Masamu 79:10 - Amazwi Yakwe Leza 2013

¹⁰ Kuno icani cino ainamasi yangatuzizya iyati, “Uzye Leza winu alikwi?” Fwandi leka tulole kuno ukupezya ainamasi, pali ucikoma uno yakomozile antu.

Masamu 79:10 ပူးပေါင်းရင်းမြစ်များ

Masamu 115:2

Icani fwandi cino ainamasi yangauzizya iyati, “Uzye Leza wao waya kwi?”

Masamu 42:10

Vimatusi vya anisi yane vyati vimpezya amano. Yene yikalile sile ukunguzya pe pe pe iyati, “Nga Leza wako alikwi?”

Masamu 42:11

Uzye pacani fwandi cino nikalile ulanda ulanda vii? Icati cinsakamalika vii icani? Awe nemo nkanataila sile muli Leza, nupya kwene ali wino nemo namawanzyanga, katula wane na Leza wane.

Masamu 42:3

Umusanya nu usiku nkalaizya na minsozi yane yasuka yasanguka icilyo cane. Lyonsi anisi yane yakanguzya yati, “Uzye Leza wako ali kwi?”

Masamu 42:4

Umwenzo wane ukakulukunta ndi niusya ivyampiti, lino nayanga na maumba umu ng'anda yakwe Leza. Anene kwene natungululanga mulongo wa antu ni nsansa, lilyo ala tukwimbila Leza nyimbo zyakumulumbanya.

Masamu 58:11

Yakaifya yene yalati, “Ee kwene icacumi asuma yalambulwa, mu cumi, kwaya Leza wenga akapingwila insi.”

Masamu 9:16

Yawe wataisokolola umwisikulu umu upinguzi wakwe ulungame. Watafyenenkezya aipe umu vicitwa vyao.

Masamu 94:1

We Yawe, awewe Leza akavunuka, fwandi langa ukali wako!

Kufuma 6:7

Ndamulenga ukuya antu yane, nga nani ndaya Leza winu. Lino ndamukulula ukufuma ku uzya wa milimo ikome, ino aina Eguputo yamutwika, lyene mulamanya ukuti Nene indi Yawe, Leza winu

Kufuma 7:5

Lilya lino ndaomvya maka yane panoyali nu kufumya aina Izlaeli mu Eguputo, alino aina Eguputo yalamanya ukuti Nene indi Yawe.”

Ezaya 64:1

We Yawe, uzye pacani cino utangalepula amayulu nu kwika pano nsi? Uzye pacani imyamba ikaizakazila pakulola wewe,

Yelemiya 51:24

Yawe wavwanga wati, “Mulailolela mwenga na manso inu kuno nkuvunuka aina Babiloni yonsi apa lufyengo luno yacitile Zioni.

Yelemiya 51:35

Aina Zioni kayalukuti, “Ee, cumi aina Babiloni kayayafulule sile, pali vino yene yatucuzizye!” Antu amu Yelusalemu nayo kayale yalukuti, “Eya, aina Babiloni kayayafulule, pali vino yamucuzizye!”

Nyimbo zya ndosya 1:22

“Si yapeele umulandu apa nkota zyao zyonsi. Uyavunuke ndi vino wamvunwike apa maifyo yane. Nemo nkunyunguluka umu ulanda, nu mwenzo wane wationgoka.”

Ezekelo 36:23

Ndi cakuti nalanga antu ya mitundu yuze vino nemo naya uwamuzilo, nanti angala mwemo mwandetile insonyi kunoyali, lelo yene yalasininkizya ukuti nene indi Yawe. Ivyalanda ne Yawe Simwandalali. Nupya mwemwe kwene ndaleka mukamanyisye antu ya mitundu yuze ukuti nene ndi wamuzilo.

Yowelo 2:17

Lekini yasimapepo, yao akatumikila Yawe, nayo yalosye apakasi ka musolo wapa wingililo na kavuwa. Lekini yavwange yati, ‘We Yawe, su ngala uye nu luse pa antu yako. Utazumilizya kuti umwi asausye antu yako asololwe.’ Utaleka ainamasi yayaseke apa kuvwanzyanya yati, ‘Uzye Leza wao ali kwi?’ ”

Mika 7:10

Lyene anisi itu yalalola ivintu vii, nga insonyi zilayalema antu yano yakauzya sweswe yati, “Uzye Yawe Leza winu ali kwi?” Ndalola ukucimviwa kwao, yalalyatolwa wa matipa mu museo.

Loma 12:19

Mutalandula, mwe yacuza yane, lelo lekini Leza aliwe acite cilanduzi. Pano calembwa mu malembelo vino Leza wati, “Ndalandula, nupya ndayawezezya vicitwa vyao.”

Malango 32:43

“Mwe antu amu nko zyonsi, mulinzile mwalumbanya antu yakwe Yawe, pano wene alavunuka yonsi yao alayakoma. Wene akacita cilanduzi pa anisi yakwe. Nu kwelela amaifyo ya mpanga na ya antu yakwe.”

Umbwilo 18:20

Zangini, mwe muno mwikala mwiyulu pamulandu wakononwa kwakwe! Zangini mwe antu yakwe Leza pamwi na atumwa na yakasema! Pano Leza watamuvunuka pali vino wamucitile!