Masamu 95:3 - Amazwi Yakwe Leza 2013

³ Pano Yawe ali Leza Mukulu, ali Mwene mukulu pali tuleza tonsi.

Masamu 95:3 ပူးပေါင်းရင်းမြစ်များ

Neemiya 8:6

Lyene Ezila alumbanya Yawe, Leza mukulu. Antu yonsi nayo yatumpula amakasa yao nga yavwanga yati, “Kaciye vivyo kwene! Kaciye vivyo kwene!” Ali pakwinamika ni mitwe yao, yafukama nga yalumbanya Leza.

Masamu 104:1

Lumbanya Yawe we mwenzo wane! Iye we Yawe, Leza wane, vino wakwatisya amaka! Wemo wazwala ululumbi nu usambazi.

Masamu 135:5

Namanya ukuti Yawe umukulu, ukuti Mwene witu waluta tuleza tonsi.

Masamu 145:3

Yawe wene umukulu nupya uwakulumbanya wakwe cimwi, ukulu wakwe kusi angautezya.

Masamu 47:2

Mukwatile Yawe Wapapelapela icoopo, pano ali Mwene Mukalamba, akateeka impanga zyonsi.

Masamu 47:3

Aliwe walesile kuti tucimvye imitundu yonsi, nu kuleka ukuti twateeka ainamasi.

Masamu 96:4

Pano Yawe umukulu, nupya uwakulumbanya wakwe cimwi, Wene uwakoopa ukuluta tuleza tonsi.

Masamu 97:9

Pano we Yawe, wewe Wapapelapela pano nsi yonsi, Wewe mukulu ukuluta tuleza tonsi.

Kufuma 12:12

“Pa wanda ulya usiku ndasalala mu mpanga ya Eguputo nu kukoma umwana wi yeli wensi umonsi. Iyeli lya muntu nga ni yeli lya nyama kwene ndakoma. Ndavunuka tuleza tonsi twamu Eguputo. Nene indi Yawe.

Kufuma 18:11

Ndakai namanya ukuti Yawe umukulu cuze ukuluta tuleza tuze tonsi tuno antu yakapepa, pamulandu wakuti wene watuuzile antu yakwe lino aina Eguputo yacitile aina Izlaeli umunyambo.”

Ezaya 44:8

Mutazakaza, mutuvwa intete. Uzye ntamunenyile cico nu kumusokolwela ukufuma uku mpiti? Mwemwe muli yakambone yane. Uzye kwaya Leza namuze? Kutaya Ciliwe nacuze, nemo ntacimanya.”

Yelemiya 46:18

Lino nene ndi wa umi, ivyalanda Yawe, wino izina lyakwe a Yawe Wamaka yonsi. Kuliza umwi wiyo akoline na Taboli umwamba uno watalimpisya pa myamba yuze, wiyo akoline nu mwamba wa Kalimeli, uwaya mu nkumba yakwe yemba.

Yelemiya 48:15

Ala nkumunena ukuti umononyi wakwe Moabu ni misumba yayamo wataiza ku kulwisya. Alumendo yaya kwene asopoloke aku Moabu yatiyatelemukila uku kukomwa.” Ivyalanda ne Yawe, Leza Wamaka yonsi.

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Malaki 1:11

Antu aikala amasi yonsi yalancindika. Konsi kwene antu yalaoca ubani nu kupeela amawila aswefiwe mwi zina lyane. Pasi pano antu amu nko zizyo yalancindika.

Malaki 1:14

Citipu ciye pa muntu umusomvi wino akapeela inyama yaciwelewele wa mpolelwa kunondi, mu cifulo ca nyama isuma ino walaya ukupeela kunondi! Pasi pano nene Mwene mukulu, nga antu amu nko zyonsi yakangoopa.”

Mateo 5:35

Nanti kwezya kulumbula insi mu milapo, pano ali cilimba ca ngazo zyakwe Leza. Nanti kulumbula Yelusalemu mu milapo, pano uli musumba wa Mwene mukulu.

Malango 7:21

Acino mutaca mwaoopa antu yaa. Yawe Leza winu ali namwe. Wene a Leza wa maka wino antu yalinzile ukoopa.