Mika 1:5 - Amazwi Yakwe Leza 2013

⁵ Vyonsi vii vilacitika pamulandu wa kwifya kwakwe Yakobo, pamulandu wa maifyo ya amu mupanda wakwe Izlaeli. Uzye aweni angapeelwa umulandu pa kwifya kwa ina Izlaeli? Uzye asi aina Samaliya? Uzye aweni angapeelwa umulandu pa kwifya kwa ina Yuda? Uzye asi ina Yelusalemu?

Mika 1:5 ပူးပေါင်းရင်းမြစ်များ

1 Yamwene 11:7

Solomoni asuka akuula incende yakupepelapo papela ya mwamba lwaku ufumondaka wakwe Yelusalemu, apa kupepela Kemosyi, kaleza kaluwi ka ina Moabu. Alino na pakupepela Moleki, kaleza kaluwi ka ina Amoni.

1 Yamwene 13:32

Pasi pano amazwi yonsi yano Yawe wanenyile kasema wi pamulandu na kavuwa kamu Betele, nga ni ncende zyonsi zyakupepela penepo zyamu misumba yonsi yamu Samaliya, ala umu cumi yali nu kufikiliziwa.”

1 Yamwene 16:24

Wene wakazile umulundu wa Samaliya kuli Syemeli pa mpiya zyakwe siluva ukulingana amakilogalamu 6,000. Alino akuula umusumba pa mulundu ulya nga autemela ni zina ati a Samaliya, apakwiusizya kweneko Syemeli uwali umweneco wa mulundu uwa uno wakazile.

2 Milandu 34:3

Umu mwaka wakwe cinani uwa kuteeka kwakwe Yosiya, ale acili sile akalumendo ka myaka ikumi na mutanda, wene watandike ukupepa nu kucindika sana Yawe Leza wakwe Davidi icikolwe cakwe. Ipapita sile imyaka ini, atandika ukutamola incende zizi muno yapepelanga tuleza utuluwi kumwi nu unkolanya wakwe ka leza kanaci ka Asyela. Atamola nu tuluwi tuze tonsi utwasyala.

2 Milandu 34:4

Apela ilamulo ku antu yakwe nga nayo iyatamola tuvuwa twakwe tuleza Tubaali. Aonona nu tuvuwa twakocelapo ubani utwali lwa papela ya tuvuwa tutu twakwe Tubaali, nga asyunola na maunkolanya yakwe Asyela, kumwi nu tuluwi tuze tonsi utwasyala. Ali pakutoola ulukungu lwaviko, nga yalunyungulula nu kuya lunyunya pa ntumba zya antu yano yapeelanga impolelwa kunotuli.

Ezaya 7:9

Impanga yakwe Efulemu yaluta Samaliya, nga Samaliya atalusile umwene Peka. Ndi mutakomile mu utailo winu, cumi mutalazizimizya.’”

Yelemiya 2:17

Uzye asi mwemwe mwenga mwalenga cico, apamulandu wakufutatila Yawe Leza winu, apacisila cakumutungulula umu nzila yampomvu?

Yelemiya 2:19

Uyi winu ulamuletelela na ucisanguka winu ulamuzewanya. Alino lyene mulasambilila, muluvwa nu usungu icakuti nu kumucuzya cilamucuzya apakulola vino ukusuula Yawe Leza winu, nu kukana moopa kwaya. Ivyalanda ne Yawe Leza Wamaka yonsi.

Yelemiya 23:13

Muli yakasema aku Samaliya nindola mwenemo ivyaipa. Yene yakusema umwi zina lyakwe Baali nu kuponzya antu yane, aina Izlaeli.

Yelemiya 23:14

Lelo muli yakasema aku Yelusalemu mwene nindola mwenemo ulenzyo, intumpu, ukukomelezya antu ukucita iviipe, kuti kutaya uwakuzenzuka ku uyi wakwe. Yonsi pyu kunondi aipe wa ina Sodoma. Antu amu Yelusalemu yakoline wa ina Gomola.

Yelemiya 4:18

“Endi, mwe ina Yuda amwemwe mwailetelela sile mwenga uku mikalile inu. Uyi winu auno wamuletelela uku macuzi yaa. Lyene mwatimucekama sile pamulandu nu kucula, ni myenzo inu nayo pasi paukali.

Yelemiya 5:25

Lelo kwene imicitile ya kuluvyanya kwinu, na maifyo inu vyamupoka ivintu vii.

Yelemiya 6:19

Uvwini kuno mwe ikazi ya panonsi! Lola, nkuletela antu yaa uononesi, pamulandu wakuti yene yakana usambilizyo wane nupya yakana ukuyela isunde lyane.

Nyimbo zya ndosya 5:16

Kutacili nanti cimwi cino tungakwatilapo icilumba. Kalanda kunotuli, pano twifya!

Ezekelo 16:46

“Nyokolenzi wali a Samaliya, wino watenzi intunga yaku katutu kako pamwi na ana yakwe ya kaci. Umutowako umwanaci a Sodoma, pamwi na ato yakwe yakaci, yao yano ikalile lwaku ntunga ya kayeya kako.

Oseya 7:1

Lilyo lyonsi lino nkulonda kuwezya antu yane apasuma, lino nkasi kupeela aina Izlaeli ulongo, amaifyo yao yakaloleka apaswe. Imilimo iipe ya antu aku Samaliya ikasokololwa. Yene yakacita vyaucenjezi, yakatama amang'anda ya antu nu kwiya, yakazanza nu kuyiila antu umu miseo.

Amosi 6:1

Kalanda kuno muli mwemuno mwaiteeka katungalala kuko ku Zioni, na kuli mwemuno mutakwaziwa mu myenzo kuko ku Samaliya. Kalanda kuno muli mwe akama pakasi ka ina Izlaeli, mwemuno antu yonsi yakaiza kunomuli kuti muyazwe!

Amosi 7:9

Incende zya kupepelamo zya amu mupanda wakwe Isaki zilononwa. Incende zyakupepelamo zya ina Izlaeli zilatamolwa. Nupya ndawisya ang'anda yakwe Yeloboamu umu ulwi.”

Amosi 8:14

Yayo yano yakalapa mwi zina lyakwe Asyimaa, kaleza kaluwi ka ina Samaliya, yavwanga yati, ‘Icumi vino leza winu waku Dani ali nu umi,’ nanti yati, ‘Icumi vino leza winu waku Belisyeba ali nu umi,’ nalapa ukuti yonsi kwene yalawa, ukwaula kukatuka nupya.”

Mika 1:13

Mwe ikazi aku Lakisyi, nyepelelini imfwalasi zinu ku maceleta. Mwemwe mweleuzyanga amaifyo ya ina Izlaeli, nga imuleka aikazi aku Yelusalemu yifya.