Mika 2:1 - Amazwi Yakwe Leza 2013

¹ Kalanda ku antu akapanga ukucita inkota, na kuli yao yano usiku onsi yakaelenganya ukucita iviipe. Lino yazyuka akatondo iyatandika ukucita iviipe, pano ala yakweti amaka.

Mika 2:1 ပူးပေါင်းရင်းမြစ်များ

Utandiko 31:29

Indi na maka yaku kucisa, lelo usiku wilelo Leza wakwe so wali wansopa wati, ‘Utezya kulandapo izwi nanti limwi kuli Yakobo!’

1 Yamwene 21:7

Yezebele umuci wakwe pali pakumunena ati, “Uzye umwene uwamu Izlaeli asi awewe kwene? Katuka nu kukatuka, ndulye nu kusansamuka. Nemo namakupokela calo ca matingi cico kuli Naboti umwina Yezileele.”

Esita 3:8

Lyene Hamani anena umwene Aasuwelo ati, “Umu antu ni mitundu ino ukateeka, mwaya mwenemo umutundu onga uno wasasantika monsi monsi umu mpanga yako yonsi. Umutundu uo wene waipaatula nu kukana londela masunde yako yano ukupeela uku antu yako. Amasunde yao yene yapusana na masunde ya antu amu mpanga ino wemo ukateeka. Caleka fwandi musambazi, ntanzi ndi cakuti wemo ungayazumilizya.

Esita 5:14

Zelesyi umuci wakwe pamwi na auze yakwe yonsi yamutolelela iyati, “Si wemo yanga sile ukimike icimuti icitali icingafika nu ku mamita amakumi yaili na yatatu. Mutondo akatondo tondo uce ukanene umusambazi ukuti Modekai akulikwe sile. Alino muce muye uku cimulo pamwi nu mwene ni myenzo isansamuke.” Apakuvwa vivyo, Hamani pasi pakusansamuka. Apela ni lamulo lya kwimbila icimuti ukwakukulikila Modekai.

Esita 9:25

Lelo walanga namwene Esita watwala umulandu uo ku mwene, umwene nawe avino wapile ilamulo mu malembelo, ilyakuti Hamani pamwi na ana yakwe yakulikwe uku vimuti.

Yobo 15:35

Antu aipe yakaelenganya sile ukusangukila auze nu kucita iviipe. Imyenzo yao yazula uyi utupu, ufi nu ucenjezi.”

Yobo 24:14

Ulazana ukuti icipondo cene calaya katondo tondo, kuti cikakome umupina nanti umulanda. Usiku cene ala waca, ali nsita yakuya umukwiyila auze.

Masamu 36:4

Lino aizi pa musanzi wakwe, ala akwelenganya sile inzila zya lufyengo zitupu. Imisango yakwe isi yampomvu. Wene asifuntuka ku uyi nanti lyonga.

Masamu 36:5

We Yawe, ala uluse lwako lwafika nu mupela, umwiyulu nu ufumacumi wako wandatila nu mu makumbi.

Masamu 58:3

Antu aipe yikalila sile ukuluvyanya. Yakasomba ufi ukutandikila sile pano yavyalilwe.

Mapinda 12:2

Umuntu musuma akazana utandano na Leza, lelo wiyo wino umwenzo wakwe waalukila iviipe, Yawe alamupeela umulandu.

Mapinda 14:22

Uzye ukupanga ukucita iviipe asi ali kupumbuka? Lelo yao akapanga ukucita ivisuma, akalola uluse ni cumi.

Mapinda 3:27

Utakana ukucita ivisuma kuli wino wakulenga, uwamupeela uwila ndi cakuti watukwata.

Mapinda 4:16

Pano yene pakulala utulo, suka yatala yaifya. Yasilola utulo suka sile yatala yacitapo cimwi iciipe uku muntu.

Ezaya 29:20

Antu yalukang'ansi na yano yasuula Leza yalalowa. Ala aipe yonsi yalalowa.

Ezaya 3:14

Yawe waama ivilolo vyakwe uku cilye pamwi ni ntunguluzi zya antu yakwe, nga avwanga ati, “Amwemwe kwene mukaonona icalo ca matingi, nu kufisa ivyuma vya alanda vino mwasampa.

Ezaya 32:7

Umuntu umutumpe inzila zyakwe iziipe. Wene akaelenganya ivyakufyengelekezya sile apina umu kuyatumpwila. Nupya akayakanya ni nsambu zyao.

