Mika 5:10 - Amazwi Yakwe Leza 2013

¹⁰ Lelo Yawe wavwanga wati, “Mu wanda kwene ulya ndonona imfwalasi zinu yonsi, nu kuvunola amaceleta inu.

Mika 5:10 ပူးပေါင်းရင်းမြစ်များ

Ezaya 2:7

Mu mpanga yao mwatimuzula siluva na zaabu, icakuti icuma cao caticivulilako. Imfwalasi na maceleta navyo anyanya.

Yelemiya 3:23

Cumi kwene ivintu vino vikacitika apapela ya twamba pamwi ni viila ivyayapo vyene ivyaufi utupu tupu. Yawe Leza witu mpo, ali kazwa witu swe ina Izlaeli.

Oseya 1:7

Lelo nanti cili vivyo nemo ndatemwa amu mutundu wakwe Yuda, nupya ndayatuula uku maka yane, ne Yawe Leza wao. Ntalayatuula apakuomvya ulapwa, nanti amalupanga, nanti mfwalasi na asilika akakwela pa mfwalasi, ndi vino cikaya apakulwa inkondo, awe.”

Oseya 14:3

Aina Asilya yatangatutuula, ni mfwalasi zya nkondo zitangatucingilila. Vino twapanga uku makasa itu tutalatala twame tuti, ‘Leza witu,’ pano wewe waya na mizu ku ana asyale.”

Hagai 2:22

Indi nu kuwisya yamwene yonsi amitundu ya inamasi yonsi nga nu kulovya maka yao. Indi nu kuzangawalika amaceleta na akakwelapo yonsi. Indi nu kulovya imfwalasi zizi na akakwelapo yonsi yali nu kukomana.

Zakaliya 9:10

Yawe wavwanga wati, “Mu mpanga ya Izlaeli ndafumyamo amaceleta ya nkondo, nu mu musumba wa Yelusalemu ndafumyamo imfwalasi zyakulwilapo inkondo, na malapwa akulwilako umu nkondo nayo yalakontolwa. Umwene winu alateeka nu longo antu amu mitundu yonsi. Uteko wakwe ulatandikila kuli yemba wenga mpaka ukuyafika na kuli yemba muze, ukufuma uku Luzi lwa Yufulate ukuyafika nu kwapelela insi yonsi.”

Malango 17:16

Umwene atalinzile ukukwata imfwalasi zivule wakwe cimwi, nanti ukuleka antu yaswilile ku Eguputo ukuya kala imfwalasi nazyuze, pamulandu wakuti Yawe walanda ukuti antu yakwe yataca yezye ukuswilila ku Eguputo nupya.