Mateo 5:17 - Amazwi Yakwe Leza 2013

¹⁷ “Mutaelenganya vino niza ku konona ivyalembwa mu mpapulo zyakwe Mose na yakasema. Ntiza ku konona vii, lelo niza kuti mfikilizye.

Mateo 5:17 ပူးပေါင်းရင်းမြစ်များ

Ezaya 42:21

Apamulandu wa wololoke wakwe, Yawe akalondesya ukuti amasunde yakwe yakuziwe nu kucindamikwa.

Mateo 3:15

Lelo Yesu amunena ati, “Ndakai leka cicitike vikwene, pano catuzipila kuti tucite ivyawololoke vyonsi vino Leza akalonda.” Alino Yoane azumila.

Mateo 7:12

“Acino vintu vyonsi vino mukasi kuti antu yamucitile namwe kwene avino mwayacitila. Pano avino Masunde yakwe Mose nu usambilizyo wakwe yakasema vikalanda.

Luka 16:17

Lelo icangupale iyulu ni nsi ukusila kuluta kalitoni konga kamu Masunde kafumiwepo.

Yoane 8:5

Mu Masunde itu Mose wapile ilamulo ilyakuti umwanaci ali ndi wii alinzile atamwe na mawe suka afwe. Uzye lyene wemo ukuti uli?”

Milimo 18:13

yavwanga yati, “Umuntu wii, akwezya kunena antu ukuti yapepa Leza mu musango utalingine ni sunde!”

Milimo 21:28

Yapunda yati, “Mwe ina Izlaeli, twazwini! Wii ali muntu akapita konsi ala akusambilizya wensi ukusula aina Izlaeli, Masunde yakwe Mose, nga ni Ng'anda ii ikulu yakwe Leza. Lyene ndakai wataleta na Akulukuwa kwene mu Ng'anda ikulu yakwe Leza nu kukowezya icifulo camuzilo!” (

Milimo 6:13

Lyene yaleta antu yamwi kuti yamutumpwile yati, “Muntu wi lyonsi akuvwanga mazwi ya misuli apa Ng'anda ikulu yakwe Leza yamuzilo na pa masunde yakwe Mose.

Loma 10:4

Klistu ali kufikilizya kumalilike kwa Masunde yakwe Mose, pakuti wensi uwataila munoli, Leza akamucita kuya mololoke pa manso yakwe.

Loma 3:31

Uzye lyene tungati pa utailo kwene uu twafutatila Masunde? Awe, cisi vivyo! Mu cifulo cakwe cii, tukakomelezya kuyela Masunde.

Loma 8:4

Leza wacisile cico pakuti vino Masunde yalondanga ukuti antu yacite vifikiliziwe ningo munotuli swe muno tusyalondela ivya untunze lelo tukatungululwa na Mupasi Wamuzilo.