Masamu 89:51 - Amazwi Yakwe Leza 2013

⁵¹ We Yawe ala lola vino anisi yako yakunsoweka nene nemuno wasolola ukuya kateeka. Konsi sile kuno nati kampitile awe pasi pakunsuula.

Masamu 89:51 ပူးပေါင်းရင်းမြစ်များ

Masamu 57:3

Ungasukile ukwiyulu kwene, untuule nu kuntuula. Umacimvya na yayo kwene akamvungatila. We Leza, umandanga ukutemwa kwako ukwa pe na ucumi.

Masamu 69:8

Nemo uku inane lyene naya sile wa mwenyi. Naya wa mwinamasi ku ana yakwe mayo.

Masamu 74:10

Leza we, uzye alilaci fwandi lino anisi itu yalata ukutusausya? Uzye yamatutukolanga lyonsi pee?

Danieli 9:16

We Mwene, uku mpiti watupokololanga, acino utatwalilila ukusokela Yelusalemu. Ala Yelusalemu umusumba wako, umwamba wako wamuzilo. Amaifyo itu ni nkota zya vikolwe vitu ivyalenga kuti antu atuzingulwike yasoweka Yelusalemu kumwi na swe antu yako.

Mateo 12:24

Lelo lino Afaliseo yuvwa cii, yavwanga yati, Awe! “Kupitila sile muli Belezebu, mwanangwa wa mipasi yankota, amuno akafumizya mipasi yankota.”

Mateo 26:61

ku kumulongwela. Mukusyalikizya, antu yaili yaile inkolelo yavwanga yati, “Muntu wii wavwanzile ati, ‘Ningomoola Ng'anda ikulu yakwe Leza nu kuikuula mu manda yatatu.’ ”

Yoane 8:48

Ayuda yuzya Yesu yati, “Uzye tutavwanzile ningo lino twati wewe Musamaliya, nupya uli nu mupasi wankota munuli?”

Milimo 5:41

Atumwa nao yafuma mwi Tengo, yazanga cuze, pano Leza wayapendile kuya alinge kusulwa pamulandu wi zina lyakwe Yesu.

Ayebulai 10:33

Nsita zimwi antu yamutusile pa lwalala nu kumucuzya. Nsita zimwi mwali aiteyanye kuilundanya kuli yao acuziwanga mu musango ndi uu.

Ayebulai 11:36

Yamwi yayasowike nu kuyanyambola, yauze nao yanyefilwe mu minyololo nu kuyatwala ku ng'anda yaminyololo.

1 Petulo 3:16

Lelo mwacita cii na mazwi amutembo nu mucinzi. Lekini myenzo inu iye isuma. Ndi mwacita cii ale lyene mulalenga antu insonyi, yao yano yakalanda viipe pa milimo inu isuma ya alondezi yakwe Klistu.