Mateo 5:18 - Amazwi Yakwe Leza 2013

¹⁸ Cumi namunena vino kufika lino iyulu ni nsi vilasila, pasi kalikalata kamwi nanti akalitoni kanono ka mu Masunde kano kalafumiziwapo, kufika lino vintu vyonsi vilafikiliziwa.

Mateo 5:18 ပူးပေါင်းရင်းမြစ်များ

Masamu 102:26

Vyonsi pyu vilononeka, lelo wemo ulayelelela pee. Vyonsi vilalola wa vyakuzwala. Wemo ulavizuula wa vizwalo, nu kulowa ala vyalowelela.

Masamu 111:8

Yaya amuyayaya, yapilwe umu ulungami nupya acumi.

Masamu 119:152

Kufuma uku mpiti nasambilila kunuli amasambilizyo yako ukuti awewe wayapanzile kuti yikalilile pe na pee.

Ezaya 40:8

Isote likauma, na maluwa yakafoota, lelo amazwi yakwe Leza witu yakaikalilila amanda pe.”

Ezaya 44:26

Lelo umuomvi wane wenga ndi wasowela cimwi, lino natuma inkombe yonga uku kukosola vino nateyanya, awe cumi ala lyene vino nateyanya vilacitika. Nene nkalanda vya musumba wa Yelusalemu kuti antu yataca yize yikalemo nupya. Inkavwanga nu kuti imisumba ya mpanga ya Yuda ilatutululwa cipya cipya. Icacumi, imisumba iyo anene ndaikuululula muno yononeka.

Ezaya 51:6

Tumpulini amanso inu umwiyulu, mulolekesye na pansi. Amayulu yalaongoloka wa vyunsi, insi nayo ilasizya wa nsalu, na aikalansi yalafwa wa tuzizi. Lelo ufyusi wane ulaelelela pee, nga nu ulungami wane nao utalasila.

Mateo 10:15

Cumi namunena vino pa wanda wa upinguzi Leza alaya na mizu kuli Sodoma na Gomola kuluta musumba uwo.

Mateo 10:23

Lelo lino antu amu musumba umwi yamucuzya, utukilini ku musumba uze uli pipi na kuko. Cumi namunena vino mutalamala kuomba milimo mu mizi yamu Izlaeli lino Mwana wa Muntu atali kuti aiize.

Mateo 10:42

Na wino wensi alapeela lwako lwa manzi azuke kuli wenga uwamu alondezi yane, pamulandu wakuti wene mulondezi wane, cumi namunena vino Leza atalaposiwa kumulambula.”

Mateo 11:11

Cumi namunena vino, mu antu yonsi avyalwa mu nsi ii kusi umuntu wino alusile Yoane Kawatizya. Lelo wino ali munono mu Wene wa mwiyulu, wene ali mukulu kuluta Yoane.

Mateo 13:17

Pano cumi namunena vino yakasema na antu aololoke aingi nao kwene yalondanga kulola vintu vino mukulola, lelo yataviweni, nupya yalondanga ukuuvwa vino mukuuvwa, lelo yatavyuvwile.

Mateo 16:28

Cumi namunena vino, apano yali yamwi pano atalafwa kufika lino yalalola Mwana wa Muntu akwiza mu wene wakwe.”

Mateo 17:20

Alino nawe aasuka ati, “Apamulandu wakuti mukweti utailo unono.” Cumi namunena vino, “Ndi mukweti utailo nanti unono wa lumbezu lwakwe musunta, munganena umwamba uu muti, ‘Sungutila’ nga nao ulasungutila. Kusi cimwi cino mungaposiwa kucita.” [

Mateo 18:18

“Cumi namunena vino, consi cino mwainda muno nsi, cilaindwa nu mwiyulu kwene. Na consi cino mwazumilizya muno nsi, cilazumiliziwa nu mwiyulu kwene.

Mateo 18:3

Ayanena ati, “Cumi namunena, ndi mutasenwike nu kuicefya wa ana anono, mutalingila mu Wene wa mwiyulu.

