivyakusyunola ndi vino yakasyunola insio, nupya suka yakamale ukonona amaunkolanya yakwe Asyela yonsi, kumwi ni viimbili vya tuvuwa tonsi utwakocelapo ubani.

Yelemiya 12:17

Lelo ndi cakuti uluko lumwi lwa antu yamwi lwakana ukuyela, lyene ale ndalutukulula nu kulonona mpaka lulowelele. Endi, anene ne Yawe navwanga.’ ”

Nyimbo zya ndosya 2:2

Ukwaula nu kuvwa uluse, Yawe wataonona imisumba yonsi yamu mpanga yakwe Yakobo. Cipyu cipyu, wene wataonona amalinga yano yacingililanga impanga. Watalenga nu kuti uteko uzewane kumwi na yakateeka yamwenemo.

Naumi 1:14

Yawe wapeela ilamulo lyapali mwemwe, mwe ina Ninive, ati, “Mutalakwata amu mupanda akuti yatwalilile ukwimika umupanda winu. Nupya ndonona utuluwi twinu utuwaze nu twakwengulula utwaya mu ng'anda ikulu yakwe tuleza twinu. Nkumuteyanyizizya ilindi umwakuti ince muziike, pano mutalinzile kuya nu umi!”