Masamu 90:13 - Amazwi Yakwe Leza 2013

¹³ Ala, siwatala usuula kweneko, we Yawe! Nga fwandi ukali wako ungapelela pii? Sungala uyelele aomvi yako uluse!

Masamu 90:13 ပူးပေါင်းရင်းမြစ်များ

Masamu 106:45

Wiusyanga ulayo uno walaine nayo, ali pakuyuvwila inkumbu, pamulandu wa luse lwakwe ulukalamba.

Masamu 135:14

Pano Yawe alataasya antu yakwe, alaya nu luse apa aomvi yakwe.

Masamu 6:5

Asi yafwe foo, yano yangakwiusya. Aweni angakulumbanya uku malindi?

Masamu 74:10

Leza we, uzye alilaci fwandi lino anisi itu yalata ukutusausya? Uzye yamatutukolanga lyonsi pee?

Masamu 80:14

Seleukila kunotuli, we Leza Wamaka yonsi! Kuko kuno waya ukwiyulu, sungamila pano nsi pano tuli. Ndu pususye umutingi wako!

Masamu 80:15

Iza sile ndu pususye umutingi uno we mweneco walemile. Akateeta ka mutingi uno wasya aka maka wakwe cimwi!

Masamu 89:46

Uzye ukufika lilaci, we Yawe? Uzye ulamfisama mpaka umuyayaya? Uzye ukali wako umalunkuma wa moto ukufika lilaci?

Kufuma 32:12

Uzye mukulonda kuti aina Eguputo yakavwange yati, wayafumizye mu Eguputo nu uteyanyo wakuti ukayakome ku myamba nu kuyonona yonsi pyu? Wezya umwenzo wako, utonona antu yako lelo uyelele.

Kufuma 32:14

Caleka Yawe awezya umwenzo atalenzile kuti uzanzo ucitike uno wakasi kuti acite pa antu yakwe, aina Izlaeli.

Ezaya 63:17

Uzye lyene pacani cino watutuleka kuti twapumba umu nzila zyako? Uzye pacani cino watuleka kuti tuye aumalale, twakana nu kukoopa? Weluluka, ungala sile ulolekesye aomvi yako yano yakakutumikila, yano yaya antu yakwako sile.

Yelemiya 12:15

Lelo alala lino nayafumyamo, ndayakwatila uluse, ndawezya na cila muntu uku mpanga yakumwao nu mu vifoloma vyao.

Oseya 11:8

“Uzye ungamfuulila uli we Efulemu? Uzye ningakutazyela uli we Izlaeli? Uzye ningakusenula uli wakwe Adima? Uzye ningakonona uli wakwe Zeboimu? Umwenzo wane ukuti cipelele ukutali, ukutemwa kwane kunuli ukukulu.

Amosi 7:3

Acino lyene Yawe aya na mizu, nga avwanga ati, “Vyonsi vii vitalacitika konsi awe.”

Amosi 7:6

Acino lyene Yawe aya na mizu, nga avwanga ati, “Vyonsi vii vitalacitika awe.”

Yona 3:9

Nalimwi Leza angasenula ipange lyakwe, nga nu luse azusye ukali wakwe ukulu pakuti tutalowa.’ ”

Zakaliya 1:16

“Caleka natimbwela ku Yelusalemu nu kuya na mizu apa ikazi amu musumba. Acino lyene Ng'anda yane ikulu ilakuulululwa nupya yalatola umwando wakupimilako kuti yatandike ukukuula umusumba cipya cipya.” Kuu kuli kulanda kwakwe Yawe.

Mpendwa 10:36

Lyonsi lino yimilila ni Mbokosi ya Upangano, Mose wavwanganga ati, “Ndanga we Yawe, su ngala uwele kuno ku mintapendwa ya ina Izlaeli.”

Malango 32:36

Yawe alakulula antu yakwe lino alalola ukuti amaka yao yasila. Alaya na mizu kuli yao akamutumikila, lino walola ukuti awe lyene yacepelwa amaka. Nu kulola ukuti awe lyene yasyala ancepelwa, cisi cimwi yangaya azya nanti antungwa.