Masamu 90:10 - Amazwi Yakwe Leza 2013

¹⁰ Imyaka ya umi witu yapelela sile apa myaka amakumi cinimbali. Antu ya maka ayano yakafika uku myaka amakumi cinani. Nga lelo imyaka ya umi witu yonsi pano yapela ikatuletela sile amasakamiko na malanda. Ikapita sile zuwazuwa, naswe kwene ala ali mikukile.

Masamu 90:10 ပူးပေါင်းရင်းမြစ်များ

Utandiko 47:9

Yakobo aasuka ati, “Indi ni myaka umwanda onga na makumi yatatu mu umi wa kululumba kwane. Imyaka yane ili inono nupya iya ucuzi, ino itangakolana ni myaka ya kululumba kwa vikolwe vyane.”

Utandiko 6:3

Alino Yawe avwanga ati, “Ntalazumilizya umuntu ukwikalilila umuyayaya pano wene umwinakufwa. Ukufuma ndakai umuntu asyaikala ukuluta pa myaka umwanda onga na makumi yaili.”

2 Samueli 19:35

Indi ni myaka amakumi cinani iyakuvyalwa, nga kusi cimwi cino nkuzangilamo. Ntanguvwa umulyo muli consi cino nkulya nanti cino nkumwa. Nupya ntanguvwa amazwi yakwe yakiimba. Uzye lyene pacani cino ningakwanola sile we mwene wakwisaci?

2 Samueli 19:36

Nemo ntalingine ukupelwa icilambu icikulu wakwe cico. Acino namakusukilila sile panono inkulamvye Yodani.

1 Yamwene 1:1

Umwene Davidi pa nsita ilya wali umukote cuze. Nanti angala aomvi yakwe yamuvimbanga yaulangeti, nalyo kwene atuvwanga icikaililwa.

Yobo 14:10

Lelo umuntu ndi cakuti wala wafwa, asiya na maka awe. Uzye umuntu lino wata ukufuuta, wene akaya kwi?

Yobo 20:8

Akauluka sile wa ciloto, icisimanyikwa na muno cali cilozile. Akaongoloka wa vilolwa vya usiku, ivisiloleka nalyuze.

Yobo 24:24

Antu yayo aipe yakaiza iyapulama pa kasita akanono sile. Alino lyene iiza iyongoloka sile, nu kufota wi sote. Iyatandika ukufoota wa malezi yano yatiyasinza

Yobo 5:7

Lelo umuntu ndi wavyalwa akazana ucuzi, wakwe vino ivyunyi vikaulolelwa ukupapuka.

Masamu 78:39

Wiiusyanga ukuti, yaa antu sile, yaya wa muza ukapungana ni mipitile ala ali mpitile.

Ezaya 38:12

Natangi sile umi wane muno nsi wapelela pano, lyene casila! Wala wasila wi taalu lwakwe kacema, lino akapangulula. Wasila wa nsalu yakwe kapikula, ino akapombelekezya nu kuiputwila uku cintu cino akupikwilako. Natangi, apakuti kawe sile ale Leza wamalilila.

Aina Levi 27:7

Pa muntu umonsi wiyo akweti imyaka amakumi mutanda nanti ukuluta, alinzile kulipa yasiluva ikumi na yasano. Alino umwanaci wene alinzile ukulipa yasiluva ikumi lyonga.

Luka 12:20

Lelo Leza amunena ati, ‘We ciwelewele we! Usiku kwene uu umi wako nkuulonda. Uzye lyene aweni alatola vintu vyonsi vino waisungila?’”

Malango 34:7

Mose wali ni myaka umwanda onga na makumi yaili lino wafwile, ala lilyo acili na maka, nu kulola ala acili akulola ningo.

Yakobo 4:14

Mutamanya nanti vino umi winu ulaya pa mutondo! Mwemo mukoline wa cunsi, cino cikaloleka pa kasita kanono nupya icita kuloleka.

Yoswa 14:11

Ni lelo kwene ncili na maka wakwe lino Mose wantumile, nupya ndakai njiteinye ukuya ku ulwi wakwe vino nali pa nsita ilya.