Masamu 9:17 - Amazwi Yakwe Leza 2013

¹⁷ Imfwa ali uyo wa antu aipe, yayo yonsi akana Leza.

Masamu 9:17 ပူးပေါင်းရင်းမြစ်များ

Yobo 5:13

Wene akavulunganya amapange ya antu yamano, nu kulemenkezya incenjezi mu ucenjezi wao.

Yobo 8:13

Vivyo ivikaya ni mpela ya antu atamanya Leza. Ali vino nu upaalilo wao ukasila, ndi cakuti yilila kuli Leza.

Masamu 106:13

Yakalauka ukwilila uku vicitwa vyakwe, kusi kulolela ukuti ayapanzyeko amano.

Masamu 44:17

Vyonsi vivyo ali vino vyatucitikila nanti angala swemo tutakwilila we Leza, nanti ukonona upangano uno wapangana naswe.

Masamu 44:20

Itukana uku kupepa we Leza witu, itwapepa tumaleza twankandawa, utuluwi

Masamu 49:14

Ala yene intipu zyao, izya kufwa wa mfwele umu citata. Nupya imfwa kwene, ali mucemi wao, na antu alungame ali yano yakayateeka. Lino ulaca ucindami wao ulongoloka, ni cifulo cao, umwi lindi.

Masamu 50:22

Mwemuno mwansula, ne Leza, cenjelini! Pano limwi mungazana ukuti namusantola ukwaula nu wakuti amutasye.

Mapinda 14:32

Umuntu mwipe uyi wakwe uli uno ukamuwisya, lelo wiyo akacita vyaololoke wene akazina mu vicitwa vyakwe ivisuma.

Mapinda 5:22

Ivicitwa viipe vya muntu mwipe vikaya iciteyo cakulemyamo umwisikulu, ni milimo iipe iya mukanda ikamuvimbilikizya.

Ezaya 3:11

Kalanda ku antu aipe! Yene yalacilola! Yalalipilwa apa uyi uno iminwe yao yacita.

Ezaya 5:14

Umu cumi umukolomilo wa mfwa ukulolela, nga watiwasama akanwa apakuti uyatunkile. Apa kumila iumba lya yasambazi yamu musumba ni nkutwi yakwe celico iluvwika.

Yelemiya 13:25

Yawe walanda ukuti lilyo lili syamo ililamuponela. Vili vino wene wapingula ukumucita, pamulandu wakuti mwemo mwamufutatila nu kutaila mu tuluwi tuleza twaufi.

Yelemiya 18:15

Lelo antu yane yanjilila. Yene yakaocela utuluwi ubani, tuto utwayalenzile kupumeka umu nzila zino yalinzile ukupitamo. Yene yata ukulondela inzila zyampiti. Yakalondela tuzila twakwe tondo, ni miseo izyokoloke.

Yelemiya 2:32

Uzye kwene umukazyana angilila iviyembelo vyakwe, nanti nawinga angilila umusipi wakwe? Lelo antu yane yatiyanjilila apa manda asi yakupenda.

Yelemiya 3:21

“Icongo acico cuvwika apapela ya twamba. Ee, ukulila kwa ina Izlaeli nu kupapata kwao. Pasi pano yatiyanyonganika inzila yao, nu kwilila kuli Yawe, Leza wao.

Ezekelo 22:16

Cacumi, ulazewana pa manso ya antu ya mitundu yuze, nu kumanya ulamanya ukuti nene indi Yawe.”

Oseya 2:13

Ndamuvunuka pamulandu wakuti wene ocile ubani kuli Tubaali mu manda kwene yalya auzevyo. Wene waiyemvizye ni mbalaminwe nga ni viyembelo vya mutengo ukulu cuze, nga alondelela akambwe yakwe. Lelo nemo atanjiwisye, awe. Avino Yawe wavwanga.

Umbwilo 20:15

Wino wensi atalemvilwe izina lyakwe mu lupapulo lwa umi wene wasumbilwe muli yemba wa moto.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”