Masamu 89:10 - Amazwi Yakwe Leza 2013

¹⁰ Awewe waputwile Laabu paili wa cala, upasa na anisi yako, uku maka yako sile.

Masamu 89:10 ပူးပေါင်းရင်းမြစ်များ

Masamu 144:6

Myantula inkuwa zyako usalanganye anisi. Sumba inceto zyako nu kuyazinganya.

Masamu 59:11

We Leza, inkuti utayakoma, pano limwi antu yane yangiza yilile. Yapase sile, yasaate uku maka yako, alino yaponge, uyalovye. We Mwene, we kavwangila witu?

Masamu 65:8

Antu ya pano nsi yaya ni ntete, pamulandu wa vintu ivikulu vino ukacita. Vino wacita kwene ivyalenga nu kuti antu yaumila utupundu, ukutandika akatondo mpaka amanguzi.

Masamu 68:1

Leza kakatuke, apase na anisi yakwe. Na yayo amupata kayutukile ukutali.

Masamu 68:30

ali muno uvwangatile Eguputo, icilyanyi cici icamu matete. Ali muno uvwangatile umutundu, uwaya wa ufyo wakwe yacipambasi pamwi nu twana twa ng'ombe, apakuti yace yasuke yakufukamile yonsi pyu, nu kukutuula yasiluva yao. Pasa imitundu ya antu yayo, atemwa impanzela!

Masamu 87:4

“Lino nemo indatantika antu ya mitundu ino yamfukilila, ndalunda penepo Laabu na ina Babiloni. Alino aina Filisti, aina Tuli na ina Etiopia. Nayo kwene fwandi yalaikala umwako we Yelusalemu.”

Ezaya 24:1

Cenjelini, Yawe alonona insi yonsi pyu, yapano pansi nu kuisenula ulwanga. Alavulunganya ukuyemba kwa iko, nu kusalanganya antu yonsi aikala mwenemo.

Malango 4:34

Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.