Mateo 5:22 - Amazwi Yakwe Leza 2013

²² Lelo nemo namunena nati wino wensi amasokela mwina wakwe alinzile atwalwe ku cilye. Na wino wensi amanena mwina wakwe ati, ‘Watumpa!’ Wene alinzile atwalwe kwi Tengo. Na wino wensi amavwanga ati, ‘Ciwelewele we,’ alaya mu uzanzo wakuya mu moto uwamu Gehena.

Mateo 5:22 ပူးပေါင်းရင်းမြစ်များ

Utandiko 37:4

Lino aina yalola ukuti isi watemwa Yosefu ukuyaluta, yene pasipakumupata, iyata nu kuvwanga ningo nawe.

Utandiko 37:8

Lyene aina yamukanya yati, “Ele yasole! Uzye welenganya ukuti wewe ulatuteeka? Uzye wewe ungaya umwene witu?” Nga yamupata ukuluta pamulandu wa viloto ni milandile yakwe.

2 Samueli 16:7

Syimei atipwila Davidi ati, “Senka pano, senka pano, we mutazi wa katwe we! We mpulamasunde we!

2 Samueli 6:20

Lino Davidi wawelulwike ukwakwe ku kupolelela amu mupanda wakwe, Mikala umwana umwanaci wakwe Saulo aiza ku kumukomenkanya nga amunena ati, “Iye mwe vino umwene waku Izlaeli wali wailanga ilelo! Umwene wali wailanga wa muntu umuwelewele pa manso ya anaci aomvi akaombela aomvi yakwe!”

1 Yamwene 21:4

Acino Aabu afuma kweneko ala watasoka sana pali vino Naboti umwina Yezileele wavwanzile. Lino wasendama pa musanzi wakwe, alozya amanso ku lung'umba nu kulya atalile.

2 Milandu 16:10

Cii calenzile kuti umwene Asa asokele kasema cakuti amwika umu ng'anda yaminyololo. Kufuma lilyo kwene umwene Asa atandika kuteeka antu uluku uluku.

2 Milandu 19:5

Wene aika yakapingula umu mpanga yaku Yuda umu musumba uli onsi uwakuuzilwe ni linga.

Neemiya 5:8

Niza nayanena nati, “Anyonko yaa, Ayuda, yano yakazilwe uku Akulukuwa, twayakulula apapezile amaka itu. Lyene nupya mwemwe kwene mwatandika ukukazya anyonko apakuti tuce tukayakulule nupya!” Nayo yatenzi kututu, ukwaula ukukwata ni vyakulanda.

Masamu 109:3

Yakuvwanga ivyaufi pali nene, yakunsonsomba ukwaula umulandu

Masamu 14:1

Iciwelewele umu mwenzo wakweco cikati, “Leza kutaya.” Yene yafuma umu nzila, ni vicitwa vyao ivyansonyi. Kusi muntu nanti wenga akacita visuma.

Masamu 25:3

Yonsi akataila munuli yatalazewana. Lelo yayo akakusangukila zuwazuwa, ali yano insonyi zilalema.

Masamu 35:19

Utaleka anisi yane akapepa ufi yazange apamulandu wa kucimviwa kwane! Utaleka yao ampata ukwaula umulandu yansyenteka pamulandu nu landa wane!

Masamu 37:8

Utacita cipyu utaleka cikupenye! Utasakamikwa! Ala citange cikwavwe nanti cimwi.

Masamu 49:10

Uzye wene asiilolela kuno antu yamano nayo kwene yakufwa, wakwe vino ivipuwa ni viwelewele vikafwa, iyasya ni vyuma vyao kuli yauze?

Masamu 69:4

Antu akantandika uku mpata, yati yaya anyanya. Yavulisya nu kuluta inyele zyakumutwe. Yakasomba yaufi, akansombezye ukwaula umulandu uno nacita, yakalonda sile umwakuti mfwile. Nkapatikiziwa ukulipa vino ntiya.

