Masamu 89:19 - Amazwi Yakwe Leza 2013

¹⁹ Mpiti wavwanzile umu cilolwa ku antu yako acumi, uti, “Nemo natinzwika umuntu umuzwangane icilongwe. Natincindamika wenga wino nemo natinsolola apa antu.

Masamu 89:19 ပူးပေါင်းရင်းမြစ်များ

2 Samueli 17:10

Lyene nanti umusilika ukuluta yonsi, wino wapama wakwe cisama, alazakaza ku ntete, pano aina Izlaeli yonsi yamanya ukuti so icita nga na antu yano ali nayo yapama.

1 Yamwene 11:34

Nga lelo Solomoni yasikumupokolola uwene onsi. Amaya pa wene mpaka amanda yonsi yano alikala pa wene pamulandu wakwe isi Davidi wino ne Yawe nasolwile, uwalondelanga amalamulo yane ni vyeo vyane.

Masamu 3:4

Nalaizya kuli Yawe ni izwi ilisanzuke, nawe wanjasuka pa mwamba wakwe uwamuzilo.

Masamu 42:3

Umusanya nu usiku nkalaizya na minsozi yane yasuka yasanguka icilyo cane. Lyonsi anisi yane yakanguzya yati, “Uzye Leza wako ali kwi?”

Masamu 89:3

Wemo wavwanzile uti, “Napangana upangano nu musololwe wane, nalapa uku muomvi wane Davidi inti,

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Yelemiya 30:21

Intunguluzi yao ilaya iya mutundu wao. Uwa kuyateeka alafuma pakasi kao. Ndaleka ukuti aize kunondi nu kumpalamila, pano kutanga kuye angaitemelwa ukumpalamila.” Ivyalanda Yawe.

Mako 1:24

“Uzye ukulonda cani kunotuli we Yesu uwaku Nazaleti? Uzye wiza kuno kuti utonone? Nati nkumanya, wewe Wamuzilo nupya wafuma kuli Leza.”

Luka 1:70

Ku mpiti wavwanzile kupitila muli yakasema yakwe amuzilo.

2 Petulo 1:21

Pano kutaya ilandwe lya usemo ilyafuma ku kulonda kwa muntu. Lelo antu yatungulwilwe na Mupasi Wamuzilo lino yavwanganga ilandwe ilyafumile kuli Leza.

2 Petulo 3:2

Nkulonda kuti mwiusye mazwi yano yakasema amuzilo yavwanzile ku mpiti, nga ni sunde kufuma ku Mwene nupya Katuula witu, lino atumwa yamupile.

Umbwilo 3:7

“Lemba ku ntunguluzi yakwi uvi ku Filadefia uti, “Lii ilandwe kufuma kuli wino uwamuzilo nupya uwa cumi. Wene akweti mfungulo yakwe Kateeka Davidi, nupya lino wayula mulyango, kusi umuntu nanti wenga angauyala, na lino wene wauyala, kusi muntu nanti wenga angauyula.

1 Samueli 16:1

Yawe anena Samueli ati, “Uzye fwandi wemo ulata lilaci ukutezela Saulo? Nemo namukana mpiti ukuti atangaya umwene wa ina Izlaeli. Wemo zuzya sile amafuta umu musazi wako nga ukatuke uwapita. Namakutuma kwakwe Yese umwina Betelemu. Natinsolola wenga uwamu ana yakwe aonsi kuti aye umwene.”

1 Samueli 16:18

Alino umuomvi wenga pa yaomvi yakwe amunena ati, “Mukwai nemo namanya umwana umonsi wakwe Yese umwina Betelemu ali wino wacenjela sana ukulizya gita. Wene umuntu umwi umusipe nu pya icita ca nkondo. Umucenjele mu kuvwanga nupya umuyembe, nga Yawe ali nawe.”