Mateo 10:22 - Amazwi Yakwe Leza 2013

²² Onsi yalamupata pamulandu wane. Lelo wino wensi alaposya kufika nu ku mpelelekezyo, wene alatuulwa.

Mateo 10:22 ပူးပေါင်းရင်းမြစ်များ

Mateo 24:13

Lelo wino wensi alaposya kufika nu ku mpelelekezyo wene alatuulwa.

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.

Mako 13:13

Onsi yalamupata pamulandu wane. Lelo wino wensi alaposya kufika nu ku mpelelekezyo wene alatuulwa.

Mateo 10:39

Na wiyo akalonda kutuula umi wakwe, wene alaulovya. Lelo wino uwaponzya umi wakwe pamulandu wane, wene alauzana.

1 Yoane 3:13

Acino inane, mutazunguka ndi antu amu nsi ii yamupata.

Mateo 24:9

“Lyene yalamulema, yalamuzunya nu kumukoma. Antu amu nko zyonsi yalamupata pamulandu wane.

Loma 2:7

Antu aya nu mute wakucita visuma, ayano Leza alapeela umi wape umwaya lulumbi nu mucinzi.

Ayebulai 6:11

Kulondesya kwitu kukulu ukwakuti cila muntu munomuli alinzile atwalilile kucita visuma kufika nu ku mpelelekezyo, kuti vino mukapaalila vikafikiliziwe.

Yoane 17:14

Nayapile izwi lyako, nga na antu amu nsi yayapata, pano yasi wa antu amu nsi ndi vino nani kwene nsi wa antu amu nsi ii.

Galatiya 6:9

Acino mutatonta mu kwazwana. Pano ndi musikutonta, lyene muli nu kupelwa cilambu lino nsita ilafika.

Luka 6:22

“Alongo amwemwe ndi antu yamupata, yamukana, yamutuka, yavwanga yati mwemwe yaipe pamulandu wa kulondela Mwana wa Muntu.

2 Kolinto 4:11

Swemo tuli aumi lelo pamulandu wakwe Klistu lyonsi twaya mu uzanzo wa mfwa. Pakuti umi wakwe Klistu waloleka mu mili itu ikafwa.

Mateo 5:11

“Alongo amwemwe ndi antu yamutuka, yamuzunya, nu kumutumpwila vintu vyonsi viipe pamulandu wane.

Umbwilo 2:17

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya ndayapeela mana uwafiswa. Nupya cila wenga uwa munoyali ndamupeela iwe litiswe pano palembwa izina lipya, ililamanyikwa kuli aliwe asi kuli wensi.

Yoane 7:7

Mwemo amu nsi yatangayamupate, lelo nemo yampata pano nkayanena vino vicitwa vyao iviipe.

Luka 8:15

Imbezu izyaponile pa musili uvunde, ayao yano ndi yuvwa mazwi yakwe Leza, yayapokelela nu mwenzo usuma uwakuyela. Caleka yaposya kufika lino yaseeka vizao.”

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.

Umbwilo 2:7

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya ndayapeela nsambu yakulya vizao vya ku muti uno ukapeela umi, uwaya ku Paladaise yakwe Leza mwiyulu.”

Ayebulai 3:14

Pano tukaya yacuza yakwe Klistu ndi cakuti twalemelela ku upaalilo witu kufika nu ku mpelelekezyo, uwo uno twakweti pa kutandika.

Umbwilo 2:26

Yao alacimvya, nu kutwalilila kucita vino nkalonda kufika nu ku mpelelekezyo, ndayapeela utesi pa nko zyonsi uno Tata wampela.

Milimo 9:16

Nani nemwisikulu ndamulanga vintu vyonsi vino alacula pamulandu wi zina lyane.”

Umbwilo 2:3

Wemo ukateeka umwenzo nupya wacuziwe pamulandu wane, nupya utanenwike.

Mapinda 29:27

Antu asicita vyaololoke yakapata antu aololoke, asuma nayo yakapata aipe.

Luka 21:17

Onsi yalamupata pamulandu wane.

Luka 21:19

Mukuposya kwinu, mulaya nu umi.