Mika 1:8 - Amazwi Yakwe Leza 2013

⁸ Alino Mika avwanga ati, “Pamulandu wakwe vii ndalosya nu kupooma. Ndapita ukwaula cimwi ku ngazo nupya ndindizya. Ndawata wakwe nkusa nu kulila wakwe sinsimwe.

Mika 1:8 ပူးပေါင်းရင်းမြစ်များ

2 Yamwene 18:13

Mu mwaka walenga ikumi na ini wakuteeka kwakwe Hezekiya, Senakelibu umwene waku Asilya walwisya imisumba yonsi iyakweti amalinga mu mpanga yakwe Yuda nu kuipoka.

Esita 4:1

Walanga Modekai uvwa ivyacitike, alepola ivyakuzwala vyakwe, azwala ni vyakuzwala vya ndosya nga aivumvunya umwi twi. Atandika ukutawanta umu musumba, nu kutulula impoma ya ulanda.

Yobo 30:29

Ya nkusa ali yano yasanguka ivyuza vyane. Tukupita na yasinsimwe.

Masamu 102:6

Indi sile wa cunyi camu lwanga, wakwe sinsimwe umu vitotela.

Ezaya 13:21

Lelo ulaya uwikalo wa nyama zyamu lwanga, na yankusa yalazula mu mang'anda yao. Yasinsimwe yalikala mwenemo. Imbuzi ziliza zikale mwenemo nga mulacinilamo ni viwa.

Ezaya 13:22

Yacimbwi ayano yalatonkomala umu mpungu, na yankusa nayo umu masano. Ala insita iliiza, nupya yatipalamila isikulengela foo.”

Ezaya 16:9

Ali cino lyene nkulilila amatingi yaku Sibima ulanda, wakwe vino nkalilila Yazeli. Aminsozi yane yakukonkolokela Hesyiboni na Eleale, pamulandu wakuti kusi uzombozi wampomvu, wakusansamusya antu.

Ezaya 21:3

Apamulandu wa vintu vino nuvwile nu kuvilola mu cilolwa nkuuvwa intete nu ulanda, wa mwanaci wino ali pipi nu kupapa. Vino nuvwa vyativindetela izyungu. Vino nkulola vyampezya amano.

Ezaya 22:4

Caleka navwanzile inti, “Senkini pano, munte sile ne mweneco nalukulila nu kulumanya incecete. Mutaezya nu kuntekezya, apakononeka kwa antu yane.”

Ezaya 32:11

Caleka fwandi tandikini sile ukuizakazila uku ntete, mwemuno mwikala mu cinenke. Musokozoke sile mwemuno mutasakamala akantu nanti kamwi! Zulini insalu zinu zino muzwite, musyale sile ni visamu mu misana.

Yelemiya 4:19

Owe nafwa mwe! Nemo nkunyunguluka sile pamulandu nu ukali! Umwenzo wane umalepuka! Umwenzo wane uku kulukunta uyi uyi. Naposiwa kumyalala. Pano natinuvwa ukulila kwa ntandala nga nu kupunda kwamu nkondo.

Yelemiya 9:1

Cange cizipe umutwe wane iwuya cifula ca manzi, na manso yane yaye akafukoka ka minsozi, apakuti antu yane yano yakomola, injalosye usiku nu musanya.

Yelemiya 9:10

Alino ne Yelemiya mvwanga inti, “Awe cumi nemo kanaloosya imyamba. Kanalilila umulemvwe umwakucemelamo iviteekwa, pano mu myamba mwatimuma, nu mulemvwe nao watiuma. Musi umuntu nanti wenga akupita mwenemo. Umutinti wa viteekwa usikuuvwika, ivyunyi pamwi ni nyama zya mpanga vyativyutuka.”

Yelemiya 9:19

Uvwini impooma zya antu mu Zioni, zikuti, “Owe mwe, lyene casila twalowa! Owe mwe, vino twazewana! Tulinzile twasya impanga itu. Pamulandu wakuti amang'anda itu yatiyaongololwa.”

Ezekelo 32:18

“We mwana wa muntu, losya wakwe cimwi pamulandu wa antu avule amu Eguputo, nga yene pamwi na antu amu mpanga zyuze uyatwale pansi mu mpanga ya afwe.

Mika 2:4

Mu wanda ulya antu yalamutumfya. Yene yalamusoweka, mu lwimbo luu ulwa ndosya yati, ‘Twatitononwa ukumalilika. Impanga ino Yawe watwankanya, nayo kwene yatiyaipoka! Ivyalo vitu wavyankanya kuli yao atusenzile mu uzya.’

1 Samueli 19:24

Saulo wiyo pali pakuzula ni nsalu zyakwe zino wazwite. Alino nawe kwene atandika ukusema pa manso yakwe Samueli. Wene alala pansi tupu uwanda ulya onsi nga nu usiku kwene. Ali kuno kwafumile nu muvwango uwakuti, “Uzye Saulo nawe wali akasema?”