Mika 1:16 - Amazwi Yakwe Leza 2013

¹⁶ Mwe antu aku Yuda, pelini inyele, pakulanga ukuti mukulosya ana inu yano mwatemwa. Mule mupele ulukuzu mpaka muloleke wa makozi, pamulandu wakuti ana inu yalasendwa uku uzya.

Mika 1:16 ပူးပေါင်းရင်းမြစ်များ

2 Yamwene 17:6

uo uwali ali mwaka uwalenga fundimbali uwa utesi wakwe Hosyea, umwene waku Asilya apoka Samaliya nu kusenda aina Izlaeli uku Asilya wa yanyepwe. Yamwi yayatwazile umu musumba wa Halaa, mu pipi nu ku luzi lwa Haboli mwi boma lyaku Gozani. Alino yamwi umu misumba yaku Medi.

Yobo 1:20

Lino Yobo uvwa vivyo, ali pakuvwandamuka, alepola ni laya lyakwe apakulanga ulanda uno wakwata. Alino apeela ni cikuzu. Nga lyene apona na pansi afukama nu kupepa kuli Yawe.

Ezaya 15:2

Aina Diboni ali pakutumbela umulundu nu kuya ku ncende ya kupepelamo, akuno yalosezya. Pali pakulilila Nebo na Medina, imisumba yao. Pa nsita iyo ala yatiyapela inkuzu uku mitwe, ni vilezu pakulanga ulanda nu kulilizika.

Ezaya 22:12

Yawe Wamaka yonsi, wamwamile apa wanda ulya uku kulilizika nu mukulosya, kuti mungapela inkuuzu uku mitwe, nu kuzwala visamu.

Yelemiya 16:6

Akama na apina yalafwa mu mpanga kwene ii, lelo kusi umwi alayazika nanti kuyalosya, nanti uwakuicemba nanti ukupela ulukuzu apamulandu wao.

Yelemiya 4:8

Acino zwalini ivyakuzwala vya ndosya, mulile nu kupomola impooma, pano ukali wakwe Yawe pali sweswe utalatala usile.”

Yelemiya 47:5

Antu aku Gaza yatiyapela inkuzu apakulosya. Umu Asyikeloni mwazuka. Nawe we Asyidodi, wemuno wasyala mu ina Anaki, uzye umaicembola mpaka lilaci?

Yelemiya 6:26

Yawe wavwanga ku antu yakwe ati, “Mwe antu yane zwalini vizwalo vya ndosya munyepe ni mipango mu mitwe. Losyini, pomolini impooma wakwe vino yakaloosya umwana umonsi uwavyalwa sile wenga mpo. Pano umononyi amaiza amwiukizye.

Yelemiya 7:29

Losyini, mwe ina Yelusalemu. Pelini inyele zinu muzisumbe. Saulini ulwimbo lwa malanda pa tumpuke, apamulandu wakuti ne Yawe nene musoke, nupya natinkana antu yane.

Nyimbo zya ndosya 2:19

Mu nsita ya usiku mwakatuka lili lili nu kulilila uku Mwene. Mwamulilila wakwe cimwi, mwalengela na ana inu uluse, Ana yalya yano yakufwa insansalila umu visyoko vya miseo pamulandu ni nzala!

Amosi 7:11

Wene Amosi akuvwanga ati, “Yeloboamu alafwila mu ulwi, nga aina Izlaeli yalasendwa mu uzya, uku mpanga ya kutali nu kumwao.”

Amosi 7:17

Caleka Yawe akuvwanga ati, “Umuci wako alaya cizelele mu musumba kwene uu. Alino ana yako aonsi na anaci kwene yalakomwa mu nkondo. Impanga yako alayankanya nu kuipeela ku antu yauze. Wemo wemwisikulu ulafwila ku mpanga ya antu atamanya Leza. Alino umucumi aina Izlaeli yalasendwa kuku umu uzya, ukutali ni mpanga ya kumwao.”

Amosi 8:10

Ivimulo vinu vya mapepo ndavisenula viye ukulosya, ni nyimbo zinu zyaluzango ndazisenula ziye zyandosya. Mwensi kwene ndaleka yamuzwike ivyakuzwala vya ndosya nu kumupeela ulukuzu. Mulaya wa akwasi yano yakulosya umwana wao umonsi wenga mpo. Uwanda ulya ulaya uwakunyunguluka ukufika napa mpela.”

Malango 28:41

Mulavyala ana aonsi na anaci, lelo mulayaponzya, pamulandu wakuti yalayasenda mu uzya.