Mateo 19:23

Lyene Yesu anena alondezi yakwe ati, “Cumi namunena vino cilatalila mukama kwingila mu Wene wa mwiyulu.

Mateo 19:28

Yesu nawe ayanena ati, “Cumi namunena vino mu manda akwiza, mu nsi ipya, Mwana wa Muntu alikala pa cilimba cakwe ca wene ca lulumbi. Namwe kwene mwe muno mukamulondela, mulikala pa vilimba ikumi na viili vya wene nu kupingula inko zya Izlaeli ikumi na ziili.

Mateo 21:21

Yesu nawe aasuka ati, “Cumi namunena vino ndi mukweti utailo, ndi musyakutwisika, mulacita na cino nati ncita ku musamvu. Mulanena nu mwamba kwene uu, muti, ‘Katuka uisumbe muli yemba,’ nga cilacitika vivyo kwene.

Mateo 21:31

Uzye pali yaa yaili, aweni wacisile cino isi walondanga?” Nao yaasuka yati, “A silenzi wa muze.” Yesu nawe ayanena ati, “Cumi namunena vino yakasonkesya nga na yacizelele yalamukolelela kwingila mu Wene wakwe Leza.

Mateo 23:36

Cumi namunena vino mwe antu amu mukulo uu mulavunukwa pa vintu vii vyonsi viipe vino mwacita.

Mateo 24:2

Lelo Yesu ati, “Endi, mukulola vikulwa vii vyonsi. Cumi namunena, vino kutalaya iwe nanti lyonga ililasyala pi we lyuze. Yonsi kwene yalomoolwa.”

Mateo 24:47

Cumi, namunena vino mwene alamucita kangalila wa vintu vyonsi vino akweti.

Mateo 25:12

Lelo nawe ayanena ati, ‘Cumi nemo ntamumanyile.’

Mateo 25:40

Alino Mwene alaasuka ati, ‘Cumi namunena, vino consi cino mwacitile wenga munono uwamu ina yane, vivyo kwene mwacitile nene!’

Mateo 25:45

Mwene alaasuka ati, ‘Cumi namunena, vino consi cino mwakanyile kucitila wenga munono uwamu antu yane, vivyo kwene mwakanyile kucitila nene.’

Mateo 5:26

Nkukunena vino utalafumamo, suka lino wamala kulipa kalikowili kakusyalikizya.

Mateo 6:16

“Nupya lino mukuizilizya ukulya mutaya wa asomvi, akanyomeka mausyu yao pakuti antu yamanye vino yati yaizilizya ukulya. Cumi namunena nati, yene yapokelela cilambu cao.

Mateo 6:2

“Caleka lino mukupeela uwila kuli umwi, mutaleka yauze yamanye, wakwe vino asomvi yakacita mu mang'anda ya mapepo nu mu misolo kuti antu yayalumbanye. Cumi namunena vino yene yapokelela cilambu cao.

Mateo 8:10

Lino Yesu uvwa cii, azunguka cuze, anena yano amusukilile ati, “Namunena vino ntatala nalola umuntu wa utailo wakwe uu.

Mako 10:15

Cumi namunena nati, wino wensi atalapokelela Uwene wakwe Leza wa mwana munono, wene atalingilamo”

Mako 10:29

Yesu nawe ayanena ati, “Ee, cumi namunena vino, kusi nanti umuntu wenga uwasya ing'anda yakwe, aina aonsi, yakaci yakwe, nyina, isi, ana nanti vyalo pamulandu wane nu wi Landwe Lisuma,

Mako 11:23

Cumi namunena nati wino wensi anganena umwamba ati katuka uisumbe muli yemba ndi asyakutwisika mu mwenzo wakwe, lelo wataila ukuti cino watalanda cilacitika, cii cilacitwa ndi muno avwangile.

Mako 12:43

Yesu aama alondezi yakwe pali pamwi ayanena ati, “Cumi namunena vino mukamfwilwa wii, mupina, wata uwila mu cipao kuluta onsi.

Mako 13:30

Cumi, namunena vino, vintu vii vyonsi vilacitika lino antu amu mukulo uu onsi yatali yafwe.

