Mateo 22:16 - Amazwi Yakwe Leza 2013

¹⁶ Yatuma alondezi yao nga na antu yakwe Helodi kuli Yesu yamuzya yati, “Kasambilizya twamanya vino ukavwanga icumi. Lelo ukasambilizya Masunde yano Leza akalonda kuti antu yayela. Wemo usioopa umuntu nupya utaya na kasoozi.

Mateo 22:16 ပူးပေါင်းရင်းမြစ်များ

1 Yamwene 22:14

Nga lelo Mikaya wene amwaasuka ati, “Nalapa umwi zina lyakwe Yawe wa umi, ukuti nemo namalanda vino Yawe umweneco amanena.”

Masamu 12:2

Yonsi yakatumpwilana. Yakalyongofya apa tunwa twao, nupya yaya ni ndimi ziili.

Masamu 5:9

Ivikavwanga anisi yane visi vyakutaila foo. Yene yakalonda sile ukonona ivintu. Imvwango zyao izyakulyongofya, lelo zyazulamo amazwi yausomvi.

Masamu 55:21

Amazwi yakwe, yali sile asuma, lelo umu mwenzo wakwe mwene ulupato sile ali luno lwali mwenemo. Amazwi yakwe yuvwikanga atambalale fwandi mbali yali anyoleke wa lupanga.

Mapinda 29:5

Ndi cakuti wazembeleka umuzo, ala waiteya ulukose.

Malaki 2:6

Yene yasambilizyanga ivyacumi, asi vyaufi awe. Yuvwananga nani, nupya yatacitanga sile ivisuma. Lelo yazwilizyanga auze ukuta ukucita iviipe.

Malaki 2:9

Acino nani, pakumuswilizizya cico, ndaleka aina Izlaeli yamusuule pamulandu wakuti mutakuyela vino nkalonda kuti mwacita, nga nupya mukafyenga antu pa kuyaputwila imilandu na kasoozi.’ ”

Mateo 22:24

“Kasambilizya, Mose wavwanzile ati, ‘Muntu ndi wafwa nu kusya umuci, lelo ukwaula ana, umwina wakwe alinzile kupyana silenzi kuti amuvyalile ana.’

Mateo 22:26

Cali cili conga na kuli wakwe ciili na wakwe citatu, nga kufika na kuli wakwe cinimbali kwene.

Mateo 26:18

Yesu nawe aasuka ati, “Yangini mu musumba, ku muntu umwi, mumunene muti, ‘Kasambilizya wati, nsita yane yati palama. Alondezi yane pamwi nani tumaiza tuliile Cimulo ca Ucilo mu ng'anda yako.’ ”

Mateo 26:49

Lyene Yuda aya kuli Yesu amunena ati, “Kwaita Kasambilizya!” Lyene amutonsola.

Mako 10:17

Lino Yesu watandika kupita, umuntu asimula kunoli, aya afukama amuuzya ati, “Kasambilizya musuma, uzye icani cino ndinzile kucita kuti mpokelele umi wape?”

Mako 12:13

Lyene yamutumila Afaliseo yamwi na antu yakwe Helodi kuti yamuteye mu mauzyo.

Mako 12:14

Izile kuli Yesu yamunena yati, “Kasambilizya, twamanya vino ukavwanga icumi. Nupya usioopa umuntu. Wemo utaya na kasoozi. Lelo ukasambilizya Masunde yano Leza akalonda kuti antu yayela. Uzye ciine na Masunde yakwe Leza kuti twasonka kuli Kesa nanti foo?”

Mako 3:6

Acino Afaliseo yafuma mu Ng'anda yakwe Leza yaya yakongana na amu kaungwe kakwe Helodi, yumana kapi kuti yamukome.

Mako 8:15

Yesu ayasoka ati, “Cenjelini nupya muye apempukile ku citutumusi ca Afaliseo na Helodi.”

Luka 20:21

Caleka inengu zimuzya ziti, “Kasambilizya, twamanya vino ukalanda nga nu kusambilizya ivya cumi. Nupya twamanya vino utaya na kasoozi, lelo ukasambilizya Masunde yano Leza akalonda kuti antu yayela.

Luka 7:40

Yesu amunena ati, “Simoni, nkweti cimwi icakukunena.” Nawe amwaasuka ati, “Kasambilizya, nena tuvwe.”

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 18:37

Caleka Pilato amuuzya ati, “Uzye lyene wewe Mwene?” Yesu aasuka ati, “Watuvwanga vino nene Mwene. Navilwe nga nu kwiza mu nsi pamulandu onga sile wakuti ndande pamulandu wa cumi. Wino wensi waya uwa cumi wene akauvwa mazwi yane.”

Yoane 7:18

Wino akuvwanga vyakwakwe, ala akuilondela mucinzi. Lelo wino akulonda mucinzi wakwe wino uwamutuma wene uwa cumi, nu usomvi usi munoli.

2 Kolinto 2:17

Swemo tutakoline wa antu yauze aingi, yano yakaezya kuya akama kupitila mu kukosola ilandwe lyakwe Leza. Lelo pano twaya muli Klistu tuli wa nkombe zyakwe Leza, tukakosola mu cumi kulingana nu kulonda kwakwe.

2 Kolinto 4:2

Swemo tusyacita vintu vya nsonyi vino vikacitwa mu nkama. Caleka tusyacita vya usomvi nanti kupililika Ilandwe lyakwe Leza. Leza ali kambone witu ukuti vino tukulanda vyene ivya cumi. Caleka antu yauze muli yakampingu yao yangasininkizya ukuti sweswe yakutailwa.

2 Kolinto 5:16

Caleka ndakai tusyapingula antu kulingana na vino yakaloleka. Nanti angala pa nsita imwi twatazile tupingula Klistu kulingana na vino muntu akaloleka, lelo ndakai tusyacita vivyo.

Galatiya 1:10

Uzye pakulanda vii nkwezya kuzanzya antu nanti Leza? Awe cisi vivyo! Nemo nkasi kuzanzya Leza! Uzye nkwezya kuti ndumbuke ku antu! Ndi avino nkwezya kucita, lyene ntangaya muomvi wakwe Klistu.

Galatiya 2:6

Lelo yao alolekanga kwati intunguluzi, nkulanda cii kunoyali pano kunondi ntasakamile vino yali. Leza asyapingula umuntu ku milolekele ya kunzi. Intunguluzi zizyo zitalunda cimwi cipya kwi Landwe.

Malango 33:9

Yene yalanzile ucumi wao kunuli Ukuluta vino yalanzile ku akwasi, nu ku ina yao, nanti nu ku ana yao. Yene yayezile amalamulo yako Nupya yali acumi ku upangano wako.

1 Tesalonika 2:4

Mu cifulo cakwe cii, swemo lyonsi tukalanda wakwe vino Leza akalonda kuti tucite, pano wene walola ukuti twati tulinga kupelwa mulimo wa kukosola Ilandwe Lisuma. Tusyaezya kuzanzya antu, lelo tukaezya kuzanzya Leza, wino akaezya melenganyo itu.

Yakobo 3:17

Lelo mano yano yakafuma kwiyulu nkolelo yakatwazwa kuya asanguluke, acuvwano, mutembo nu kuyelezyanya. Yene yakatulenga kukwatisya mizu nga nu kucita vicitwa visuma. Yene yakatulenga kuntakwata vikanza nanti usomvi.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.