Mika 3:8 - Amazwi Yakwe Leza 2013

⁸ “Lelo nemo, Yawe wanzuzya amaka, wanzuzya umupasi wakwe. Wanzuzya ulungami nu ulamba, kuti nenole amu mupanda wakwe Yakobo inkota zyao, kuti ndangilile aina Izlaeli amaifyo yao.

Mika 3:8 ပူးပေါင်းရင်းမြစ်များ

Yobo 32:18

Ivyakuvwanga ninkwata ivivule. Nu kupamviwa, natimpamviwa ukuti ningaviswa.

Ezaya 58:1

Yawe wavwanga wati, “Pundisya utacilikizya izwi lyako! Uwangulisye wi penga! Kalipila antu yane apa kusanguka kwao, unenole na ang'anda yakwe Yakobo apa maifyo yao.

Ezaya 61:1

Mupasi wakwe Leza wikala munondi, pano aliwe wampaka amafuta, wantuma ukukukosola ilandwe lisuma ku alanda, nu kupozya imyenzo itonte, ku kuuma imbila pa lwa kukululwa kwa azya, nu kusapulwa kwa anyepwe.

Ezaya 61:2

Wantuma nene apakuti indande ukuti insita lyene yatifika ino Leza alapususya antu yakwe, ino alacimvizyako anisi yao. Wantuma na pakuti inamyalalikako yano yakulosya.

Yelemiya 1:18

Namakusangula umusumba wi linga, ulucesi lwa cela, ilinga lya mukuwa lya kulwisyanya ni nsi yonsi. Yamwene aku Yuda, ivilolo vyao, yasimapepo yao kumwi na ikala nsi yonsi.

Yelemiya 20:9

Lelo limwi ndi navwanga nati, “Awe mwe, nkanilile sile Yawe nkante nu kulanda amazwi yakwe umwi zina lyakwe,” lyene mu mwenzo wane ilandwe lyako iliya wa kulunkuma kwa moto. Nu munteo zyane ala mumila, nani inezya kuyacinyintila apapezile amaka yane, lelo mucumi imposiwa kucita cico.

Yelemiya 6:11

Lelo nemo ninkwata icipyu cakwe Yawe. Natonta muno nkalu kuzizimizya.” Lyene Yawe avwanga kunondi ati, Pongolwela ukali wane apa ana yano yali mu misolo napa maumba ya alumendo. Yaiya na aci yalasendwa, nga na akoloci kwene yatalayasya.

Nyimbo zya ndosya 2:14

Yakasema yako kutaya nanti vimwi vino yakakusemela suka sile intumpu zitupu. Inkosolo zyao zyali izyakukusomba sile nupya kusi navyuze vino yakunenanga. Yene yakutumpikanga sile iyaleka uwelenganya nu kuti utalinzile kuzenzuka.

Ezekelo 16:2

“We mwana wa muntu, manyisya Yelusalemu apa uyi wakwe uwipisye.

Ezekelo 20:4

“ ‘We mwana wa muntu, uzye umayaputwila umulandu? Uzye umayalanga uyi uno ivikolwe vyao vyacisile?

Ezekelo 22:2

“We mwana wa muntu, uzye ukasi kupingula Yelusalemu? Uzye ukasi kupingula umusumba uu uwazulamo utazi wa katwe? Lyene umunenole pamulandu wa vicitwa vyakwe vyawinyi.

Ezekelo 23:36

Yawe ali pakunena ati, “We mwana wa muntu uzye ukulonda kupingula Oola na Ooliba nu kuyakalipila pa vicitwa vyao vyawinyi?

Ezekelo 3:14

Fwandi Umupasi wakwe Leza iunkatusya nu kunsenda, ala umwenzo wane ukunyongotoka wakwe cimwi, nupya nasosile na Yawe ala watampoka amaka.

Ezekelo 43:10

“We mwana wa muntu, si londolola Ng'anda ikulu yakwe Leza ku ina Izlaeli. Si lekini yelenganye imilolekele yakweyo na vino yakuulwa, pakuti yuvwe insonyi pa maifyo yao.

Mateo 7:29

Wene atasambilizyanga wakwe yakasambilizya ya Masunde, lelo wa muntu akweti maka.

Mako 3:17

Yakobo na Yoane mwina wakwe, yano ali ana aonsi yakwe Zebedi (Yano Yesu watemile zina lyakwe Boanego, cikusenula ukuti “Alumendo ali ni lango likalale wa kupangalansya kwa nkuwa”).

1 Kolinto 2:4

Kuvwanga kwane nu kukosola kwane kwa kumuongola kutali ukwakulanga mano yane, lelo kwali ukwakulanga amaka yakwe Mupasi Wamuzilo.