Mako 14:18

Lino yali pa cipango yakulya, Yesu ayanena ati, “Wenga uwa munomuli amankoopa, wiyo akulya pamwi nani.”

Mako 14:25

Cumi, namunena vino, ntalamwa nupya vifenwa vya vizao vya matingi kufika ku wanda uno ndamwa ivipya mu Wene wakwe Leza.”

Mako 14:30

Yesu anena Petulo ati, “Cumi nakunena vino usiku kwene uu, lino mukolwe atacili alamule maila yaili, wemo umankana maila yatatu ale ukuvwanga vino utamanyile.”

Mako 14:9

Cumi, namunena vino, konsi kuno Ilandwe Lisuma lilakosolwa mu nsi yonsi, cii cino umwanaci wii wacita cilalandwa kuti antu yamwiusya.”

Mako 3:28

“Cumi namunena vino maifyo ya antu na mazwi yao a misuli kuli Leza yonsi yangelelwa.

Mako 6:11

Konsi kuno antu yatalamuzengela nu kuvwa mazwi inu, muce mufume kweneko nu kukunta ulukungu lwaku ngazo zinu, kuya umboni kunoyali pa kuluvyanya kwao!”

Mako 8:12

Lelo Yesu aisya umwenzo avwanga ati, “Uzye pacani cino antu amu mukulo uu yakalonda cilangililo ca cinjelengwe? Cumi namunena, kusi cilangililo ca cinjelengwe cimwi cino cingacitwa ku antu yaa.”

Mako 9:1

Alino atwalilila kuvwanga ati, “Cumi namunena nati, apano yali yamwi pano atalafwa kufika lino yalalola Wene wakwe Leza ukwiza na maka.”

Mako 9:41

Cumi namunena vino wino wensi akumupeela ulwako lwa manzi pano mwemwe yakwe Klistu, Leza atalaposiwa kumulambula.”

Luka 11:51

Kutandikila pa kukomwa kwakwe Abeli kufika na pa kukomwa kwakwe Zakaliya, wino wakomilwe mu Ng'anda ikulu yakwe Leza pakasi ka kavuwa ni cifulo camuzilo. Endi, namunena, vino mukulo uu ulapelwa cilanduzi.

Luka 12:37

Alongo aomvi yano mwene wao alazana yakupempula pa kwiza kwakwe! Namunena vino, wene alazula mwingila wakwe, nu kuyalenga kuti ikale pansi, nga ayapeele ivyakulya.

Luka 13:35

Acino Ng'anda inu ikulu yakwe Leza ilasyala citotela. Cumi namunena vino mutalandola, kufika pa nsita ino mulavwanga muti, ‘Walongo awiyo akwiza mwi zina lya Mwene.’”

Luka 16:17

Lelo icangupale iyulu ni nsi ukusila kuluta kalitoni konga kamu Masunde kafumiwepo.

Luka 18:17

Cumi namunena nati, wino wensi atalapokelela Uwene wakwe Leza wa mwana munono, wene atalingilamo.”

Luka 18:29

Nga ayanena ati, “Ee, cumi namunena vino kusi nanti umuntu wenga uwasya ing'anda yakwe, nanti umuci, nanti aina aonsi, nanti akwasi yakwe, nanti ana yakwe pamulandu wa Wene wakwe Leza,

Luka 23:43

Yesu nawe amunena ati, “Nakunena vino ilelo kwene umaya nani mu Paladaise.”

Luka 4:24

Yesu atwalilila kulanda ati, “Kasema asyazengelwa ku mpanga ya kumwao.

Yoane 1:51

Nupya ayanena ati, “Cumi, namunena vino mulalola iyulu lyalekuka na angeli yakwe Leza yakukwela nu kwika pa Mwana wa Muntu.”

Yoane 10:1

Yesu avwanga ati, “Cumi namunena vino umuntu asyaingilila pa mulyango wa citata ca mfwele, lelo akakwela nu kwingilila pauze, wene umwivi nupya cipondo.

