Mika 2:9 - Amazwi Yakwe Leza 2013

⁹ Mukazinga aci ya antu yane mu ng'anda zyao zino yatemwa, nupya mwapokolola ana yao upolelelo uno nayapeela uwamuyayaya.

Mika 2:9 ပူးပေါင်းရင်းမြစ်များ

Masamu 72:19

Mwamulumbanya pee pano wacindamisya nu ucindami wakwe, kawalukulimba impanga yonsi! Endita kaciye vivyo kwene! Endita kaciye vivyo kwene!

Yelemiya 10:20

Amataalu itu yatiyononeka. Imyando ino yailemelile yatiputoka yonsi. Ana itu yonsi yatiyatusya. Pasi nanti wenga asile wakuti asimpe amataalu itu nupya. Pasi nanti wenga uwakukoweka ivisalu kweneko.

Ezekelo 39:21

Yawe wavwanga wati, “Ali vino ndalanga imitundu ucindami wane, ni mitundu yonsi ilalola ulungi uno ndacita, nu kumanya amaka yane pano yapela.

Yowelo 3:6

Mwemo mwaile mukazya antu aku Yuda na aku Yelusalemu ku Agiliki kuti muyatwale ukutali ukufuma ku mpanga yakumwao.

Amosi 2:7

Apina yene yakayacenjezya ukupitila mu kulamoka. Yene yasilonda nu kulola acuzi. Isi nu mwana umonsi yakalongozya nu mwanaci umuomvi wao ali umwi kwene, cakuti yifya ni zina lyane ilya muzilo.

Mika 2:2

Yene yakakumbwa ivyalo nga yavipokolola. Lino yakwata ulwiswa lwa ng'anda, iyaipoka. Kusi umuntu na ang'anda yakwe nanti vino yakwata ivyacingililwa.

Habakuku 2:14

Lelo insi nu kukwata umanyililo wa ucindami wakwe Yawe, ndi vino yayemba yakulu yazula amanzi.

Zakaliya 2:5

Yawe wavwanga ukuti aliwe umwisikulu alaya ilinga lya moto ukulizizya umusumba ulya, nu kuti acingilile umusumba nga nu kwikala mwenemo mu lulumbi lwakwe.”

Mateo 23:13

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukayalila antu kunzi kuti yatingila mu Wene wa mwiyulu. Mweisikulu musyaingilamo nupya mukayalila yano akalonda kwingilamo. [

Mako 12:40

Yano akaliila yamukamfwilwa vyuma mu ucenjezi nu kuyasomba pa kuyapepela mapepo atali. Yaa, kuvunukwa kwao kulaya kukulu cuze.”

Luka 20:47

Yano akaliila yamukamfwilwa vyuma mu ucenjezi nu kuyasomba pa kuyapepela mapepo atali. Yaa, kuvunukwa kwao kulaya kukulu cuze.”

2 Kolinto 3:18

Caleka mausyu itu yatavimbwa. Yakalanga kuyengesa kwa lulumbi lwa Mwene akatulenga kukolana nawe ndi vino cinso ca muntu cikaloleka mwi galasi. Mwene ali Mupasi akatusenula kuti tukolane nawe nu kuya nawe mu lulumbi.

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

1 Samueli 26:19

Fwandi lyene musambazi uvwa ku muomvi wako. Ndi cakuti Yawe uwakunena kuti wandwisya, ale lyene cizipe apokelele impolelwa iya kumuzanzya. Lelo ndi cakuti antu ayano yakukutunka, lyene icitipu cakwe Yawe ciyaponele! Pano yene yatiyanzinga umu mpanga yakwe Yawe nu kuntwala ku mpanga ya inamasi muno ningapepa sile tuleza tuze.