Mika 1:1 - Amazwi Yakwe Leza 2013

¹ Mu manda ya kuteeka kwa mwene Yotamu, na kwakwe Aazi nga na kwakwe Hezekiya, ali yamwene aku Yuda, Yawe anena Mika waku Molesyeti amazwi. Nga ivintu vii vili vino wene waweni mu cilolwa ivikumile Samaliya na Yelusalemu.

Mika 1:1 ပူးပေါင်းရင်းမြစ်များ

2 Yamwene 15:32

Mu mwaka wakwe ciili uwa kuteeka kwakwe Peka umwana umonsi wakwe Lemaliya umwene waku Izlaeli, Yotamu umwana umonsi wakwe Azaliya, umwene waku Yuda watandike ukuteeka.

2 Yamwene 15:5

Yawe nawe alwalika Azaliya tembwe, nu kufwa wizile afwa ala ali nayo. Azaliya watiile ukufumila apanzi nanti akamulimo akali konsi ataombanga. Yotamu umwana wakwe aliwe wangalilanga isano nu kuteeka impanga mu cifulo cakwe.

2 Yamwene 16:1

Mu mwaka walenga ikumi na cinimbali uwa kuteeka kwakwe Peka umwana wakwe Lemaliya, Aazi umwana umonsi wakwe Yotamu umwene waku Yuda watandike ukuteeka.

2 Yamwene 18:1

Mu mwaka wakwe citatu uwa kuteeka kwakwe Hosyea umwana umonsi wakwe Elaa, Hezekiya umwana umonsi wakwe Aazi umwene waku Yuda watandike ukuteeka.

2 Milandu 28:1

Aazi wali ni myaka yakuvyalwa amakumi yaili apa nsita ino watandike ukuteeka, nga wateesile mu Yelusalemu imyaka ikumi na mutanda. Wene atacitanga ivisuma pa manso yakwe Yawe ndi vino Davidi, icikolwe cakwe, wacitanga.

2 Milandu 29:1

Hezekiya wali ni myaka yakuvyalwa amakumi yaili lino watandike ukuteeka, nga wateesile mu Yelusalemu imyaka amakumi yaili na fundimbali. Nyina wali a Abiya umwana umwanaci wakwe Zakaliya.

Ezaya 1:1

Mu lupapulo luu mwaya ivintu vino Ezaya umwana wakwe Amozi waweni mu cilolwa, ivyapa antu amu Yuda na amu Yelusalemu umu manda ya kuteeka kwakwe Uziya, na kwakwe Yotamu, na kwakwe Aazi nga na kwakwe Hezekiya, yamwene aku Yuda.

Ezaya 1:2

Yawe wavwanga wati, “Uvwini mwe yulu ni nsi, uvwini vino nkuvwanga! Nalela antu yane nu kuyakuzya. Lelo yatiyansangukila.

Ezaya 7:1

Lino Aazi umwana umonsi wakwe Yotamu, umwana umonsi wakwe Uziya, wateesile impanga yaku Yuda, kwakatwike inkondo. Awe mukwai Lezini umwene waku Alamu pamwi na Peka umwana umonsi wakwe Lemaliya, umwene waku Izlaeli, iyaya ku kuzanza umusumba wa Yelusalemu, lelo yaposiwa ukuupoka.

Ezaya 7:9

Impanga yakwe Efulemu yaluta Samaliya, nga Samaliya atalusile umwene Peka. Ndi mutakomile mu utailo winu, cumi mutalazizimizya.’”

Yelemiya 26:18

“Umu manda yakwe Hezekiya uwali mwene mu Yuda alino na Mika umwina Molesyeti wasemile nu kunena umutundu wakwe Yuda ati, ‘Yawe Wamaka yonsi wati Zioni alalimwa wa calo, Yelusalemu alasenuka umutumba wa vitalang'anda. Umwamba apaya Ng'anda ikulu yakwe Leza ulaya umutengo wa miti.’

Oseya 1:1

Mu manda ya kuteeka kwakwe Uziya, na kwakwe Yotamu, na kwakwe Aazi nga na kwakwe Hezekiya, yamwene aku Yuda, nga nu mu manda ya kuteekwa kwakwe Yeloboamu umwana umonsi wakwe Yeoasyi umwene waku Izlaeli, Yawe wapile ilandwe kuli Oseya umwana umonsi wakwe Beeli.

Oseya 4:15

“Nanti angala aina Izlaeli yakalongozya, lelo antu aku Yuda yataya nu mulandu ndi uo. Yatezya ukuya ku kupepa ku Giligali nanti ku Beti Aveni. Nupya yatezya ukulapa nu mulapo ala yakuti, ‘Umwi zina lyakwe Yawe waumi!’

Oseya 8:14

Aina Izlaeli yaikuulila amang'anda akulu asuma. Amu luko lwakwe Yuda yavuzya imisumba ya malinga. Lelo nemo ndaponyezya umoto apa misumba yao iyo, nga umoto uo uloca amang'anda yao yalya akulu.”

Amosi 1:1

Yaa, amazwi yakwe Amosi, wenga uwamuli yakacema aku Tekoa. Leza wamupile icilolwa ca vintu ivyacitikile aina Izlaeli umu manda yakwe Uziya, umwene waku Yuda, nga nu mu manda yakwe Yeleboamu, umwana wakwe Yeoasyi, umwene waku Izlaeli, lino kwasile imyaka iili kuti icilundumusi ciyeko.

Amosi 6:1

Kalanda kuno muli mwemuno mwaiteeka katungalala kuko ku Zioni, na kuli mwemuno mutakwaziwa mu myenzo kuko ku Samaliya. Kalanda kuno muli mwe akama pakasi ka ina Izlaeli, mwemuno antu yonsi yakaiza kunomuli kuti muyazwe!

Mika 1:5

Vyonsi vii vilacitika pamulandu wa kwifya kwakwe Yakobo, pamulandu wa maifyo ya amu mupanda wakwe Izlaeli. Uzye aweni angapeelwa umulandu pa kwifya kwa ina Izlaeli? Uzye asi aina Samaliya? Uzye aweni angapeelwa umulandu pa kwifya kwa ina Yuda? Uzye asi ina Yelusalemu?

Mika 3:9

Uvwini vii, mwe ntunguluzi zya amu mupanda wakwe Yakobo, mwe muno mukateeka aina Izlaeli, mwe muno mukasuula ulungami nu kolonganya vyaololoke.

Habakuku 1:1

Lii lili landwe lino Leza wasokolwile mu cilolwa kuli kasema Habakuku.

2 Petulo 1:21

Pano kutaya ilandwe lya usemo ilyafuma ku kulonda kwa muntu. Lelo antu yatungulwilwe na Mupasi Wamuzilo lino yavwanganga ilandwe ilyafumile kuli Leza.