Mateo 4:24 - Amazwi Yakwe Leza 2013

²⁴ Ni landwe lya pali aliwe lisalangana mu mpanga yonsi ya Silya na antu yamuletela alwale alwile ndwala zya misango yonsi nga na yao ali ni mipasi yankota na yao ali ni vifumfumi, pamwi ni vite, nga ayapozya.

Mateo 4:24 ပူးပေါင်းရင်းမြစ်များ

2 Samueli 8:6

Lyene Davidi akuula insakwe zya nkondo mu Damasiko nu kulasika asilika akwikala mwenemo nu kumuteekela impanga ilya iya Asilya. Aina Asilya iyatandika ukuteekwa na Davidi nga iyalipa ni misonko kunoli. Yawe alenga kuti Davidi acimvye konsi konsi.

1 Yamwene 10:1

Lino namwene waku Syeba uvwa ululumbi lwakwe Solomoni pa kuya mu utandano na Yawe, aiza ku Yelusalemu ku kumwezya na mauzyo akome.

1 Yamwene 4:31

Wene wali uwamano ukuluta antu yauze asyala, kumwi na Etani uwaku Ezala, ukuluta Hemani, Kalikoli, Dala, na ana aonsi yakwe Maoli. Nga ululumbi lwakwe ilusalangana ku nko zyonsi ukuzinguluka impanga yakwe.

1 Milandu 14:17

Acino Davidi alumbuka wakwe cimwi umu mpanga ilya yonsi, nga Yawe alenga kuti amu nko zyonsi yamoopa.”

1 Milandu 29:2

Nemo napeela consi icingapelwa apa kuteyanya vyonsi ivyakuomvya apa kukuula Ng'anda ikulu yakwe Leza, zaabu wakupangila iviya vyakwe zaabu, siluva wakupangila iviya vyakwe siluva, umukuwa wakupangila iviya vya mukuwa, ivyela ivya kupangila iviya vya vyela nga ni mbao zyakupangila iviya vya mbao, nga na mawe yamutengo amusango wakwe onikisi, daimondi, akupangila ivintu vyamutengo, na mawe ya malangi ya misango yonsi, ni misango yonsi yuze ya mawe kumwi na mawe yano yakati malabulo. Vyonsi vii vyali anyanya.

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Mateo 12:22

Lyene yamuletela umuntu wino wali nu mupasi wankota, uwamucisile mpafu na uciulu, nawe Yesu amupozya, umuntu nawe avwanga, nga aalola.

Mateo 14:1

Mu manda yalya, Helodi kateeka uwamu Galile uvwile mpwelo ya pali Yesu.

Mateo 15:22

Lyene umwanaci umwina Kenani uwikalanga pipi nu ku cifulo cii aiiza alaizya ati, “Mwene, we mwana wakwe Davidi, ya na mizu kunondi! Mwanane kaci akacuziwa cuze nu mupasi wankota.”

Mateo 17:15

Amunena ati, “Mwene, ya na mizu pa mwanane umonsi. Cifumfumi cikamucuzya nupya maila aingi cikamuponya mu moto nga limwi mu manzi.

Mateo 17:18

Yesu akalipila mupasi wankota, nao ufuma mu mulumendo, nga lilyo kwene apoziwa.

Mateo 4:23

Lyene Yesu apitana mu Galile monsi, ala akusambilizya mu mang'anda ya mapepo nu kukosola Ilandwe Lisuma lya Wene nga nu kupozya alwile ndwala zya misango yonsi.

Mateo 8:28

Lino Yesu wafika ku mbalama yuze yakwe yemba, mu mpanga ya Gadala, antu yaili ali ni mipasi yankota yafuma ku malindi, yamukomanya. Yene yali akali cuze cakuti kutali umuntu wapitanga mu museo ulya.

Mateo 8:33

Acemanga yakapoli yasimula yaya ku musumba, yaya yalanda vyonsi ni cacitike kuli yano ali ni mipasi yankota.

Mateo 8:6

ati, “Mwene, muomvi wane umulwale nupya ali ku ng'anda pa musanzi. Wene atangapita nupya akuwaika cuze.”

Mateo 9:26

Awe mpwelo ya cintu cii isalangana mu mpanga yonsi.

Mateo 9:35

Lyene Yesu apitana mu misumba nu mu mizi yonsi kwene, ino yali pipi na yemba uwaku Galile. Wene asambilizya mu mang'anda ya mapepo nu kukosola Ilandwe Lisuma lya Wene wakwe Leza, nu kupozya indwala zya misango yonsi, ni ndema.

Mako 1:28

Lyene lilyo kwene impwelo ya pali Yesu isalangana konsi mu muputule wa mpanga ya Galile.

Mako 1:32

Lyene manguzi, antu yamuletela alwale yonsi ali ni mipasi yankota.

Mako 2:3

Lyene kwizile na antu yamwi ala yasenzile umuntu uwali cite, yamuleta kuli Yesu.

Mako 2:4

Lelo pamulandu ni umba ciyaposya kumufisya kunoli. Alino yavimbula pi paala kulingana na pano Yesu wali, kuti ingizye icintamba apali umuntu cite.

Mako 2:9

Uzye icangupala icani, kunena umulwale kuti, ‘Maifyo yako yelelwa,’ nanti kuti, ‘Katuka, nyemula icintamba cako utandike nu kupita.’

Luka 2:2

Lino kupendwa kwa kutandika kwacitike yali nsita ino Kulenio wali mulasi waku Silya.

Luka 4:14

Lyene Yesu aswilila ku Galile, na maka yakwe Mupasi Wamuzilo yali nawe. Ilandwe lya pali aliwe lisalangana mu mpanga yonsi yapalime kuku.

Luka 4:38

Lyene Yesu afuma mu ng'anda ya mapepo aya aingila mu ng'anda yakwe Simoni. Nyinavyala Simoni walwile impepo ya nzakaza. Alino yanena Yesu pamulandu wa kulwala kwakwe.

Luka 5:15

Lelo ilandwe lya pali Yesu lisalangana konsi, na maumba akulu cuze iiza ku kumuvwa nu kupoziwa indwala zyao zyonsi.

Luka 5:24

Nkasi musininkizye ukuti Mwana wa Muntu ali na maka muno nsi akwelela amaifyo.” Alino avwanga ku cite ati, “Nakunena, katuka, nyemula icintamba cako, pitanga ukwako!”

Luka 7:17

Ilandwe lya pali Yesu lisalangana mu mpanga yonsi ya Yudeya nu mu mpanga zyuze izya zingulwike.

Yoane 10:21

Lelo yauze nao yavwanga yati, “Umuntu wino ali nu mupasi wankota atangavwanga mu musango uu! Uzye mupasi wankota ungalenga uli impafu kulola?”

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Milimo 15:23

Alino yayatumilizya kalata uwatangi, “Swe atumwa na aikolo, swe ina inu, twatuma ulau kuno muli mwe ina itu amu Akulukuwa, akaikala mu Antioki, Silya na Kilikya.

Milimo 15:41

Alino nao yapita mu Silya nu mu Kilikya, ala yakukomelezya mauvi.

Milimo 28:9

Lino cii cacitika, alwale yonsi ali pa cilila cica iiza yapoziwa.

Milimo 8:7

Mipasi yankota ifuma mu antu aingi ala ikupunda. Antu aingi ali vite nga ni vilema yapola.

Yoswa 6:27

Yawe wali na Yoswa, nga nu lulumbi lwakwe Yoswa lusalangana mu mpanga ilya yonsi.