Masamu 7:4

ukuletelela cuza wane, nanti ukulandula kuli umwi uwamfyenzile,

Masamu 92:6

Icintu cimwi cino iciwelewele caposiwa ukwiluka aeci,

Mapinda 14:16

Umuntu wa mano akaopa Yawe nu kufuntuka uku uyi, lelo iciwelewele cene cazenzemba nupya caitazyela.

Mapinda 18:6

Akanwa ka ciwelewele kakacisumba umu vikanza, na mazwi yakweco yakalenga ukuumwa.

Yelemiya 17:11

Umuntu wino akalonka icuma mu ucenjezi wakolana ni nkwale ikaulola amayayi yano itatiile. Pakasi na nkasi ka umi wakwe ali nu kuponzya vyuma vyakwe, na pakusyalikizya pasi vino alaya, lelo alasyala iciwila.

Nyimbo zya ndosya 3:52

“Natindemwa wa cunyi ku antu yaa ampata ukwaula nu mulandu.

Danieli 3:13

Apakuvwa cico, umwene afuluma sile nu ukali nga apeela ilamulo lyakuleta antu yalya yatatu inkolelo yakwe.

Danieli 3:19

Lyene umwene Nebukadineza asokela Syadilaki, Mesyaki na Abedinego wakwe cimwi, nga afinya na pa manso ku mulandu nu ukali. Acino apeela ilamulo lyakuti yapembelele ilungu lili amaila cinimbali ukuluta vino yalipembelelanga lyonsi.

Obadiya 1:10

Mwe ina Edomu mwe, pamulandu wakuti mwaile imuzanza nu kwiyila akazi kinu, amu mupanda wakwe Yakobo, namwe mulononwa nu kuzewana mpaka umuyayaya.

Obadiya 1:12

Mwemo mutalinzile ukusyenteka anyonko Ayuda pamulandu wa malanda yano yayaponela. Mutalinzile ukuzangila mu wanda wa kononwa kwao, nanti ukuyaseka mu nsita ino yene yakucululuka.

Mateo 10:17

Lelo mucenjele na antu, pano yalamutwala ku vilye vya milandu, nupya yalamuma ivikoti mu mang'anda ya mapepo.

Mateo 10:28

Mutaoopa yano akakoma umwili, lelo yatangakoma mupasi. Lelo mwaoopa Leza, wino ali na maka akonona umwili nga nu mupasi kwene mu Gehena.

Mateo 12:24

Lelo lino Afaliseo yuvwa cii, yavwanga yati, Awe! “Kupitila sile muli Belezebu, mwanangwa wa mipasi yankota, amuno akafumizya mipasi yankota.”

Mateo 17:5

Lino acili akuvwanga, ikumbi liyengese cuze liyavimba, ni izwi lyuvwika kufuma mwi kumbi liti, “Wii, Mwanane mukundwe. Munoli nkuzanga cuze. Mwamuvwa.”

Mateo 18:21

Lyene Petulo aiiza kuli Yesu amuuzya ati, “Mwene uzye amaila yanga yano ningelela umwinane nga wanjifya? Uzye ningamwelela maila cinimbali?”

Mateo 18:35

“Mu musango uli onga avino Tata uwa mwiyulu alamucitila ndi musyakwelela anyonko ni myenzo yonsi.”

Mateo 23:15

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukapita ulendo wa pa musili nga na pali yemba, kuti mukalonke umuntu wenga kuti aye mulondezi winu. Lino mwacita vivyo, mukalenga ukuti umuntu wiyo alinge kuya mu Gehena maila yaili kuluta mwemwe.

Mateo 23:33

“Mwe nzoka mwe! Mwe ana ya nzoka mwe! Uzye mulapusuka uli ku uvunuko uwamu Gehena?

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Mateo 26:59

Yasimapepo akalamba ni nkombe zyonsi zya mwi Tengo yezya kulonda umboni waufi pali Yesu kuti yamukome.

Mateo 3:17

Ni zwi lyuvwika kufuma mwiyulu liti, “Wii Umwanane mukundwe, munoli nkuzanga cuze.”

Mateo 5:34

Nemo namunena nati, mutaezya kulapa, nanti kulumbula iyulu mu milapo, pano iyulu ali cilimba ca wene cakwe Leza.

