Mateo 2:4 - Amazwi Yakwe Leza 2013

⁴ Lyene akonganika yasimapepo akalamba yonsi na yakasambilizya ya Masunde, ayauzya ati, “Aukwi kuno Katuula uwalavilwe ali nu kuvyalilwa?”

Mateo 2:4 ပူးပေါင်းရင်းမြစ်များ

2 Milandu 34:13

Aina Levi yauze, nayo yangalilanga asendanga iviombelo. Yauze nayo yangalilanga antu umu milimo ipusanepusane. Yamwi yasunganga impapulo umwalemvilwe imilandu. Yamwi nayo yali a yakalinda.

2 Milandu 34:15

Nawe Hilikiya ali pakutandika ukunena Syafani ati, “Nemo natola ulupapulo lwa Masunde mukwene mu ng'anda ikulu yakwe Yawe.” Ali pakupeela Syafani ulupapulo lulo.

2 Milandu 36:14

Alino akalamba yonsi yasimapepo kumwi na antu kwene yalunduluka ukuntaya acumi, yala yakulondela imisango iipe ya mitundu yuze iyazingulwike. Umu mipepele ya tuluwi, iyasuka yakowezya ni Ng'anda ikulu yakwe Yawe ino Yawe umweneco wacisile ukuya iyamuzilo.

Ezila 10:5

Acino Ezila akatuka nga akonkomezya intunguluzi zyakwe yasimapepo, aina Levi kumwi na aina Izlaeli yonsi asyala kuti yacite ukulingana ni langulusi lyakwe Syekaniya. Lyene yonsi kwene yacita umulapo.

Ezila 7:6

Ezila wii atenuka ukufuma ku Babiloni. Wene wali akalemba, nupya inkonkotela yakwe yakasambilizya ya vyalembwa mu mpapulo zyakwe Mose vino Yawe Leza wa ina Izlaeli wayapezile. Kateeka Alitakisesi wamupile vyonsi vino wene walenzile, pano Yawe Leza wakwe wali nawe.

Neemiya 12:7

Saluu, Amoki, Hilikiya na Yedaya. Yakwene yali intunguluzi zyakwe yasimapepo ali aomvi yauze mu manda yakwe Yesyua.

Masamu 2:2

Yamwene yao yasakatuka, ni ntunguluzi zyao yapangila Yawe, pamwi nu musololwe wakwe.

Yelemiya 8:8

Uzye mungalanda uli ukuti mwemwe yamano nupya mwakwata na masunde ya Mwene. Silolini vino amasunde yasenulwa na yakalemba incenjezi.

Malaki 2:7

“ ‘Yasimapepo yapeelwa umulimo wakusambilizya icumi capali Leza. Antu yalinzile ukuya kunoyali ku kusambilila ivintu vino nkalonda kuti yacita, pamulandu wakuti yasimapepo ali nkombe zyakwe Yawe Wamaka yonsi.

Mateo 13:52

Alino ayanena ati, “Caleka kasambilizya wa Masunde wensi wino uwaya mulondezi wa Wene wa mwiyulu wene akoline nu mwine ng'anda, wino akafumya vyuma vyakwe vipya ni vikote mu nkoma yakwe.”

Mateo 2:3

Lino mwene Helodi wacuvwa, wene pali pamwi na amu Yelusalemu yonsi yasakamikwa.

Mateo 2:5

Nao yamwasuka yati, “Mu Betelemu musumba uwamu Yudeya, pano avino kasema walemvile ati,

Mateo 21:15

Lelo yasimapepo akalamba na yakasambilizya ya Masunde yasoka cuze pa kulola vintu vino wacisile vyakuzunguka, nga na vino ana anono yalaizyanga mu Ng'anda ikulu yakwe Leza, ala yakuti, “Mucinzi upelwe ku Mwana wakwe Davidi!”

Mateo 21:23

Lino wingila mu Ng'anda ikulu yakwe Leza, yasimapepo akalamba na aikolo ali ntunguluzi zya antu iiza kunoli ala akusambilizya, yamuzya yati, “Uzye maka cii yano ukweti akucita vintu vii? Uzye aweni uwakupeela maka kwene yaa?”

Mateo 26:3

Lyene yasimapepo akalamba nga na aikolo yakongana mu ng'anda yakwe Kayafa, Simapepo Mukulu.

Mateo 26:47

Walanga lino Yesu acili vwanga, Yuda, wenga uwamu alondezi ikumi na yaili, afika. Wali ni iumba likulu ilyasenzile mpanga ni zya ntuwa, ala yatumilwe na yasimapepo akalamba na aikolo amu Ayuda.

Mateo 27:1

Lyene katondo, yasimapepo akalamba onsi, nga na aikolo yalanzyanya vya kucita pa kukoma Yesu.

Mateo 7:29

Wene atasambilizyanga wakwe yakasambilizya ya Masunde, lelo wa muntu akweti maka.

Mako 8:31

Alino Yesu atandika kusambilizya alondezi yakwe ati, “Mwana wa Muntu ali nu kucula cuze, nupya aikolo na yasimapepo akalamba, na yakasambilizya ya Masunde yalamukana nu kumukoma, lelo pa wanda uwalenga yatatu alazyukuka nu kuya nu umi.”

Luka 20:19

Yakasambilizya ya Masunde na yasimapepo akalamba yalondanga inzila yakuti yalemelemo Yesu pa nsita kwene ilya, pano yamanyile vino wayasyentekanga mu mulumbe. Lelo yoopa antu.

Luka 23:10

Yasimapepo akalamba na yakasambilizya ya Masunde izile ku nkolelo nu kumulongwela na maka.

Yoane 18:3

Caleka Yuda aya kweneko ala atungulwile impuka ya vita vya uteko wa Ciloma, nga na yakalinda yamwi a Ng'anda ikulu yakwe Leza, ala yatumilwe na yasimapepo akalamba nga na Afaliseo, yano asenzile inkozyo ni nyali ni vyanzo.

Yoane 3:10

Yesu amunena ati, “Wewe kasambilizya mukalamba uwa ina Izlaeli, uzye utamanyile vintu vii?

Yoane 7:32

Lino Afaliseo yuvwa vino iumba likutotozana vya pali Yesu, yene pamwi na yasimapepo akalamba yatuma yakalinda amu Ng'anda ikulu yakwe Leza kuti yakamuleme.

Yoane 8:3

Yakasambilizya ya Masunde na Afaliseo yaleta umwanaci wino walemilwe ala akulongozya. Alino yamwimika inkolelo yakwe onsi.

Milimo 23:9

Lyene icongo cikulisya cuze, na yamwi amuli yakasambilizya ya Masunde, ali amwi umba lya Afaliseo yakatuka yapazya cuze yati, “Tutazanyile umuntu wii nu mulandu umwi! Nalimwi umupasi nanti mungeli uwavwangile munoli.”

Milimo 4:5

Lyene katondo lino waca intunguluzi zya Ayuda, aikolo, na yakasambilizya ya Masunde yakongana mu Yelusalemu.

Milimo 6:12

Umu musango uu, yamusongelekanya ku antu, ku ikolo na kuli yakasambilizya ya Masunde, nga nao yamukatukila, yamulema, yamutwala kwi Tengo.