Mateo 2:23 - Amazwi Yakwe Leza 2013

²³ Alino aya ikala mu musumba wa Nazaleti, kuti cifikiliziwe cino Leza wavwanzile kupitila muli yakasema, ati, “Alaamwa mwikazi uwamu Nazaleti.”

Mateo 2:23 ပူးပေါင်းရင်းမြစ်များ

Mpendwa 6:13

Lyene lii, ilili sunde lya kulondela pa wanda uno umwina Nazili wamalila amanda akupaatwilwa kwakwe. Yalinzile yamutwale ku mulyango wa kwingilila kwi Taalu lya Ukongano.

Mateo 1:22

Vintu vii vyonsi vyacitike kuti cifikiliziwe cino Mwene walanzile kupitila muli kasema ati,

Mateo 21:11

Antu amwi umba yaasuka yati, “Wi ali kasema, Yesu uwaku Nazaleti, ku Galile.”

Mateo 26:71

Alino afumapo aya ku mulyango, nga lino umukazyana muomvi namuze wamulola, anena yano aimi pipi ati, “Muntu wii, nawe kwene wali na Yesu uwaku Nazaleti.”

Mako 1:24

“Uzye ukulonda cani kunotuli we Yesu uwaku Nazaleti? Uzye wiza kuno kuti utonone? Nati nkumanya, wewe Wamuzilo nupya wafuma kuli Leza.”

Mako 1:9

Cali mu manda yalya lino Yesu wizile kufuma ku Nazaleti musumba uwamu Galile, kwiza watiziwa na Yoane mu luzi lwa Yodani.

Luka 1:26

Lyene pipi nu mwezi uwalenga mutanda pano Elizabeti wasendile indilwa, Leza atuma mungeli Gabilieli ku muzi waku Galile, izina lyauko Nazaleti.

Luka 18:37

Nao yamwasuka yati, “Yesu uwaku Nazaleti aliwe akupita.”

Luka 2:39

Lino Yosefu na Maliya yamazile vyonsi kulingana na Masunde ya Mwene, yene yaswilile kumwao ku musumba wa Nazaleti mu Galile.

Yoane 18:5

Nao yaasuka yati, “A Yesu uwaku Nazaleti.” Yesu avwanga ati, “Anene.” Na Yuda kwene wino uwali nu kukoopa Yesu ala aimi nao papa kwene.

Yoane 18:7

Nupya kwene Yesu ayauzya ati, “Mukulonda weni?” Nao yaasuka yati, “A Yesu uwaku Nazaleti.”

Yoane 19:19

Pilato walemvile cimanyisyo nu kucipampamila pa lupanda. Palemvilwepo ukuti “Yesu uwaku Nazaleti, Mwene wa Ayuda.”

Milimo 2:22

“Mwe ina Izlaeli, uvwini mazwi yaa. Yesu uwaku Nazaleti umuntu wino Leza watumile kuli mwemwe, walangililwe mu vinjelengwe, mu vizungusyo, nga nu mu vilangililo vino Leza wacisile kupitila munoli. Mumanyile vii vyonsi, ukuti ivya cumi pano vyacitike.

Milimo 24:5

Twazana ukuti umuntu wii umutalinkane cuze. Akatandika kucita mpanzela mu Ayuda amu nsi yonsi nupya wene intunguluzi ya kaungwe ka ina Nazaleti.

Yakapingula 13:5

pamulandu wakuti ulasenda indilwa nu kuvyala umwana umonsi. Nupya umwana wiyo yatakatale yamupele inyele ku mutwe, pamulandu wakuti umulumendo wiyo alaya umwina Nazili, uwapaatwilwa Leza ukufuma ku kuvyalwa kwakwe. Wene alatandika ukutuula aina Izlaeli ku lucu lwa ina Filisti.”

1 Samueli 1:11

Hana alapa nu mulapo, ala akuti, “Iye we Yawe Wamaka yonsi, ndi cakuti walolekesya pa ulanda wane ne muzya wako, wanguvwila inkumbu, utanjilile ne muomvi wako lelo wampeela sile umwana umonsi, nani ala ndamupeela sile kunuli we Yawe pa manda yonsi yano alikala pano nsi, nu ku mutwe wakwe kutalatala kupelwe inyele.”