Masamu 78:55 - Amazwi Yakwe Leza 2013

⁵⁵ Azinga aikalangamo, lino antu yakwe yakuya mwenemo, nga aankanya ni nko zya ina Izlaeli impanga nu kuleka ukuti amuno yaikala.

Masamu 78:55 ပူးပေါင်းရင်းမြစ်များ

Masamu 44:2

Vino wazinzile imitundu yuze ya antu nu kulasika antu yako mu mpanga yao kwene. Wemo wavunukanga imitundu yuze ya antu, nu kuleka antu yako yasanduluke.

Masamu 44:3

Visi vyanzo vyao foo, kuno yacimvizye impanga. Nanti asi uku vyanzo vyao foo, kuno yapokile impanga. Lelo uku maka yako nu ku kukalala kwako sile. Pano lyonsi sile wayanga nayo, nu kuyatemwa wayatemilwe.

Ezaya 34:17

Yawe aliwe amavyankanya impanga pano viyelile, nu kupeela conga conga iciputulwa cakweco. Ili mpanga ino ilaya iyaupyanyi, iyakwikalila mwenemo ukufika sile nu kukusila kwa nsi.

Mpendwa 33:54

Muce mwankanye ningo impanga ukulingana ni mitundu inu. Mukaomvye musango wakupendola pa kwankanya. Umutundu uno ukweti antu aingi uli uno muce mupeele impanga ikulu. Na uno wacepelako imuupela impanga icepelile kweneko. Nupya pano caponela lino mukupendola pali pano imumupela ni mpanga yakwe. Muce mwankanye impanga ukulingana ni mpendwa umwayela ivikolwe vinu vyonsi.

Yoswa 13:7

Nga ulinzile ukwankanya impanga ii ku mitundu ilya fundimbali nga nu mutundu pakasi wakwe Manase kuti iye caupyanyi cao.”

Yoswa 19:51

Vii, vili vipitulwa vya mpanga vino simapepo Eleaza, na Yoswa umwana umonsi wakwe Nuni nga ni ntunguluzi zya nko zya mitundu ya ina Izlaeli yankinye ukupitila mu kupendola ku Syilo pa manso yakwe Yawe pa mulyango wi Taalu lya Ukongano. Vivyo avili vino yamalilile ukwankanya impanga ilya.

Yoswa 21:43

Ali vino Yawe wapile aina Izlaeli impanga yonsi ino walavile nu mulapo ukupeela ku vikolwe vyao, nga nayo iyapokolola nu kwikala mwenemo.

Yoswa 23:4

Iusyini vino napeezile impanga yao yonsi ku mitundu inu kuti iye icaupyanyi, impanga ya antu yonsi yano nacimvya ni ya antu yonsi yano yasyala pakasi ka Luzi lwa Yodani nga na Yemba wa Adiliya lwaku ufumondaka.