Mateo 27:54 - Amazwi Yakwe Leza 2013

⁵⁴ Musika wa mpuka ya vita na yano wali nao, alindanga Yesu, yuvwa cilundumusi nu kulola vyonsi vyacitike. Alino yuvwa intete nga yavwanga yati, “Cumi, wene wali Mwana wakwe Leza!”

Mateo 27:54 ပူးပေါင်းရင်းမြစ်များ

Mateo 26:63

Lelo Yesu aya cele. Alino Simapepo Mukulu amunena ati, “Nakunena, Lapa pa manso yakwe Leza umumi, utunene ndi wewe uli Katuula uwalavilwe, Mwana wakwe Leza.”

Mateo 27:36

Alino iikala papa kwene iyamulinda.

Mateo 27:40

“We muno ungomoola Ng'anda ikulu yakwe Leza, nu kuikuula mu manda yatatu! Ituule ndi wewe Mwana wakwe Leza! Ika ku lupanda!”

Mateo 27:43

Wene wataila Leza. Ndakai lekini Leza amutuule nda kasi, pano wavwanzile ukuti wene Mwana wakwe Leza.”

Mateo 27:51

Lilyo kwene cisalu camu Ng'anda ikulu yakwe Leza cilepuka pakasi kufuma papela kufika na pansi. Insi nayo isunkana kuya cilundumusi, nga nu lwala nalo lulepoka.

Mateo 4:3

Lyene Ciwa aiiza pano wali amunena ati, “Ndi wewe Mwana wakwe Leza, nena mawe yaa yaye mukate.”

Mateo 8:5

Lino Yesu wingila mu Kapenaumu, musika wa mpuka ya vita umwanda onga vya Ciloma aiiza kunoli amupapata

Mako 15:39

musika wa mpuka ya vita umwanda onga, uwaimi pipi nu lupanda, lino walola vino Yesu wafwa, avwanga ati, “Cumi umuntu wii, wali Mwana wakwe Leza!”

Luka 22:70

Alino yonsi yamuzya yati, “Uzye lyene wewe uli Mwana wakwe Leza?” Nawe aasuka ati, “Mwavwanga ukuti anene kwene.”

Yoane 19:7

Iumba nalyo lyasuka liti, “Swemo twakwata isunde litu lino likati alinzile ukufwa, pano wene akuilanda vino Mwana wakwe Leza.”

Milimo 10:1

Kwali umuntu umwi mu Kesaliya izina lyakwe a Konelio, uwali a musika wa vita umwanda onga vya uteko wa Ciloma vino yatangi, “Vita vya Italya.”

Milimo 2:37

Lino antu yuvwa cii, yasakamala cuze, nga yavwanga kuli Petulo na atumwa yauze, yati, “Mwe ina itu uzye tumacita uli?”

Milimo 21:32

Lilyo kwene musika mukalamba akatusya asilika ni ntunguluzi zyao yasimwililako. Lino antu yamulola pamwi na asilika, yata ukuma Paulo.

Milimo 23:17

Lyene Paulo aama wenga uwamu ntunguluzi nu kumunena ati, “Senda umulumendo wii kuli musika mukalamba. Ali na cimwi icakumunena.”

Milimo 23:23

Alino musika mukalamba aama yamusika yaili, ayanena ati, “Teyanyini asilika imyanda iili kuti yaye ku Kesaliya, pali pamwi na apa mfwalasi makumi cinimbali na a masumo nao imyanda iili, muiteyanye kukatuka usiku ni nsita yakwe 9 koloko.

Milimo 27:1

Lino yapingula ukuti tuli nu kuya ku Italya mu wato, Yapela Paulo na anyepwe yauze kuli Juliasi musika wa asilika, uwali uwamu mpuka ya vita ino yatangi Impuka yakwe kateeka Agostino.

Milimo 27:43

Lelo musika walondanga kutuula Paulo. Caleka ayalesya kucita cico. Lelo apeela ilamulo lyakuti antu yonsi yano angowa yafume mu wato inkolelo nu koowa ukuya ku mulundu.

Loma 1:4

Lelo muli umuzilo wakwe wa uleza wene wasininkiziwe pa kuzyukuka kufuma ku afwe ukuti wene Mwana wakwe Leza.

Umbwilo 11:13

Pa nsita kwene ilya kwali cilundumusi cikome cuze, nga ciputulwa conga mu viputulwa ikumi vya musumba ciwa conononeka, lyene na antu mazimbi cinimbali yafwile ku cilundumusi. Na antu yauze asile yuvwile intete cuze nu kulumbanya ukulu wakwe Leza wa mwiyulu.