Mika 4:4 - Amazwi Yakwe Leza 2013

⁴ Lelo umuntu ali wensi alaikalila mu mutende apakasi ka mitingi ni misamvu yakwe. Kusi nanti umwi alayoofya, pano Yawe Wamaka yonsi uwatavwanga vintu vii.

Mika 4:4 ပူးပေါင်းရင်းမြစ်များ

1 Yamwene 4:25

Mu manda yonsi yano Solomoni wali umumi, Ayuda na ina Izlaeli yatenzi mu mutende, kutandikila ku Dani ukufika nu ku Belisyeba, cila muntu atulizye amatingi nanti amasamvu yakwe.

1 Yamwene 5:5

Avino lyene nkasi kukuulila Yawe Leza wane Ng'anda ikulu, ndi muno Yawe wanenyile tata Davidi ati, ‘Umwana wako umonsi wino ndalasika pa cilimba ca wene aliwe alankuulila Ng'anda ikulu muno mulauvwika izina lyane.’

Yobo 11:19

Lino ulapuza kutalaya nanti umwi uwa kukupuzola, na antu aingi yalalenga uwazwilizyo kunuli.

Masamu 72:3

Imyamba ni milundu vingaleka ukuti antu yako yaikala umutende ni syuko nu usuma penepo.

Mapinda 3:25

Wemo utalaoopa amasyamo yano yakapumikizya antu, nanti yano yakaponela antu aipe.

Ezaya 1:20

Lelo ndi mwankana, mwantalamila, awe icumi lyene ale mwasyama, mwaiponzya sile. Endi, avino nene ne Yawe navwanga.”

Ezaya 17:2

Imisumba yaku Aloeli mutalatala mwikale umuntu nupya. Lelo ilaya sile impanga ya kucemelamo, muno imfwele ni ng'ombe zilaaliila, nupya kutalaya nanti wenga alazizinga.

Ezaya 22:25

Mu wanda ulya, ulupopo lulasomoka ukufuma pano yalupampamile, lukaponele na pansi. Ni viya vyonsi vino yakowekanga kweneko vilatamika. Ilaya ali na mpela ya viko.” Vii ivyalanda Yawe.

Ezaya 26:16

We Yawe, wapezya antu yako, alino umu ulanda wao ali pakupapata kunuli.

Ezaya 32:17

Mu mpanga mulaya ulongo ni cituku, pano umuntu wensi alacita ivilungame.

Ezaya 36:16

Ala mwandi mutacuvwa kuli Hezekiya. Umwene mukalamba wa ina Asilya akuti, ‘Mungala muifumile sile mwenga mu musumba, mwize mucimbe kunondi. Lyene ale mumaililanga sile mwenga amatingi inu na masamvu inu nu kuimwela sile amanzi mu vifula vinu.

Ezaya 40:5

Alino lyene ucindami wakwe Yawe ulasokololwa, cakuti na antu yonsi yalaulola. Yawe umwisikulu uwatavwanga vii.”

Ezaya 54:14

Ulakuulilwa apa ulungi, ulacingililwa nu ku ntazi. Utalatala uvwe intete. Yalakucingilila kuli vyonsi ivingakoofya. Vitalakupalama foo.

Ezaya 58:14

alino lyene mulakwata insansa zino nemo nkapeela antu yano yakambombela. Ndaleka nu kuti antu yace yamucindika insi yonsi pano yapelela. Mulailyokezya ivyuma vyamu mpanga, ino napiile Yakobo icikolwe cinu. Avino ne Yawe navwanga.

Yelemiya 23:4

Alino ndasonta yakacema yano yalazisakamala nu kuzilisya. Zitalaoopa nanti ukuzakaza foo, nupya patalaponga nanti yonga.” Ivyalanda Yawe.

Yelemiya 30:10

“Utaaopa fwandi we muomvi wane Yakobo. Utazakaza we Izlaeli. Ivyalanda ne Yawe. Pano nemo ndakukulula mu mpanga ntali na ana yako mu mpanga ya uzya wao. Yakobo alasyukila nupya ulongo nu mutende, kutalaya nu wakumucuzya.

Ezekelo 34:25

Ndapangana nazyo upangano cakuti zikasininkizyeko ukuti zilaikala umu longo. Ndafumyamo ivilyanyi mu mpanga yao, yalikala umutende mu lwanga nu kulala yalalala umu mitengo kwene, ni ntazi kutalaya.

Ezekelo 34:28

Yalata ukuya ivisampwa vya mitundu, ni vilyanyi vya mpanga vitalaayalya. Yalaikala mutende, kutalaya nupya uwa kuyacuzya.

Ezekelo 38:11

Ulalanda ukuti, namakatukila impanga ino itacingililwa, namazanza antu yaa yano yaikalila ku matwi cele, umu misumba ino itakwata amalinga, imilyango nanti mipikilizyo.

Ezekelo 39:26

Yalaya insonyi zyao na ucisanguka onsi uno yancitile lino yatenzi ku matwi cele mu mpanga yao umutali uwa kuyoofya.

Aina Levi 26:6

“Nkalenga kuti mu mpanga inu muye mutende, nupya mukaalala utulo kwaula koopa nanti umwi. Indi nu kuzinga ivilyanyi vyamu mpanga inu. Nupya mu mpanga inu musiiya inkondo.

Mika 5:3

Caleka Yawe alatazyela Izlaeli, mpaka ukufika na pa nsita ilya, lino mangu wilya wino ali pipi nu kupapa alalela umwana. Lyene asyala amu mutundu wakwe yalaswilila ku ina Izlaeli yauze.

Zefaniya 3:13

Aina Izlaeli alasyalapo yatalifya ku muntu awe. Yene yatalatumpoka awe, nanti ukulanda ivyaucenjezi, foo. Yalaya nu longo nu kuikalila uku matwi cele, ukwaula nanti aumwi uwakuyasonsomba.”

Zakaliya 3:10

Mu wanda ulya, mwemo mwensi mulaamana na inipamba yauzo. Mulaikala mu visao vya mitingi ni misamvu, mumo muno mulaalila amalila ku matwi cele pamwi nayo.’ ” Kuu kuli kuvwanga kwane, ne Yawe Wamaka yonsi.