Masamu 78:49 - Amazwi Yakwe Leza 2013

⁴⁹ Ayafulumila sile ukali ukali alunkuma sile wa moto uku cipyu. Ayasokela wakwe cimwi ayaletela nu ucuzi. Ica cumi vyali ali angeli yakwe akuyalovya.

Masamu 78:49 ပူးပေါင်းရင်းမြစ်များ

2 Samueli 24:16

Lino umungeli wakwe Yawe wali pipi nu konona Yelusalemu, Yawe awezya umwenzo kuti atavunuka antu nga anena umungeli uwayakomanga ati, “Ta, caticilingana!” Umungeli wi waimi apipi na pa lwano lwa kupuulila lwakwe Alauna, umwina Yebusi.

Yobo 1:12

Lyene Yawe anena Satana ati, “Icisuma, nakuzumilizya ukucita Yobo icili consi cino ungatemwa ukumucita. Lelo kwene umwisikulu utezya kumukoma.” Lyene Satana ali pakufuma, asya Yawe nga apita.

Yobo 20:23

Apa kasita kaka kwene kano wakwatisya icuma, ali lino Leza nawe akamuvungatila nu kumupamola.

Masamu 11:6

Apa yaipe akaitila umunyeswa wa moto na maluti nu kuyaletela umuza wa cikaililwa ca mvumba, apakuti ayacuzye.

Kufuma 12:13

Uwazi wa pa meema cilaya cili cimanyililo cakulangilila mang'anda muno mwe ina Izlaeli mukaikala. Lino ndavunuka aina Eguputo, ndi nalola uwazi pa meema ndacilila ng'anda iyo, nga ni mpungo italapona panomuli kuti imonone.

Kufuma 15:7

Watuzana umucinzi ukulu cuze pakucimvya anisi yako nu kuyonona yonsi. Ukali wako ukaaka ngati cimbilimbili ca moto, nupya anisi yako ukayoca ngati insaawa.

Ezaya 42:25

Acino wene watusokile apakalamba, nu kutuletela inkondo ikakate. Asonteka nu moto konsikonsi ukutuzinguluka, ukwaula na kuti tumanye icacitikanga. Umoto watoosile, lelo swemo tutasambililepo nanti cimwi.

Nyimbo zya ndosya 4:11

Umwene watafusya ukali wakwe. Wene wakozizye umoto umu Zioni uno wosile Zioni nu mu mifula kwene.

Zefaniya 3:8

Yawe akuti, “Caleka lolelini, mulolele uwanda uno ndakatuka nu kumupeela umulandu. Pasi pano natinelenganya uku konganika antu amu mitundu yonsi, kumwi na mawene kwene, kuti njalange ukali wane yuvwe ukulu wa ukali wane. Insi yonsi ilononwa ku ukali wa cipyu cane.