Masamu 9:14 - Amazwi Yakwe Leza 2013

¹⁴ apakuti ningimilila inkolelo ya antu amu Yelusalemu nu kuyanena ivintu vyonsi vino nkakulumbanyizizyapo. Namazanga pano wemo wantuula.

Masamu 9:14 ပူးပေါင်းရင်းမြစ်များ

Masamu 106:2

Aweni angatantawila ivicitwa vyakwe Yawe ivyakuzunguka, nu kusimika amalumbo yakwe yonsi?

Masamu 13:5

Lelo nemo inkutaila umu kutemwa kwako ukwa pe, we Yawe. Ungala uleke umwenzo wane uzangile uku wazwilizyo wako.

Masamu 20:5

Lyene tuce tupunde ni nsansa apakucimvya kwako nu kutumpula imendela umwi zina lyakwe Leza witu. Sangala Yawe ale akupeele vyonsi vino walenga!

Masamu 21:1

We Yawe, ala umwene watasansamuka, pano wemo wamupeela amaka ya kucimvya. Wene akuzanga pano wemo wamupeela ucimvyo.

Masamu 22:22

Namalandilanga antu yane ululumbi lwako. Namakulumbanyanga lyonsi umu kukongana kwao.

Masamu 22:25

Mwene Leza awewe namalumbanyanga umu ukongano ukalamba pamulandu ni vintu vino wacita. Apa manso ya antu akamfukilila ali pano nemo namakupelanga impolelwa ino nakulavile.

Masamu 35:18

Namakuwanzyanga ukwi uvi likalamba, nu kukuwanzizya ukwi umba lya antu ilikalamba.

Masamu 35:9

Alino nani namayanga nu luzango apamulandu wa vintu vino Yawe umweneco wacita. Namazanganga na pamulandu wakumpususya.

Masamu 42:4

Umwenzo wane ukakulukunta ndi niusya ivyampiti, lino nayanga na maumba umu ng'anda yakwe Leza. Anene kwene natungululanga mulongo wa antu ni nsansa, lilyo ala tukwimbila Leza nyimbo zyakumulumbanya.

Masamu 51:12

Umbwezezye insansa zya ufyusi wako, umpeele umwenzo ukome nupya utontelele.

Masamu 51:15

We Mwene, sapula imilomo yane, na kanwa kane kamatakolonga umuncinzi wako.

Masamu 6:3

Umwenzo wane pasi pakunyongotoka. We Yawe, uzye vikwene vimacitika mpaka ukufika lilaci?

Masamu 75:9

Lelo nemo, ntalatala inte ukulumbanya Leza wakwe Yakobo, nanti ukumwimbila inyimbo zya malumbo.

Masamu 79:13

Lyene ale naswe swe antu yako, swe mfwele zyako, tumakuwanzyanya pee, nu kukulumbanya imyaka yonsi ilalondelelapo.

Kufuma 3:7

Lyene Yawe avwanga ati, “Natindola kukalala kuno aina Eguputo yakucita pa antu yane. Natinuvwa inkuta ya antu yane kuti njatuule ukufuma mu makasa yakwe yakangalila yao akalale. Manyile kunyunguluka kwao konsi.

Kufuma 3:9

Cumi natinuvwa inkuta ya antu yane, nupya natindola kukalala kuno aina Eguputo yakucita pa antu yane.

Ezaya 12:3

Ndi vino amanzi azuke yakaleta insansa kuli wino ali nu lusala, ali vino antu yakwe Leza yakazanga nga wene wayatuula.

Ezaya 37:22

Na pakulanda pali aliwe, Yawe wavwanzile ati, “We Senakelibu we, ala mwine umusumba wa Yelusalemu watiukusuula wakwe cimwi nupya nu kukuwela ukukuwela.

Ezaya 62:11

Yawe akulaizya ku mitundu yonsi, mpaka nu kumpela yansi ati, “Nenini umukazyana mwana Zioni muti, Katuula wakwe awiyo akwiza. Ali ni cilambu ca kucimvya kwakwe, watakolezya ni visampwe vyakwe.”

Mika 4:13

Yawe akuti, “Mwe antu amu Zioni, katukini muye mukalwisye anisi inu! Ndamucita ukuya antu amaka ungati a masaye uwa mpembe zya cela, ni nkamba zya mukuwa. Ulavungola antu amu mitundu ivule, “nu kutuula kuli ne Yawe ivintu vino yalonsile umu ukakasi. Ni cuma cao ulacipeela ku Mwene wa nsi yonsi.”

Habakuku 3:18

Lelo nemo namazangila muli Yawe, namakwatanga insansa pamulandu wakuti Leza a Katuula wane.

Luka 1:47

nupya untu wane ukuzangila muli Leza Katuula wane,

1 Samueli 2:1

Lyene Hana apepa ati, “Umwenzo wane ukuzanga muli Yawe, amaka yane yakafuma kuli Yawe. Ndakai inkuseka anisi yane, pano nkazangila mu ufyusi wako.