Mateo 13:23 - Amazwi Yakwe Leza 2013

²³ Imbezu izyaponile pa musili uvunde ayao yano ndi yuvwa mazwi yakwe Leza, yuvwikisya nu kumanya. Yene yakaseeka vizao vivule, yamwi umwanda onga, yamwi makumi mutanda, nga na yamwi makumi yatatu.”

Mateo 13:23 ပူးပေါင်းရင်းမြစ်များ

Ezekelo 18:31

Tiini iviipe vyonsi vyampiti. Senulini amano inu ni myenzo inu. Uzye icani cino mwe ina Izlaeli mungalondela ukufwila?

Ezekelo 36:26

Ndamupeela amano yapya akumfukilila. Ndamutonsya apakuti umukate ukutalama.

Mateo 12:33

“Ndi mwavwanga mwati, umuti uu usuma, kuli kuti ni vizao vyauko ivisuma. Lelo ndi mwati umuti uu uwipe ala ni vizao vyauko iviipe. Pano umuti onsi ukamanyika ku vizao vino ukaseeka.

Mateo 13:8

Lelo imbezu zimwi ziponela pa musili uvunde, nga lino zyamela, zikula nu kuseeka vizao vivule, zimwi umwanda onga, zimwi makumi mutanda, nga na zimwi makumi yatatu.”

Mateo 3:10

Na ndakai kwene impasa iteyanyiziwe kusinda imiti pa visinte. Umuti onsi uno usiseeka vizao visuma ulakomwa nu kusumbwa mu moto.

Mateo 3:8

Mwaomba imilimo isuma yakulanga vino mwati muzenzuka.

Mako 10:15

Cumi namunena nati, wino wensi atalapokelela Uwene wakwe Leza wa mwana munono, wene atalingilamo”

Mako 4:20

Lelo antu yamwi yakoline wa mbezu izyaponile pa musili uvunde. Yakauvwa mazwi yakwe Leza, nu kuyapokelela, nu kuseeka vizao, yamwi makumi yatatu, yamwi makumi mutanda, na yamwi umwanda onga.”

Luka 13:9

Lyene ndi waca waseeka masamvu mu mwaka ukwiza, cilazipa. Lelo ndi waca utaseesile, lyene ulakomwa.’”

Luka 8:15

Imbezu izyaponile pa musili uvunde, ayao yano ndi yuvwa mazwi yakwe Leza, yayapokelela nu mwenzo usuma uwakuyela. Caleka yaposya kufika lino yaseeka vizao.”

Luka 8:8

Lelo imbezu zimwi ziponela pa musili uvunde, nga zikula nu kuseeka vizao vivule, zimwi umwanda onga.” Lyene lino wayanena vii, asanzika izwi ati, “Ali na matwi yakuuvwa, auvwe!”

Yoane 15:16

Asi mwemwe mwansolwile, lelo nene namusolwile nu kumutuma kuti mukaseeka vizao vingi, vino vikaikalilila. Caleka Tata alamupeela consi cino mulamulenga mwi zina lyane.

Yoane 8:47

Muntu wakwe Leza akauvwa mazwi yakwe Leza. Mwemo musi yakwe Leza, na pamulandu kwene uu acino musyakuvwila.”

Milimo 16:14

Wenga wamuli yao atuvwile wali a Lidya uwafumile ku Tiatila, kakazya wa nsalu zyakwe cikuwe. Wali umwanaci uwapepanga Leza, nu Mwene wayuzile amano yakwe kuti auvwe kuli vino Paulo wavwanganga.

Milimo 17:11

Antu ya kuku yene yali atekele kuluta aku Tesalonika. Yakutike kwi landwe nu muzonda, na cila wanda yasambililanga amalembelo pa kusininkizya vino Paulo walandanga ndi vya cumi.

2 Kolinto 9:10

Leza wino akapela imbezu ku alimi nga ni vyakulya vyakuti yalye. Wene alamupeela imbezu zyonsi azisandulule nu kuvuzya uzombozi kuli yao aulilwa.

Filipi 1:11

Nga umi winu ulavulilwa vizao vyawololoke ivikaizila muli Yesu Klistu ku kuleta lulumbi nu kulumbanyiwa kwakwe Leza.

Filipi 4:17

Asi pamulandu wakuti nkulonda sile kupokelela cimwi kufuma kunomuli, lelo nkulonda kuti namwe mupokelele upolelelo kufuma mu kupeela.

Kolose 1:10

Lyene mulaya na maka akwikala ndi vino Mwene akalonda nga lyonsi mulacita vintu vino vikazanzya Mwene. Mu umi winu mulacita visuma, nupya namwe mulakula mukumanyikisya Mwene.

Kolose 1:6

Ilandwe Lisuma likutwalilila kuleta upolelelo nupya likusalangana mu nsi yonsi, ndi vino likacita lyonsi pakasi kinu kufuma pa wanda uno mwatandike kuvwa pa cikuku cakwe Leza nu kucimanyikisya vino caya.

1 Tesalonika 4:1

Pa kumalila, mwe ina itu, mwemo mwasambilile kunotuli pali vino mulinzile kwikala pakuti muzanzye Leza. Endi, vivyo kwene avino mukaikala. Lyene ndakai mwi zina lya Mwene Yesu tukumupapata nu kumukonkomezya kucita cili conga nu kuluta.

2 Tesalonika 2:10

Wene alaomvya inkota pa kusomba yao yano yalalowa. Antu yao yalalowa pamulandu wakuti yatazumile nu kutemwa cumi pakuti yatuulwe.

Ayebulai 4:2

Pano naswe kwene tuvwa Ilandwe Lisuma ndi vino yene yuvwile. Yene yuvwile landwe lelo litayacitile visuma vimwi, pamulandu wakuti lino yuvwile yatalipokelile nu utailo.

Ayebulai 6:7

Leza akapolelela musili uno ukapokelela imvula iingi ino ikatonyapo nu kukuzya vilimwa vino vyakwata mulimo kuli yano vyalimilwa.

Ayebulai 8:10

Lelo Mwene witu akuti, uu upangano uno ndacita na ina Izlaeli mu manda akwiza. Ndalemba masunde yane muli yakampingu yao nu mu myenzo yao. Ndaya Leza wao, nao yalaya antu yane.

2 Petulo 3:18

Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.