Masamu 97:11 - Amazwi Yakwe Leza 2013

¹¹ Uluswepo lukayengesela yayo akacita vyaololoke, nga antu yayo yaya ni nsansa.

Masamu 97:11 ပူးပေါင်းရင်းမြစ်များ

Esita 8:16

Fwandi kwali ukuzanga nu kupemwila, ukusansamuka nu kucindikwa apamulandu nu kucimvya.

Yobo 11:17

Uwikazi wako ulawala ukuluta navino ilanzi likawala lino lyafika apakasi kamutwe. Uwikazi wako ulasenula imfizi ukuya pali namukokolo, uku macaca.

Yobo 22:28

Lyene ulaya nu longo mu mulimo onsi uno ulelengaya ukuomba, alino nu luswepo lulayengesela umu nzila yako yonsi.

Masamu 112:4

Uluswepo lukakozezya umufite uku antu asuma, kuli yao a luse, ankumbu nupya alungami.

Masamu 18:28

We Yawe, awewe ukakozya uluswepo lwa umi wane. Leza wane we muno ukankozezya umu kanda.

Masamu 68:4

Imbilini Leza inyimbo zyakumuwanzya, lumbanyini wiyo akapitila umu makumbi. Izina lyakwe a Yawe, zangangini apa cinso cakwe!

Mapinda 4:18

Inzila ya antu asuma, yaya wa luswepo lwa pamacaca, lulo ulukakulilako mpaka ilanzi ilisanzama.

Ezaya 58:8

“Ndi cakuti caya vivyo ale lyene uluzango lwane lulayengesa wa luswepo lwi lanzi lino likutunka, ni vilonda vinu vilapola sile zuwazuwa ukwaula nu kusumba kasita. Lyene nani kwene ale ndaya namwe lyonsi kwene apa kumupususya. Ndaya penepo apakuti namucingilila monsi monsi.

Ezaya 62:1

Nemo pali wewe Zioni ntange nikale sile cele. Nemo pali wewe Yelusalemu ntange ntonte kulanda pali wewe, mpaka sile ukululwe, mpaka sile indole ukuti insambu zyako zicate wa kasanya nu kucimvya kwako kuye wa luswepo ulukukozya usiku mu kanda.

Mika 7:9

Twifya kuli Yawe, acino lyene tulinzile kuzizimizya ukali wakwe, mpaka ace atuvwangile nu kuzifya umulandu witu. Wene alatwingizya mu luswepo, alino tulalola kuno akututuula.

Yoane 12:46

Nemo niza wa luswepo lwamu nsi, kuti wino wensi wantaila atakikale mu mfinzi.

Galatiya 6:8

Muntu ndi walondela vilondwa vya untunze, wene alafwa. Lelo ndi walondela Mupasi Wamuzilo, wene alapeelwa umi wape.

Umbwilo 21:23

Kuwala kwi lanzi nu mwezi kusyalondekwa mu musumba ukulu, pano lulumbi lwakwe Leza lukayengesa mwenemo, nga nu Mwana wa Mfwele ali lampi lyauko.

Umbwilo 22:5

Kutalaya usiku nupya yatalalonda inyali nanti luswepo lwi lanzi, pano Mwene Leza alaya luswepo kunoyali. Yene yalateeka manda pe.