Yoane 10:7

Nupya Yesu ati, “Cumi namunena vino nemo nene mulyango wakwingililapo mfwele.

Yoane 12:24

Cumi namunena vino lupece lwa ngano luno lwaponela mu musili lutanga sanduluka, suka ndi lwatala lwafwa. Lelo ndi lwafwa, lyene lumaleta mpece zyuze zingi lino lwaseeka.

Yoane 13:16

Cumi namunena vino kusi muomvi alusile mwene wakwe, nanti nkombe yaluta wino waituma.

Yoane 13:38

Yesu aasuka ati, “Uzye wati uiteyanya ukufwa pamulandu wane? Nakunena vino lino mukolwe atacili alamule wemo umankana maila yatatu ale ukuvwanga vino utamanyile.”

Yoane 14:12

Cumi namunena nati, wino akuntaila wene alacita vicitwa vino nkacita, nga ni vikulu kuluta, pano nkuya kuli Tata.

Yoane 16:20

Cumi nkumunena vino mulalila nu kulosya, lelo amu nsi yalasansamuka. Mulaya nu ulanda lelo ulanda winu ulasenuka uye insansa.

Yoane 16:23

“Pa wanda ulya, mutalanguzya pamulandu wa cintu cili consi. Nkumunena cumi vino Tata alamupeela consi cino mulamulenga mwi zina lyane.

Yoane 21:18

Cumi nakunena, vino wemo lino wali mulumendo wainyepanga musipi nu kuya kuno ukasi. Lelo lino ulakota, ulololola makasa yako nga umuntu muze alakunyepa nu kukusenda kuno utakasi kuya.”

Yoane 3:11

Cumi, nakunena vino swemo tukavwanga cino twamanya, nupya tukalanda cino twalola. Lelo kusi umwi uwa munomuli akataila umboni witu.

Yoane 3:3

Yesu nawe amunena ati, “Cumi, nakunena vino umuntu ndi atavilwe iila lyakwe ciili atangalola Uwene wakwe Leza.”

Yoane 3:5

Yesu aasuka ati, “Cumi, nakunena vino, umuntu ndi atavilwe ku manzi na kuli Mupasi Wamuzilo, wene atangingila mu Wene wakwe Leza.

Yoane 5:19

Caleka Yesu nawe anena intunguluzi zya Ciyuda ati, “Cumi, namunena vino, Mwana atangacita cimwi pa lwakwe. Wene akacita sile cino walola Isi akucita. Vino Isi akacita, avino nu Mwana kwene akacita.

Yoane 6:26

Yesu aasuka ati, “Cumi namunena nati musikundondela pamulandu wakuti mwaweni vilangililo, lelo pamulandu wakuti mwalile mikate mwikuta.

Yoane 6:32

Yesu ayanena ati, “Cumi namunena vino asi Mose uwamupile cakulya kufuma kwiyulu, lelo Tata aliwe akamupeela cakulya ca cumi kufuma kwiyulu.

Yoane 6:47

Cumi, namunena nati, wino uwataila munondi wene ali nu umi wape.

Yoane 6:53

Yesu ayanena ati, “Cumi namunena vino ndi mutangalya mwili wa Mwana wa Muntu nu kumwa wazi wakwe, mutangaya nu umi.

Yoane 8:34

Yesu ayanena ati, “Cumi, namunena vino wensi akaifya wene umuzya wa maifyo.

Yoane 8:51

Cumi namunena nati, wino wensi akayela mazwi yane wene atalafwa.”

Yoane 8:58

Yesu aasuka ati, “Cumi namunena vino Abulaamu lino atali ayeko ala nemo akunondi.”

1 Petulo 1:25

lelo mazwi ya Mwene yene yakaikalilila manda pe. Mazwi yaa lili Landwe Lisuma lino lyakosozilwe kunomuli.

Umbwilo 20:11

Nupya ndola cilimba ca wene cikulu citiswe, nga ndola na wino atenzipo. Insi ni yulu vyutuka kufuma pa manso yakwe, nga vitatazile viloleke nupya.