Mateo 22:7 - Amazwi Yakwe Leza 2013

⁷ Lelo Mwene asoka cuze, nga atuma asilika yakwe kuya koma inkomi zizyo nu kooca misumba yao iikulu.

Mateo 22:7 ပူးပေါင်းရင်းမြစ်များ

Danieli 9:26

Alino apa mpela ya nsita ilya Musololwe Wilya wakwe Leza alakomwa mu kufyengwa. Umusumba kumwi ni Ng'anda ikulu yakwe Leza yalavyonona ku vita vya mwene wa maka vino viliza. Impela iliza wa mukuku, nga ilaleta inkondo nu ononesi vino Leza wateyanya.

Yowelo 2:11

Izwi lyakwe Yawe likuvwika uku nkolelo ampuka ya vita vyakwe. Impuka ya vita vyakwe iikulu wakwe cimwi. Wino wensi akucita ukulonda kwakwe Yawe, umucumi wene uwamaka. Wanda ukulu wakwe Yawe uwakoofya sana. Uzye aweni angaposya pa wanda kwene ulya?

Yowelo 2:25

Umu musango uli umwi kwene, nemo indamuwezezya vyonsi sile ivyononeka kuli makanta, nu ku vikwe, na kuli lulele na manzombwe. Ikwene ili mpuka ya vita vyane, ino natumile ku kwiza mupezya.

Yowelo 3:2

indakonganika imitundu ya antu yonsi nu kuyatwala uku Cifoloma ca Yeosafati. Kuku kwene akuno ndayapingula pali vino yacitile antu yane aina Izlaeli. Pasi pano yene yayasalanginye umu nko zyuze nu kwankana impanga yane.

Mateo 22:6

Asyala nao yalema aomvi yakwe, yayacuzya nu kuyakoma.

Mateo 22:8

Alino anena aomvi yakwe ati, ‘Cimulo ca winga cati citeyanyiziwa, lelo yao amilwe yatasakamile ukwiza.

Luka 19:27

Lelo anisi yane yano atalondanga kuti inje mwene wao yaletini kuno nu kuyakoma pa manso yane.’”

Luka 21:21

Lyene onsi ali mu Yudeya yakuutukile ku myamba. Na yao ali mu musumba yakafumemo. Na yao ali mu mpanga yatakaswilile mu musumba.

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

1 Tesalonika 2:16

Nupya yakwene yezizye kutulesya kukosola ilandwe ku Akulukuwa, lino lyange liyatungulule ku ufyusi. Ayuda yapitilila mu kwifya. Acino ndakai Leza wasoka nu kuyavunuka.