Mateo 18:9 - Amazwi Yakwe Leza 2013

⁹ Ilinso lyako ndi lyakulenga ukwifya, litonkole nu kulisumba! Cakuzipila kwingila mu umi ni linso lyonga, kuluta ukuya na manso yaili nu kusumbwa mu moto uwamu Gehena.

Mateo 18:9 ပူးပေါင်းရင်းမြစ်များ

Mateo 16:26

Uzye umuntu alakwata muzano cii ndi walonka ivyamu nsi vyonsi, lelo waponzya umi wakwe? Awe kusi cimwi! Uzye kuli cimwi cino umuntu angalipa kuti umi wakwe umuwelele?

Mateo 18:8

“Ikasa lyako nanti kulu lyako ndi lyakulenga ukwifya liputule, nu kulisumba. Cakuzipila ukwingila mu umi na makunkutu nanti ulema, kuluta ukuya na makasa yaili nanti amakulu yaili nu kusumbwa mu Gehena.

Mateo 19:17

“Yesu nawe amwaasuka ati, ‘Uzye pacani wanguzya pamulandu ni cisuma? Leza, wenga sile aliwe umusuma. Lelo ndu kasi kuti Leza akupeele umi wape, wayela masunde yakwe.’

Mateo 5:22

Lelo nemo namunena nati wino wensi amasokela mwina wakwe alinzile atwalwe ku cilye. Na wino wensi amanena mwina wakwe ati, ‘Watumpa!’ Wene alinzile atwalwe kwi Tengo. Na wino wensi amavwanga ati, ‘Ciwelewele we,’ alaya mu uzanzo wakuya mu moto uwamu Gehena.

Mateo 5:29

Linso lyako lilunji ndi lyakulenga ukwifya, litonkole nu kulisumba. Pano cakuzipila kuti cilundwa conga ca mwili wako cononeke kuluta kuti mwili onsi ukasumbwe mu Gehena.

Mako 9:47

Nanti linso lyako lyakulenga ukwifya litonkole! Cakuzipila kwingila mu wene wakwe Leza ni linso lyonga kuluta kuya na manso yaili nu kusumbwa mu Gehena.”

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Ayebulai 4:11

Lekini lyene tucite consi cino tungacita kuti twingile mu kupuza kuku, pakuti kutaya umwi munotuli uwakuposiwa ndi vino cali kuli yaya pamulandu wa kuntataila kwao.

Umbwilo 21:27

Lelo kusi cimwi cikowele cino cilingila mu musumba ukulu, nupya mutalingila umuntu wino akacita vya winyi, nanti akatumpoka. Suka sile yao yano mazina yao yalembwa mu lupapulo lwa Mwana wa Mfwele ulwa umi, ayano yalingilamo.