Mateo 11:23 - Amazwi Yakwe Leza 2013

²³ Mwe antu amu Kapenaumu uzye mukwelenganya vino mungakweziwa kwiyulu kupela? Awe! Mulasumbwa pansi kuzimo! Pano ndi vinjelengwe ivyacisilwe munomuli ivyacisilwe mu Sodoma, Sodoma nga acilipo ni lelo.

Mateo 11:23 ပူးပေါင်းရင်းမြစ်များ

Utandiko 13:13

umusumba muno antu yali ankota, aifyanga Yawe wakwe cimwi.

Nyimbo zya ndosya 2:1

Iye mwe vino Yawe ku cipyu cakwe wataponyezya Zioni umu mfinzi. Ucindami wa kwiyulu uno Izlaeli wakwata, Umwene wataonona. Uwanda uno wasosile atasakamile nu kucilyatilo ca ngazo zyakwe.

Ezekelo 26:20

alino ndakusumba kuzimo ukwaya antu yampiti. Ndakusontelela apakwikala mu mpanga ya pansi mu musili, mu lwanga lwa pee, kumwi na aya kuzimo, ali pakuti utakatale uwele nu kwikala pano apa mpanga ya apuma.

Ezekelo 31:14

Caleka ukufuma ndakai kusi nanti cimuti cuze, cino catapililwa ningo, icilakula nu kutalimpa mpaka intonje yakweco ifike nu mu makumbi, wa cimuti kwene cico. Pano yonsi kwene uyo wakweyo imfwa, ukuya ku mpanga ya pansi, ukwikala pamwi na antu aina kufwa, yano yaya mpiti kuzimo.”

Ezekelo 32:18

“We mwana wa muntu, losya wakwe cimwi pamulandu wa antu avule amu Eguputo, nga yene pamwi na antu amu mpanga zyuze uyatwale pansi mu mpanga ya afwe.

Ezekelo 32:24

“Elamu ali kuku kwene, pamwi na malindi ya vita vyakwe vyonsi ala yamuzingulwike monsi. Yonsi kwene yakomilwe mu nkondo, nga yonsi kwene yazisilwe ukwaula kusilamulwa, yaya ku mpanga ya afwe. Lino yali nu umi yaponyizye ingofyo, lelo ndakai yatiyapupana nupya afwe nga yalambalile nu mu mpanga ya afwe.

Obadiya 1:4

Lelo nanti mungapapuka umupela wakwe lyang'anda, nu kuluka ivinsanzo apakasi ka ntanda, nemo ndamusamula nu kumuponya wa maleka. Avino Yawe wavwanga.

Mateo 10:15

Cumi namunena vino pa wanda wa upinguzi Leza alaya na mizu kuli Sodoma na Gomola kuluta musumba uwo.

Mateo 16:18

Petulo nakunena vino wewe lwala, na pa lwala luu apano ndakuula iuvi lyane, nga nanti maka ya mfwa yatalalicimvya.

Mateo 17:24

Lino Yesu na alondezi yakwe iiza ku Kapenaumu, yano asonkesyanga musonko wa Ng'anda ikulu yakwe Leza iiza kuli Petulo. Alino yamuzya yati, “Uzye kasambilizya winu akasonka musonko wa Ng'anda ikulu yakwe Leza?”

Mateo 4:13

Lyene afuma ku Nazaleti, aiiza ikala mu Kapenaumu, musumba uwamu nkumba yakwe yemba, mu mipaka ya Zabuloni na Nafutali.

Mateo 8:5

Lino Yesu wingila mu Kapenaumu, musika wa mpuka ya vita umwanda onga vya Ciloma aiiza kunoli amupapata

Luka 10:15

Mwe antu amu Kapenaumu uzye mukwelenganya vino mungakweziwa kwiyulu kupela? Awe! Mulasumbwa pansi kuzimo!”

Luka 14:11

Pano wensi akaikuzya wene alacefiwa, na wino wensi waicefya wene alakuziwa.”

Luka 16:23

Lyene kuzimo kuno wali mukucula kukulu cuze, asanzula amanso alola Abulaamu patali, na Lazalo ala atenzi pipi nawe.

Luka 4:23

Yesu ayanena ati, “Cumi, mumangumila ipinda lii, likati, ‘Sing'anga, ipozye wemwisikulu. Ucite na kuno mwinu vino tuvwa wacita ku Kapenaumu.’”

Milimo 2:27

pano we Mwene Leza utalansya ku Gehena, nanti kuleka muomvi wako Wamuzilo aole mwi lindi.

Milimo 2:31

Davidi waweni calimwi cino Leza wali nu kucita, acino wavwanzile pamulandu wa kuzyukuka kwakwe Klistu lino wavwanzile ati, ‘Leza atamutazyezile asyale kuzimo, umwili wakwe utaozile mwi lindi.’

Yuda 1:7

Iusyini Sodoma na Gomola, nga ni misumba iyazingulwike muno antu yaitumfile mu vyawinyi. Yene yaya icilangililo kuli yonsi ca uvunuko waku moto wape.

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.

Umbwilo 11:8

vyala vyao vilasyala vilambalile mu museo uwamu musumba ukulu, muno Mwene wao watanyilwe pa lupanda. Izina lya musumba uwa mwi syente ukaamwa ukuti Sodoma, nanti Eguputo.

Umbwilo 20:13

Lyene yemba afumya afwe ali mwenemo. Imfwa ni cifulo ca antu afwe navyo kwene vifumya afwe ali mwenemo. Na onsi yapingwilwe kulingana ni vintu vino yacisile.

Umbwilo 6:8

Lyene ndola imfwalasi iswepuluke. Wino uwakwezilepo watemilwe izina lyakuti Imfwa, nga ni cifulo ca antu afwe camulondile pipi. Oili yapilwe maka pa ciputulwa ca mu viputulwa vini ivya nsi, kuti yakome antu mukuomvya inkondo, cipowe, ndwala, nga ni vilyanyi vya mpanga.