Mateo 5:44

Lelo nemo namunena nati, temwini anisi inu, pepelini yano akamuzunya,

Mako 14:55

Yasimapepo akalamba ni nkombe zyonsi zya mwi Tengo yezya kulonda umboni waufi pali Yesu kuti yamukome, lelo yatazanyile nanti umwi.

Mako 15:1

Lyene katondo, yasimapepo akalamba, aikolo Ayuda, yakasambilizya ya Masunde, pamwi ni nkombe zya mwi Tengo zyonsi, yakongana, yalanzyanya vya kucita. Alino yamunyepa, yamusenda nu kumupeela kuli Pilato.

Luka 12:5

Nkamunene uwakoopa. Oopini Leza, wino pacisila ca kukoma wakwata maka akusumba mu Gehena. Mutaile cino namunena, moopini wiyo kwene.

Luka 22:66

Lyene lino waca, aikolo, yasimapepo akalamba, na yakasambilizya ya Masunde yakongana pali pamwi, yaleta Yesu mwi Tengo lyao.

Yoane 11:47

Caleka yasimapepo akalamba na Afaliseo yakongana na amwi tengo yati, “Uzye tumacita uli? Lolini vilangililo vyonsi vino umuntu wii akucita!

Yoane 15:25

Lelo cii cayako kuti icalembwa mu masunde yao cifikiliziwe, cino cikati, ‘Yampata pasi nanti mulandu.’

Yoane 7:20

Iumba limunena liti, “Wemo uli nu mupasi wankota! Uzye aweni akulonda kukukoma?”

Yoane 8:48

Ayuda yuzya Yesu yati, “Uzye tutavwanzile ningo lino twati wewe Musamaliya, nupya uli nu mupasi wankota munuli?”

Milimo 17:18

Na antu amano asambilizyanga ivya Epikulio na Sitoiki nao kwene yapazyanya nawe. Yamwi yuzya yati, “Uzye civwangevwange wii umututu amanyile na cino akuvwanga?” Yamwi yazumila yati, “Cikoline kwati akuvwanga pali tuleza twa inamasi.” Yavwanzile cii pano Paulo wakosolanga pamulandu wakwe Yesu na pa kuzyukuka.

Milimo 22:30

Musika mukalamba walondanga kumanya cumi pamulandu uno Ayuda yapelanga Paulo. Caleka pa wanda uwalondelile amusapula, apeela ni lamulo kuli yasimapepo akalamba na yonsi amwi Tengo kuti yakongane. Alino aleta Paulo, amwimika nkolelo panoyali.

Milimo 23:1

Paulo alolekesya amwi Tengo avwanga ati, “Inane, nemo na ndakai mu umi wane nati ntumikila Leza na kampingu musuma.”

Milimo 24:20

Nanti leka antu yaa ali pano yalande mulandu uno yanzanyile nao lino naimi pa manso yakwe yao ali mwi Tengo,

Milimo 4:15

Caleka yayanena kuti yatale yafume mwi Tengo. Alino nao yasyala yakulanzyanya yati,

Milimo 5:21

Lino atumwa yuvwa cii, pa macaca iingila mu Ng'anda ikulu yakwe Leza, yatandika kusambilizya. Simapepo mukulu na yano ali nawe yaama aikolo ya Ayuda yonsi pamwi kwi Tengo. Lyene yatuma antu ku ng'anda yaminyololo kuti yakalete atumwa kwi Tengo.

Milimo 5:27

Lino yafika pamwi nao, iingizya atumwa mwi Tengo, yaimika nkolelo yakwe yano ali mwi Tengo. Lyene Simapepo Mukulu ayauzya ati,

Milimo 6:12

Umu musango uu, yamusongelekanya ku antu, ku ikolo na kuli yakasambilizya ya Masunde, nga nao yamukatukila, yamulema, yamutwala kwi Tengo.

Milimo 6:15

Onsi ali mwi Tengo yalolekesya Sitivini, nga yalola vino usyu wakwe walolekanga kwati uwa mungeli.

