Mateo 11:3 - Amazwi Yakwe Leza 2013

³ “Uzye wewe uli wino Yoane walanzile ukuti akwiza, nanti tumalolelanga muze?”

Mateo 11:3 ပူးပေါင်းရင်းမြစ်များ

Utandiko 12:3

Ndapolelela yao alakupolelela. Lelo ndatipwila yao alakutipwila. Munuli ndapolelela inko zyonsi.”

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

Utandiko 49:10

Intuwa ya wene ilikala mu makasa yakwe Yuda amanda pe, nga na amu mupanda wakwe yalateeka amanda pe. Inko zilaleta vya mawila kunoli. Nga yalamuvwila nu kumufukamila.

Masamu 118:26

Walongo awiyo wino wiza, wino atumilwe umwi zina lyakwe Yawe!

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Obadiya 1:21

Aku Yelusalemu yano yali mu uzya ku Sefaladi yalazanza nu kucimvya aina Edomu, nga nu kuyateeka. Lyene uwene onsi ulaya uwakwe Yawe.”

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Hagai 2:7

Indi nu kusunkanya imitundu ya antu yonsi iyaya muno nsi alino ni cuma cao cilaletwa kunondi, icakuti nupya kwene Ng'anda yane ikulu ilazulamo ululumbi lukulu. Nene nkuvwanga ne Yawe Wamaka Onsi.

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

Malaki 4:2

Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi. “Namwe mulacena wa twana twa ng'ombe tuno yayulila kuti tufume mu citata.

Mpendwa 24:17

Inkumulola, nga lelo asi pa nsita ikwene. Nkumulolekesya, nga lelo asi apipi. Umwene, akoline wa lutanda, alafuma mu luko lulu. Intuwa ya wene yakatuka yafuma mwakwe Izlaeli. Wene wapola Moabu mu nzekete yi kutwi Na ana yakwe Seti yonsi aonsi ku lupanga.

Mateo 11:10

Pano Yoane awino calembwa mu malembelo pali aliwe cati, Leza wavwanzile ati, ‘Ndatuma inkombe yane, ikukolelele kuti ikateyanye inzila yako.’

Mateo 11:4

Yesu ayanena ati, “Pitini mukanene Yoane vintu vino mukuuvwa nu kulola.

Mateo 21:5

“Nenini antu amu musumba wa Zioni muti, ‘Lolini, Mwene winu akwiza kunomuli! Wene umufuke, nupya akwezile pali punda. Wene akwiza nupya akwezile pali mwana punda.’ ”

Mateo 21:9

Antu ali nkolelo nga na alondile cisila yonsi pamwi yasanzula mazwi yao yati, “Mucinzi upelwe ku Mwana wakwe Davidi! Walongo awiyo akwiza mwi zina lya Mwene! Mucinzi upelwe kuli Leza uwa papelapela!”

Mako 11:9

Antu ali nkolelo nga na alondelile cisila yonsi pamwi yasanzika mazwi yao yati, “Mucinzi upelwe kuli Leza! Walongo awiyo akwiza mwi zina lya Mwene!

Luka 19:38

ala likuti, “Walongo a kateeka akwiza mwi zina lya Mwene! Mutende uye mwiyulu, nu lulumbi kuli Leza mwiyulu papelapela!”

Yoane 11:27

Mata aasuka ati, “Endi Mwene! Nataila vino wewe uli Katuula uwalavilwe, Mwana wakwe Leza, wino malembelo yakati ali nu kwiza.”

Yoane 12:13

Caleka yatoola makambalala ya mikoma, yazuka yakumukomanya yasanzika mazwi yati, “Mucinzi upelwe kuli Leza! Walongo awiyo akwiza mwi zina lya Mwene! Walongo a Kateeka wa Izlaeli!”

Yoane 16:14

Alampeela lulumbi, pano alatola mazwi yane nga amunene.

Yoane 4:21

Yesu amunena ati, “Kaciwe, taila vino nkukunena ukuti kasita kaliza lino mutalapepa Tata pa mwamba uu, nanti mu Yelusalemu kwene.

Yoane 6:14

Caleka lino antu yalola cilangililo cino Yesu wacita yavwanga yati, “Cumi wii ali kasema wino malembelo yakati ali nu kwiza!”

Yoane 7:31

Lelo amwi umba aingi yamutaila yati, “Lino Katuula uwalavilwe aliza, uzye alacita vilangililo kuluta vii vino umuntu wii akucita?”

Ayebulai 10:37

Pano, cili ndi vino calembwa mu malembelo cati, “Kwasyala kasita kanono sile, na wino akwiza wasya aiize, wene atalalengela.