Mika 1:2 - Amazwi Yakwe Leza 2013

² Uvwini, mwe antu amu mitundu yonsi, Si tezyini mwe antu mwensi, mwemuno mukaikala pano nsi. Yawe Wamaka yonsi ali mu Ng'anda yakwe ikulu, nga akumusinila pa milandu inu.

Mika 1:2 ပူးပေါင်းရင်းမြစ်များ

1 Yamwene 22:28

Mikaya alanda ati, “Wemo ndi cakuti waca wawela umutende, awe nce, ale Yawe atalanda muli nene.” Nupya atwalilila nu kuvwanga ati, “Mwe antu mwensi, mwemo mungala muvwikisye sile vino natindanda.”

2 Milandu 18:27

Mikaya pano ali avwanga ati, “Ndi waca wawela umutende, ale Yawe atavwanzile umu kanwa kakwe nene.” Alunda na mazwi akuti, “Muvwikisye mwensi amazwi yano namavwanga.”

Masamu 11:4

Yawe akaikala umwi sano lyakwe ilicindame. Icilimba cakwe icawene cayela apapela umwiyulu. Amanso yakwe yakalolekesya insi yonsi, ala akucevya ana ya antu.

Masamu 24:1

Insi kumwi na vyonsi ivyayamo ivyakwe Yawe, impanga yonsi ya pano pansi kumwi na ikazi yamwenemo.

Masamu 28:2

Uvwe izwi lyane kuno likukupapata, inkukulaizya we mwene, nkukatusya na makasa yane uku Ncende Yamuzilo kuluta.

Masamu 50:1

Yawe Leza Wamaka yonsi, awiyo wavwanga, walaizya insi yonsi, ukutandikila sile uku ufumondaka, ukufika nu ku uwondaka.

Masamu 50:12

Inzala nga yanduma, ntange munene foo, pano insi ni vyaya mwenemo, vyonsi ivyakwane.

Masamu 50:7

Mwe antu yane uvwini kuno vino nkuvwanga. Izlaeli uvwa namakusinila. Icacumi nene Leza, nupya nene indi Leza winu.

Mapinda 8:4

“Mwe antu mwe! Ala amwemwe nkwama, ala izwi lyane likwama umuntu ali wensi.

Ezaya 1:2

Yawe wavwanga wati, “Uvwini mwe yulu ni nsi, uvwini vino nkuvwanga! Nalela antu yane nu kuyakuzya. Lelo yatiyansangukila.

Ezaya 18:3

Uvwini kuno mwe antu mwemuno mwikala pano nsi, mwemuno mwalimba insi yonsi. Lino ulunga lwakweziwa apapela ya mwamba, mulole! Lino ipenga lyalila, muvwe!

Ezaya 50:7

Lelo kwene nemo Yawe Simwandalali akantuula. Ali cino nani ntakwata insonyi. Icaleka nalenga ukuti impumi yane ikome, iye ndi wakwe cilwala. Pano namanya ukuti ntalazewana foo.

Yelemiya 22:29

Iye mwe we mpanga we! Mpanga we!” Si uwauvwa izwi lyakwe Yawe!

Yelemiya 29:23

Fwandi vivyo iviliizila yakacita ya muzewanya mu Izlaeli, yano yakacita ulenzyo na yamuka eneco, yano yakalandila mwi zina lyane nanti ntayatumile. Lelo namanya ukuti nene kambone kuli cico.” Ivyalanda Yawe.

Yelemiya 42:5

Lyene iyanena Yelemiya iyati, “Yawe angala aye akambone uwacumi, uwakutusinila, ndi cakuti twakana ukucita ukulingana nizwi lyonsi lino Yawe Leza wako amatutumila ukupitila umu kanwa kako.

Yelemiya 6:19

Uvwini kuno mwe ikazi ya panonsi! Lola, nkuletela antu yaa uononesi, pamulandu wakuti yene yakana usambilizyo wane nupya yakana ukuyela isunde lyane.

Yona 2:7

Lino naweni ukuti imfwa yanunka, niwisye wewe, we Yawe, mpepa kunuli nga nawe unguvwa mumo umu Ng'anda yako ikulu yamuzilo.

Yona 2:8

Antu akapepa utuluwi tuleza utwasilesile yaponzya icikuku cako.

Habakuku 2:20

Lelo Yawe wene ali umwi Taalu lyakwe ilyamuzilo. Acino lekini umuntu wensi aye cele pa manso yakwe.”

Malaki 2:14

Namwe imuzya muti, “Uzye apacani cino akucita vivyo?” Apamulandu wakuti Yawe ali kambone wakukusinila pa kuntaya wacumi ku muci wino watwite mu ulumendo wako.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Malango 32:1

“Iyulu ni nsi angala muvwe amazwi yane, muvwikisye vino nene nkulanda.

Umbwilo 2:11

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya yatalafwa imfwa yakwe ciili.”

Umbwilo 2:17

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya ndayapeela mana uwafiswa. Nupya cila wenga uwa munoyali ndamupeela iwe litiswe pano palembwa izina lipya, ililamanyikwa kuli aliwe asi kuli wensi.

Umbwilo 2:29

“Akweti amatwi yakuuvwa, auvwe cino Mupasi Wamuzilo akulanda ku mauvi!”

Umbwilo 2:7

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya ndayapeela nsambu yakulya vizao vya ku muti uno ukapeela umi, uwaya ku Paladaise yakwe Leza mwiyulu.”

Umbwilo 3:13

“Akweti amatwi yakuuvwa, auvwe cino Mupasi Wamuzilo akulanda ku mauvi!

Umbwilo 3:22

“Akweti amatwi yakuuvwa, auvwe cino Mupasi Wamuzilo akulanda ku mauvi!”

Umbwilo 3:6

“Akweti amatwi yakuuvwa, auvwe cino Mupasi Wamuzilo akulanda ku mauvi!

Yakapingula 11:10

Intunguluzi zyamu Gileadi zimunena iziti, “Yawe ali kambone witu. Cumi kwene tulacita wakwe vino uvwanzile.”