Milimo 7:37

Mose uwanenyile aina Izlaeli ati, ‘Leza alamutumila Kasema, wakwe vino wantuma, alaya uwa muli mwemwe kwene.’

Loma 12:10

Mwatemwana cuze ndi vino aina Klistu yalinzile kutemwana, nupya mwacindikana.

1 Kolinto 6:10

nanti akaiya, nanti a lwiswa, nanti akolesi, nanti akatumpwila auze, nanti aivi, pali yaa yonsi kusi alakumako ku Wene wakwe Leza.

1 Kolinto 6:6

Mu cifulo cakwe cii, cazanwa ukuti mwina Klistu wenga akasitaka umuze ku cilye ca milandu kuti apingulwe na asi a mwiuvi.

Malango 15:11

Insita zyonsi kulaya aina Izlaeli apina nupya aulilwe, acino nkumupeela ilamulo kuti muye antu ya wila kunoyali.

Malango 16:18

“Mu misumba inu yonsi ino Yawe Leza winu alamupeela muce musonte mwenemo yakapingula ya milandu pali pamwi na makombe ukufuma mu nko zinu zyonsi. Antu yao, ali yano yalapingula auze ukwaula kasoozi.

1 Tesalonika 4:6

Pamulandu wakwe cii, kutaya umwi uwakuluvyanya ku mwina Klistu muze nanti kuomvya usomvi kunoli. Nkolelo twamunenyile, nupya twamusoka ukuti Mwene alavunuka yao akacita vivyo.

Tito 3:2

Uyanene yatavwangila umuntu umwi viipe, lelo yacita vya kuleta mutende nu kuyelezyanya. Nupya lyonsi yalinzile kufukila umuntu ali wensi.

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?

Ayebulai 5:9

Na lino wacisilwe umufumaluke, wizile aya intulo ya ufyusi wa manda pe kuli yonsi akamuyela.

Yakobo 2:20

Ciwelewele we! Uzye ukulonda kuti yakulange vino utailo uno usyatungulula ku kucita milimo isuma ala wene uwasilesile?

Yakobo 3:6

Acino lulimi lukoline wa moto. Lwene amaka yaipe yano yakakowezya mwili nga nu koca umi onsi uwa muntu ku vimbilimbili vino vikafuma kuzimo.

1 Petulo 2:23

Na lino yamutusile, wene atavwanzile vya cilanduzi. Lelo wene wapaalilanga muli Leza, kapingula uwaula lufyengo.

1 Petulo 3:9

Mutawezezyanya viipe nanti ntipu. Lelo ndi umwi wamucitila ciipe, mwemo mumupolelele. Pano kupolelelwa akuno Leza wamulavile lino wamusolwile.

1 Yoane 2:9

Wino wensi akalanda ukuti wene ali mu luswepo lelo wapata umwina wakwe, wene ali mu mfinzi na pa nsita kwene ii.

1 Yoane 3:10

Uu uli upusano apaswe, uwaya pakasi ka ana yakwe Leza nga na ana yakwe Ciwa. Muntu wensi asyacita visuma nanti kutemwa mwina wakwe wene asi mwana wakwe Leza.

1 Yoane 5:16

Ndi walola umunyonko akwifya, iifyo lino lisyatungulula ku mfwa, ulinzile kupepa kuli Leza, wino alamupeela umi. Cii cikumile yao yano maifyo yao yasyatungulula ku mfwa. Lelo kwaya iifyo lino likatungulula ku mfwa, nga nani nsyakuti mulinzile kupepa kuli Leza pi iifyo lilyo.

Yuda 1:9

Nanti Mikaeli kwene mungeli mukulu atacisile cii lino walemanile na Ciwa pa kulola wino angatola cala cakwe Mose. Mikaeli atavwanzile izwi nanti lyonga lya miponto. Wene wavwanzile sile ati, “Mwene akukalipile!”

Umbwilo 20:14

Lyene imfwa ni cifulo ca antu afwe vyoili visumbwa muli yemba wa moto. Yemba kwene wii uwa moto, ili imfwa yakwe ciili.