Masamu 98:4 - Amazwi Yakwe Leza 2013

⁴ Umililini Yawe utupundu mpanga yonsi, mupongomoke mupunde ni nsansa.

Masamu 98:4 ပူးပေါင်းရင်းမြစ်များ

Masamu 100:1

Imbilini Yawe, mumililini nu tupundu, mwemwe mwensi mwe ikala nsi yonsi.

Masamu 66:1

Umilini tupundu kuli Leza, mwe antu yonsi apano nsi!

Masamu 66:4

Aikalansi yonsi, awewe yakapepa. Awewe yakaimbila inyimbo zyaku kulumbanya, awewe yakalumbanya izina lyako umu nyimbo?

Masamu 67:4

Leka imitundu iyasansamuka, iyaimba ni nyimbo zya nsansa, pano wemo ukalinganya apakupingula antu, ukatungulula ni mitundu ya antu yonsi.

Masamu 71:22

Nemo namakulumbanyizyanga umu viwaya, namakulumbanyanga we Leza wa cumi. Apa kangoma kane apano nemo namakwimbililanga inyimbo, wewe, we Wamuzilo uwa ina Izlaeli.

Masamu 95:1

Izini tuzangile Yawe, katuzangile Ciliwe citu icikatupususya.

Masamu 95:2

Katuye kunoli, tumufukamile, tumulumbanye ni nsansa umu nyimbo ni ngoma.

Ezaya 12:6

Pundisyini nu kwimbila ni nsansa, mwe antu aku Zioni, pano Wamuzilo wilya waku Izlaeli wene umukulu pakasi kinu.”

Ezaya 42:11

Lekini ulwanga ni misumba iyaya mwenemo vilumbanye Leza. Lekini aina Kedali yamulumbanye. Lekini aina Sela yamwimbile nu luzango, yumile nu tupundu apapela apa myamba.

Ezaya 44:23

Mwe viumbwa vyamu mayulu, imbilini ni nsansa pano Yawe wataomba. Zangini mwe antu pano nsi, mwe myamba ni mitengo, kumwi ni miti inu yonsi, pundini ni nsansa, pano Yawe watakulula Yakobo. Watalanga ululumbi lwakwe umu mpanga ya Izlaeli.

Yelemiya 33:11

utupundu twa nsansa nu twa luzango. Muluvwika na mazwi yakwe nawinga na siwinga. Lino antu yalaleta amawila akutaizya uku ng'anda yane, amazwi yao yalauvwika lino yakwimba ala yakuti, ‘Taizini Yawe Wamaka Yonsi, pano wene umusuma, nu luse lwakwe ulwa manda pe.’ Pasi pano impanga kwene ii nemo ndailetela isyuko ndi vino nacisile apa mpiti. Ica cumi, anene ne Yawe navwanga.”

Zefaniya 3:14

Si aleni saulini ulwimbo lwa nsansa mwe ina Izlaeli, mwangulisye nu kuzanga nu mwenzo onsi!

Mateo 21:9

Antu ali nkolelo nga na alondile cisila yonsi pamwi yasanzula mazwi yao yati, “Mucinzi upelwe ku Mwana wakwe Davidi! Walongo awiyo akwiza mwi zina lya Mwene! Mucinzi upelwe kuli Leza uwa papelapela!”

Umbwilo 19:1

Pacisila cakwe vii nuvwile cimwi cino cuvwikike kwati ciunda ci umba likulu lya antu mwiyulu, yakuti, “Aleluya! Ufyusi, lulumbi, na maka ivyakwe Leza witu!

Umbwilo 19:6

Lyene nuvwile izwi lino lyuvwikike kwati iumba likulu, nupya kwati kupooma kwa cipoma nu kupangalansya kukulu. Nuvwile yakuti, “Aleluya! Pano Mwene Leza witu uwa maka, ali Kateeka!