Ezaya 5:8

Kalanda kuli mwemwe mwemuno mukalunda kukuula amang'anda pa mang'anda yano mwakwata. Apa vyalo vino mwakwata mwemo mukalundilapo navyuze, icakuti lyene auzo iyasuka yuulilwa napakwikala. Lyene mwemwe mwenga sile mwasuka mwikala mu mpanga.

Ezaya 59:3

Pano amakasa inu yafitisya pamulandu nu wazi, ni minwe inu nayo yafitisya pamulandu nu ukakasi winu, utunwa twinu tukalanda vyaufi, ni ndimi zinu nazyo zikatotoza vyautalami.

Yelemiya 18:18

Lyene antu yavwanga yati, “Izini mwe, muleke tuvwane ivyakufulula Yelemiya! Pano lyonsi kwene kumayanga yasimapepo akutusambilizya, na antu yamano akutupandako amano, nga na yakasema akusema ilandwe lyakwe Leza. Izini mwe, muleke tumupele imilandu, tute nu kuuvwa kuli vyonsi vino akulanda.”

Ezekelo 11:2

Nga alino Yawe anena ati, “We mwana wa muntu, yaa ali yantu yamwi yao yano yakupingila ukucita iviipe nu kupanda amano yaipe uku yantu umu musumba.”

Ezekelo 33:26

Mwemo mwataila mu malupanga inu, nga mukacita ni viipe, cila muntu akalongozya na muka muze. Ale lyene icingalenga ukuti impanga ii iye iyakwinu icani?’

Ezekelo 38:10

Vii ivyalanda Yawe Simwandalali kuli Gogi, apa wanda ulya, amelenganyo yaliza umu mano yako, nu kuteyanya ulateyanya amapange aipe.

Ezekelo 46:18

Intunguluzi ikuteeka itakwata insambu yakupokolola icuma ca antu yauze. Umu mpanga sile yakweyo ali muno ilinzile kupeela ana yakweyo aonsi utuvitungu tuno nayo yangaikwatila, ali pakukana pokolola antu yane yamwi impanga yao.”

Mika 6:12

Antu akama yakaliila auze pa mutwe. Antu yonsi antumpu, yikalila sile ukusomba.

Naumi 1:11

Munuli we Ninive, mwafuma umuntu umwi uwakwata amapange aipe, wino akapangila kusangukila Yawe.

Zakaliya 7:10

Mutacuzya yamukamfwilwa na ana asyale, na aenyi ainamasi aikala kuno muli. Mutacuzya na apina kwene. Nupya mutapanga mu mwenzo inu ukucuzyanya.’

Mako 15:1

Lyene katondo, yasimapepo akalamba, aikolo Ayuda, yakasambilizya ya Masunde, pamwi ni nkombe zya mwi Tengo zyonsi, yakongana, yalanzyanya vya kucita. Alino yamunyepa, yamusenda nu kumupeela kuli Pilato.

Luka 20:19

Yakasambilizya ya Masunde na yasimapepo akalamba yalondanga inzila yakuti yalemelemo Yesu pa nsita kwene ilya, pano yamanyile vino wayasyentekanga mu mulumbe. Lelo yoopa antu.

Yoane 19:11

Yesu amunena ati, “Utangaya ni nsambu panondi, suka ndi nsambu yapeelwa kunuli kufuma kuli Leza. Caleka wino uwatapela nene kunuli ali ni iifyo likulu kuluta.”

Milimo 23:12

Uca katondo, nga Ayuda yamwi yakongana pali pamwi yapangana, yalaya nu mulapo ukuti yatakulya nanti kumwa suka yakome Paulo.

Milimo 23:15

Lyene ndakai, mwemwe na amwi Tengo, tumini izwi kuli musika mukalamba kuti alete Paulo kunomuli, muikolanye uti mukulonda ukuvwikisya pali aliwe. Lelo tumaiteyanya kumukoma lino atacili afike kuno.”

Loma 1:30

yaya alunya, asoka Leza, a cilumba, a mataki, akayuvwa, yene yakalondelezya inzila zipya zyakucitilamo viipe, asyayela akwasi,

Malango 28:32

Ainamasi yalasenda mu uzya ana inu aonsi na anaci kwene ale mukulolekesyako sile. Cila wanda mulatumbula sile amanso, pakulola ndi yamawela.