Masamu 80:15 - Amazwi Yakwe Leza 2013

¹⁵ Iza sile ndu pususye umutingi uno we mweneco walemile. Akateeta ka mutingi uno wasya aka maka wakwe cimwi!

Masamu 80:15 ပူးပေါင်းရင်းမြစ်များ

Masamu 80:8

Awewe walemwile umutingi umu Eguputo wiza wazinga imitundu umu mpanga yao, amuno wiza waulema.

Masamu 89:21

Amaka yane yamamusunganga pee na pee ulamba wane umamukomyanga umuyayaya.

Masamu 90:13

Ala, siwatala usuula kweneko, we Yawe! Nga fwandi ukali wako ungapelela pii? Sungala uyelele aomvi yako uluse!

Ezaya 11:1

Ululembelya lulatumba apa cisiki cakwe Yese, na pamisisi yakwe palamela umusambo.

Ezaya 49:5

Yawe aliwe wambumvile mu ndilwa yakwe mayo kuti nje umuomvi wakwe, kuti mbwezye umutundu wakwe Yakobo kunoli, nga nu kukonganika aina Izlaeli apipi na aliwe. Pano nacindamikwa mu manso yakwe Yawe, nupya nkazana amaka muli Yawe Leza wane.

Ezaya 63:15

Yawe sungala ulolekesye ukufuma ukwiyulu. Lolekesya pano nsi ukufuma ku cifulo cako calulumbi! Uzye ukutusakamala kwako, amaka yako, nu kulonda kwa mwenzo wako vyaya kwi? Ala utaezya ukutwilila!

Yelemiya 2:21

Nemo walanga nakulema wa muti wa matingi uwa mbezu, ulondoloke. Lyene tala lola vino watuya! Uli wa muti wa matingi uole, uwa ciwelewele sile.

Nyimbo zya ndosya 3:50

mpaka sile lino Mwene alasungamila ukufuma ukwiyulu nu kutulolekesya penepo.

Zakaliya 3:8

“ ‘Caleka uvwa kunondi, we Yoswa. Wemo wewe Simapepo Mukulu, alino namwe mwe yasimapepo yauze uvwini kunondi. Mwemo mwemwe cimanyililo icakumanyila ivilaya kweneko. Mu cumi indi nu kusokolola umuomvi wane akaamwa ukuti Musambo.

Zakaliya 6:12

Ukamunene ukuti ne Yawe Wamaka yonsi navwanga nati, ‘Umuntu wino akaamwa ukuti umusambo, wakulilila papo kwene pano ali, nga nu kukuulila Yawe Ng'anda ikulu cipya cipya.

Mako 12:1

Lyene Yesu avwanga kunoyali mu milumbe ati, “Kwali umuntu uwalimile icalo ca matingi apindila ni cimpinda. Lyene aimbamo ni ciwina cakufenelamo matingi, nga akuula nu lupungu. Alino apanzisya icalo cakwe ku alimi nga apita ku mpanga ya kutali.

Yoane 15:1

“Nene mutingi wa cumi na Tata ali mulimi.

Malango 26:15

Ala kuko ukwiyulu kuno ukaikala, ku ncende yamuzilo, si ule usumbe amanso yako pa antu yako aina Izlaeli nu kuyapolelela. Si ule upolelele ni mpanga yao kwene iya uzombozi ukulu cuze nupya iivunde, wakwe vino walavile ivikolwe vitu.’