Mateo 10:14 - Amazwi Yakwe Leza 2013

¹⁴ Umuntu ali wensi wino atalamuzengela, nanti kuvwa mazwi inu, muce mufume mu ng'anda nanti mu musumba uo, nu kukunta ulukungu lwaku ngazo zinu.

Mateo 10:14 ပူးပေါင်းရင်းမြစ်များ

Neemiya 5:13

Ali pakuzula icisempe cansalu ino nazwite, nacikunta navwanga nu kuti, “Ali vino Yawe Leza, alakunta umuntu ali wensi uwa muno muli, nu kumuzinga umu ng'anda yakwe, nu kumupoka vyuma vyakwe.” Ali vino umuntu wiyo alinzile akuntwe. Atasyala nanti cimwi. Iuvi lyonsi nalyo ali pakwasuka iliti, “Ciye vivyo kwene!” Nga lilumbanya Umwene. Nga antu nayo yafikilizya ulayo wao.

Mateo 10:13

Ine ya ng'anda ndi yamuzengela, mutende winu ulaya panoyali, lelo ndi yakana kumuzengela, mutende winu ulamuwelela.

Mateo 18:5

Wino wensi akazengela mwana munono wakwe wii, pamulandu wane, ala wanzengela.

Mako 6:11

Konsi kuno antu yatalamuzengela nu kuvwa mazwi inu, muce mufume kweneko nu kukunta ulukungu lwaku ngazo zinu, kuya umboni kunoyali pa kuluvyanya kwao!”

Mako 9:37

“Wino wensi akazengela wenga uwamu ana anono wakwe wii pamulandu wane, ala wanzengela. Na wino wensi uwanzengela, asikuzengela nene lelo wazengela wino uwantuma.”

Luka 9:48

ayanena ati, “Wino wensi akazengela umwana munono wakwe wii pamulandu wane, ala wanzengela. Na wino wensi uwanzengela, ala wazengela wino uwantuma. Pano wino ali munono kuluta pali mwemwe mwensi, wene ali mukulu.”

Luka 9:5

Konsi kuno antu yatalamuzengela, muce mufume mu musumba uwo, nu kukunta ulukungu lwaku ngazo zinu, kuya umboni kunoyali.”

Yoane 13:20

Cumi namunena vino wino wensi akunzengela, ala wazengela wino uwantuma.”

Milimo 13:51

Atumwa nao yakunta lukungu lwa ku ngazo zyao kuya umboni kuno yali, yapita ku Ikoniamu.

Milimo 18:6

Lino yamukana nu kulanda viipe pali aliwe, wene akunta lukungu ku vizwalo vyakwe kuti ayalange vino wapaluka kunoyali, nga ayanena ati, “Ndi mwalowa, ale umulandu winu mweisikulu! Usi mulandu wane. Ukufuma ndakai namaya ku Akulukuwa.”

1 Tesalonika 4:8

Caleka wino wensi uwakana usambilizyo uu ala wene asyakukana umuntu, lelo akukana Leza, wino akamupeela Mupasi wakwe Wamuzilo.