Masamu 78:58 - Amazwi Yakwe Leza 2013

⁵⁸ Yamusonsombanga umu vifulo vyao ivyapapela ivyaku pepelapo, yamufisya nu ku mwenzo uku tuluwi twao.

Masamu 78:58 ပူးပေါင်းရင်းမြစ်များ

1 Yamwene 11:10

apa kumulesya nu kumukalipila palwa kupepa tuleza tuze, lelo wene ukwaula kucita vino Yawe wamunenyile.

1 Yamwene 11:7

Solomoni asuka akuula incende yakupepelapo papela ya mwamba lwaku ufumondaka wakwe Yelusalemu, apa kupepela Kemosyi, kaleza kaluwi ka ina Moabu. Alino na pakupepela Moleki, kaleza kaluwi ka ina Amoni.

1 Yamwene 12:31

Nupya Yeloboamu wiyo ali pa kukuula ni ncende zino yakapepela mwenemo papela ya mwamba asolola na yasimapepo atali amu mupanda wakwe Levi.

2 Yamwene 17:9

Aina Izlaeli yacitanga ivintu vino Yawe Leza wao asilonda. Iyakuula utuvwa twakupepela nu kutuulila tuleza tuluwi umu misumba yao yonsi, ukutandika sile ku kamuzi akanono ukufika sile nu ku musumba ukalamba.

2 Yamwene 21:7

Lyene Manase atoola iciluwi cico icakolana nu mwanaci nga aya aciika mu Ng'anda ikulu yakwe Yawe, mu cifulo cino Yawe wavwanzile kuli Davidi nu mwana wakwe Solomoni ati, “Mukwene umu Yelusalemu, umu Ng'anda ikulu kwene ii, umu ncende ino nemo nasolola ukufuma mu mpanga yonsi ya mitundu yakwe Izlaeli, ali muno yalampepela amanda pe.

2 Milandu 21:11

Apatandikile nu tuvuwa twa kupepelamo utuluwi twaku mpanga ya myamba yaku Yuda. Nupya wene watungulwile na antu aku Yelusalemu kuti yatakwata icumi nu kuponzya aingi aku Yuda.

Masamu 79:5

We Yawe, uzye ukutusokela kwene kuu, kulasila lilaci? Si namanye ukwa muyayaya? Uzye cumi avino umalunkumanga wa moto vivyo kwene uku ukali?

Masamu 97:7

Yakapepa yatuluwi, insonyi kaziyaleme, yayo yonsi akaitanka apa vyaciwelewele. Alino mwe tuleza tonsi mufukamilini pansi.

Kufuma 34:14

“Mutapepa leza muze ali wensi, pano Yawe wino izina lyakwe a cauzuwa, a Leza wa uzuwa mucumi.

Yelemiya 8:19

Si kutikini! Umu mpanga yonsi kwene, nkuuvwamo sile impooma zya antu yane yakuti, “Yawe asi mwenemo muno mu Zioni? Uzye Mwene wino wateeka muno mu Zioni, asi mwenemo vwile?” Yawe wino wayateeka nawe ali pakwasuka ati, “Uzye pacani cino mwaleka kuti insoke, pamulandu nu tuluwi twinu, na pamulandu wakwe tuleza twinu utwaciwelewele nupya utwa inamasi?”

Oseya 13:2

Na ndakai kwene yacili yakutwalilila ukwifya. Yakaipangila utuluwi twakwe siluva, amaunkolanya ya vyela yano yapangwa ningo, yano antu yetetwile nu kupanga na makasa yao. Lyene yavwanga yati, “Pelini impolelwa kunoyali, tonsolini utuluwi tuu utwaya mu musango wakwe yacipambasi.”

Aina Levi 26:30

Ndonona incende zinu zino mukapepela penepo pa twamba, nomoole nu tuvuwa twinu tuno mukaocelapo ubani. Ndasumbila ivyala vinu pa tuluwi twinu twaula umi. Nupya ndapatana namwe. Mu ukali wane

Mpendwa 33:52

mulinzile ukuzinga aikazi yamwenemo yonsi kwene. Monone nu tuluwi twao tonsi tuno yawaza na tuno yengulula kwene. Mukonone ni ncende zyao kwene zino yakapepela mwenemo.

1 Kolinto 10:22

Nanti uzye tukulonda kuleka Mwene aye nu uzuwa? Swemo tutaluta Mwene maka.

Malango 12:2

Muce monone incende zyonsi pyu, zino imitundu ino mwazana mwenemo ikapepelapo tuleza twao. Incende zyonsi izya pa myamba apapeela, izya pa twamba kumwi ni zya mwisika ya vimiti vya matesi ali yonsi.

Malango 12:4

“Mutakezye ukupepa Leza winu mu musango uno antu yayo yakapepela tuleza twao.

Malango 27:15

“ ‘Katipwe kuli Leza umuntu wino akaipangila akaluwi ka mawe, nanti aka miti nanti akacela, pakuti wene akano apepa mu umfisolo. Yawe wapata ukupepa utuluwi.’ “Lyene antu yonsi yalande yati, ‘Ee mukwai! Kaciye vivyo kwene!’

Malango 32:21

Yandenga ukuya nu uzuwa pamulandu ni vipangwe visi leza, Yaleka nasoka pamulandu na tuno yakwama ukuti a tuleza, tuto tuno umucumi tusi a tuleza. Caleka fwandi nani ndaleka yaye nu uzuwa ku cintu icisi umutundu wa mpomvu. Ndaleka uluko lwa ciwelewele luyasosye.

Yakapingula 10:6

Nupya kwene aina Izlaeli yiifya kuli Yawe pa kupepa maunkolanya yakwe Baali na yakwe Asyitaloti, nga na tuleza tuze twa ina Alamu, nu twa ina Sidoni, nu twa ina Moabu, nu twa ina Amoni, nu twa ina Filisti.

Yakapingula 2:17

Lelo nalyo kwene aina Izlaeli yatuvwilanga intunguluzi zizi. Pasi pano yene yacisile ngati uzelele pa kufukamilanga tuleza tuze nu kutupepa. Ivikolwe vyao vyayezile amalamulo yakwe Yawe, lelo antu amu mukulo uu yene zuwazuwa yata ukuyela.

Yakapingula 2:20

Caleka Yawe pasi pa kusokela aina Izlaeli nga avwanga ati, “Pamulandu wakuti uluko luu lwatilonona upangano wane uno napiile ilamulo ku vikolwe vyao kuti visunge, nga nayo yakana ukunguvwila,

Yakapingula 3:19

Lelo Eudi umwisikulu asenuka lwapa tuluwi twa mawe pipi nu ku Giligali, nga aswilila ku Egiloni nga avwanga ati, “Mwene wakwisaci nkukwatile amazwi ya nkama.” Acino umwene wilya apeela ilamulo ku yaomvi yakwe ati, “Tale fumini mutusye swenga.” Nga nayo yonsi iyafuma panzi.