Masamu 93:1 - Amazwi Yakwe Leza 2013

¹ Yawe aliwe akateeka. Wazwala ivya ucindami, wazwala na maka. Aliwe uwatungilila insi, isi yakutelengana foo.

Masamu 93:1 ပူးပေါင်းရင်းမြစ်များ

1 Milandu 16:30

Muye ni ntete mwensi mwe ikazi yamu nsi! Endi, insi yikala ndi nupya itangaseziwa awe.

1 Milandu 16:31

Zangini mwe ikazi ya kwiyulu, sansamukini mwe ikazi ya pano nsi. Nenini antu amu nko zyonsi muti, “Yawe umwene.”

1 Milandu 29:12

Icuma nu mucinzi vikafuma kunuli. Wewe uli kateeka wa vintu vyonsi. Pano wewe wakwata amaka akucindamika umuntu ali wensi nu kumukomya.

Yobo 40:10

Ndi cakuti cili vivyo, ale fwandi uizwike ululumbi nu ukankala, uizwike uwene alino nu mucinzi.

Masamu 103:19

Yawe wasimpa icilimba cakwe umwiyulu nga aliwe akateeka vyonsi mu wene wakwe.

Masamu 145:13

Uwene wako uwene wa muyayaya, nga utesi wako uwa manda pe. Yawe wene akafikilizya amalayo yakwe, wene akalanga icikuku ku viumbwa vyakwe vyonsi.

Masamu 18:32

Leza wi aliwe akampeelesya amaka, nu kuleka inzila zyane ukuya izyakaele.

Masamu 59:13

Yonone uyi uyi, uyalovye pyu pyu pyu! Alino lyene antu yonsi yalamanya ndi vino wewe Leza akateeka Izlaeli, nu kuti fwandi uteko wako walimba insi yonsi!

Masamu 65:6

Awewe wakatwisye imyamba uku maka yako, pano amaka yako yakula.

Masamu 65:7

Wewe ukamyalalika imiza pali yayemba kumwi na maimbi ni mpokoma zya antu.

Masamu 75:3

Nanti sile insi ikasunkane kumwi na onsi aikala mwenemo, anene kwene ndalemelela umufula wakweyo.

Masamu 96:10

Mwalazye umu inamasi muti, “Yawe ali Mwene! Insi yonsi izyansya, itange itelengane foo. Wene alapingwila imitundu yonsi nu ulungi.”

Masamu 97:1

Yawe aliwe akuteeka, insi kizange. Ni vilila vyonsi ivivule ka visansamuke!

Masamu 99:1

Yawe aliwe akuteeka, imitundu ya antu ikuizakazila sile, wene wikala papela yakwe ya kelubi, si lekini insi yatenta.

Ezaya 11:5

Uwololoke ulaya wa musipi wakwe, nga ukutailwa kulaya wa canamala cino alafyenta umu musana wakwe.

Ezaya 45:12

Nene napanzile insi ya pano pansi nu kuumba umuntu kuti aikale mwenemo. Nakonzolwile amayulu uku maka yane, nupya nene nkaleka kuti ilanzi lyawala, kumwi nu mwezi nga ni ntanda kwene.

Ezaya 45:18

Pano avino Yawe wavwanga, wiyo uwaumvile amayulu, wene ali Leza uwetetwile nu kupanga insi ya pano pansi. Wene uwaipanzile nupya ataiumbile apakuti mutaya kantu nanti kamwi, lelo kuti iye incende umwakwikala antu. Wene wavwanga wati, “Nene indi Yawe, kutaya namuze awe.

Ezaya 49:8

Yawe wavwanga wati, “Akasita ka kumupususya ndi kafika, nemo ndamulola luse luse nu kwasuka impooma zinu, ndi mwalila iyoyomba. Nemo ndamulinda nu kumucingilila. Mulaleka nu kuti ince ncite upangano, apakasi kao nani. Ndaleka kuti muce mwikale nupya mu mpanga yaupyanyi ino yasyala ntangali ntangali.

Ezaya 51:16

Anene kwene nasapalalika amayulu, nu kusimpisya imifula yansi. Anene kwene nkanena aina Izlaeli inti, ‘Mwemo mwemwe antu akwane mpo, amwemwe napiile amasunde yane, nupya amwemwe nkasunga uku maka yane sile.’ ”

Ezaya 51:9

Katuka fwandi zyuka we Yawe Leza witu! Ndanga utwazwe kweneko, utupususye uku maka yako. Kalambana ndi vino wacisile uku myaka yampiti mpiti. Uzye asi wewe kwene wasandozile icilyanyi ci Laabu tupimfya tupimfya?

Ezaya 52:7

Iye mwe, vino ingazo zya nkombe yi landwe lisuma zyayemba lino akutelemuka ukufuma ku myamba. Waleta ilandwe lya longo ni nsansa. Wasowela ukuluzi nu kunena Zioni vino Leza wakwe akuteeka.

Ezaya 59:17

Amazwala uwololoke wa cela cakucinga icisao cakwe. Ufyusi ali cisote ca cela ku mutwe wakwe. Icilanduzi ali mwingila uno amazwala nu kuipombelekezya mwi laya lya ukali.

Ezaya 63:1

Uzye aweni wilya wino akwiza ukufuma mu musumba wa Bozila, mu mpanga yakwe Edomu? Icakuzwala cakwe icamaala maala nupya icausaka. Akukumpoka na pakupita na maka. Ala si a Yawe Wamaka, Katuula wa antu. Ali wino wiza ku kumanyisya antu pa lwa kucimvya kwakwe.

Mateo 6:13

Utaleka tuponele mukweziwa kukome lelo ututuule ku Mwipe wilya.’

Ayebulai 1:8

Alino pa Mwana wakwe Leza wavwanzile ati, “We Leza, cilimba ca wene wako cilikalilila manda pe! Ulungami ili ntuwa ya wene wako.

Umbwilo 19:6

Lyene nuvwile izwi lino lyuvwikike kwati iumba likulu, nupya kwati kupooma kwa cipoma nu kupangalansya kukulu. Nuvwile yakuti, “Aleluya! Pano Mwene Leza witu uwa maka, ali Kateeka!