Masamu 88:8 - Amazwi Yakwe Leza 2013

⁸ Watuleka nu kuti anisi yane yansangukile, watuncita ukuya icamuselu kunoyali, natinjalilwa cakuti nkuposiwa nu kwa kufumila.

Masamu 88:8 ပူးပေါင်းရင်းမြစ်များ

Yobo 12:14

Cino wene waongolola kutange kuye uwa kucikuula, wene nga wanyepa umuntu kutange kuye angamusapula.

Yobo 19:8

“Leza aliwe akacinga inzila yane, icakuti naposiwa napakufyonsezya. Mu nzila yane wika mwenemo akafinzi.

Yobo 30:10

Yampata wakwe cimwi, nu kuntaluka yantaluka. Yataya ni coopo foo. Yene yakulukunswila namati apa manso.

Masamu 142:4

Lolekesya ukwi kasa lilunji lyane, lola kusi nanti umwi amanyile. Insi nu wakuti ningutukila kweneko, kusi uwasakamala umi wane.

Masamu 143:4

Umwenzo wane usi namaka, nu munda yane mwati muzula intete.

Masamu 31:11

Anisi yane yonsi, makamaka ainipamba, yene yakansausya. Na yayo amanya yakundeoka. Nga yandola sile umu museo, yutuka!

Masamu 42:8

Su mwene alukulanga ukutemwa kwakwe ukwa pe akasanya, apakuti nalukumwimbila usiku, nu kupepa kuli Leza wiyo akampeela uumi.

Masamu 88:18

Wemo wafuntusya kunondi yacuza yane, kumwi na akundwe yane. Lyene akanda katupu ali cuza wane.

Ezaya 49:7

Yawe wavwanga wati, Umuntu umwi wino antu yasuulisya wakwe cimwi, wino imitundu ya antu yapatisya, wino na yamwene alukang'ansi yateeka uzya, ali wino Yawe Katuula nupya Wamuzilo wilya wakwe Izlaeli, akunena ati, “Lino yamwene yalalola kuno wakululwa, yene yalakatuka nu kukucindika. Intunguluzi nazyo kwene zilakatuka nu kukufukamila, apa kukucindika. Pano uwakusolola anene, ne Yawe uwatailwa, Wamuzilo wilya wakwe Izlaeli.”

Ezaya 63:3

Lyene Yawe nawe ali pakwasuka ati, “Nemo nali indi nenga mpo, lino nalinkulyatola antu ya mitundu yonsi kwati iviseekwa vya matingi. Kusi nanti wenga uwali wangazwako foo. Nali nkuyalyatola ukali ukali, cakuti cakuzwala cane casuka cakandana ku wazi wao.

Yelemiya 32:2

Alino ivita vya mwene waku Babiloni vyazingulwike Yelusalemu na kasema Yelemiya nawe wafungililwe mu musolo wakwe yakalinda, lwakwi sano lya mwene wa ina Yuda

Zakaliya 11:8

Lelo yakacema yatatu yano yampasile, yamansalosya ku nsingo, nani ali pakuyazinga yonsi pa mwezi onga.

Yoane 11:57

Lelo yasimapepo akalamba na Afaliseo yapile ilamulo kuti umuntu umwi ndi angamanya ukuli Yesu, wene alinzile ayanene kuti yakamuleme.